ꓬꓲ ꓒꓵꓽ ꓐꓯ ꓞꓲꓹ ꓟꓽ ꓓˍ ꓟ ꓕꓱꓹ ꓚꓵˍ ꓚꓱꓹ ꓐꓰ ꓶꓽ ꓙꓳ ꓫꓱꓸ ꓙꓳ ꓚꓱꓹ ( ꓓꓲꓮꓡꓳꓖꓴꓰ ꓪꓲꓔꓧ ꓳꓔꓧꓰꓣ ꓣꓰꓡꓲꓖꓲꓳꓠꓢ)

ꓖꓳ-ꓔ-ꓟ ꓐꓴꓓ-ꓓ ꓠꓬ ꓠꓬꓲ ꓟꓳ ꓓꓴ ꓔꓯ ꓘꓳꓹ ꓣꓴ ꓪ ꓔꓯ ꓟꓸ ꓖꓶ ꓡꓹ ꓟ ꓟꓽ ꓓ ꓙꓵꓽ ꓖꓴ ꓙꓳꓹ ꓟ ꓬꓲ ꓒꓵꓽ ꓐꓯ ꓞꓲꓹ ꓟ ꓓꓹ ꓟ ꓔꓱꓹ ꓚꓵˍ ꓟ ꓚꓱꓹ 4 ꓟ ꓔꓯ ꓟꓸ ꓖꓶ ꓡˍ ꓡꓳ= 1ꓸ ꓟꓲ ꓠꓯ ꓗꓪ ꓢꓯꓸ ꓔꓬ ꓟ ꓥ ꓕ ꓑꓳꓸ ꓠꓬ ꓫꓸ ꓙꓵ ꓟꓶꓽ ꓙꓵ ꓓꓴ ꓔꓯ ꓔꓳꓹ ꓜꓳ ꓠ ꓗꓹ ꓡꓳ= ꓮ ꓡꓰꓳ ꓐꓯꓹ ꓠꓬ ꓟꓲ ꓠꓯ ꓗꓪ ꓮ ꓫꓵꓽ ꓥˍ ꓟꓲ ꓤꓲ ꓞꓹ ꓟ ꓟꓽ ꓙꓳ= 2ꓸ ꓟꓲ ꓠꓯ ꓗꓪ ꓫꓸ ꓙꓵ ꓟꓶꓽ ꓙꓵ ꓓꓴ ꓔꓳꓹ ꓜꓳˍ ꓟ ꓮ ꓙꓵꓽ ꓠꓬ ꓠꓲꓹ ꓟ ꓥꓳ ꓞꓹ ꓟ꓾ ꓠꓲꓹ ꓠꓵꓹ ꓟ꓾ ꓠꓲꓹ ꓟ ꓠ ꓗꓴ ꓔꓸ ꓟ ꓪꓴꓸ ꓠꓬꓲ ꓠꓲ ꓥˍ ꓡꓳ= ꓖꓳ ꓡꓰ ꓠꓲꓹ ꓟ ꓥꓳ ꓞꓹ ꓟ ꓠꓲꓹ ꓠꓵꓹ ꓟ ꓠꓲꓹ ꓟ ꓠ ꓗꓴꓸ ꓔ ꓟ ꓪꓴꓸ ꓠꓬꓲ ꓠꓲꓹ ꓟ ꓠꓯꓸꓼ ꓗꓪ ꓟꓽ ꓗꓹ ꓛꓵꓽ ꓓꓴ ꓕꓱ ꓡꓰ ꓔꓳꓹ ꓜꓳꓽ ꓡꓹ ꓟ ꓓꓳ ꓡꓹ ꓟ ꓥˍ ꓡꓳ= 3ꓸ ꓕꓱ ꓡꓰ ꓫꓸ ꓙꓵ ꓟꓶꓽ ꓙꓵ ꓓꓴ ꓮ ꓙꓵꓽ ꓠꓬ ꓟꓽ ꓙꓳ ꓡꓰ ꓠ ꓦꓽ ꓦˍ ꓙꓲꓹ ꓟ ꓥˍ ꓡꓳ= ꓖꓳ ꓡꓱ ꓦꓽ ꓦꓹ ꓙꓲˍ ꓟ ꓚꓱꓹ ꓠꓬ ꓠꓲꓹ ꓟ ꓥꓳˍ ꓟ  ꓠꓲꓹ ꓠꓵꓹ ꓟ ꓠꓲꓹ ꓟ ꓠ ꓗꓴꓸ ꓔ ꓟ ꓕꓱ ꓡꓰꓳ ꓫꓵꓽ ꓔꓯ ꓡꓳ ꓗꓷꓹ ꓟ ꓚꓱꓹ ꓥˍ ꓡꓳ= 4ꓸ ꓫꓸ ꓙꓵ ꓟꓶ ꓙꓵ ꓓꓴ ꓮ ꓙꓵꓽ ꓦꓽ ꓦꓹ ꓙꓲˍ ꓟ ꓚꓱꓹ ꓙꓳˍ ꓡꓳ= ꓖꓳ ꓟ ꓠꓬ ꓚꓵꓸ ꓛꓬꓽ ꓐꓱ ꓶ ꓐꓯꓹ ꓟ ꓮ ꓙꓵꓽ ꓔꓯ ꓣꓴ ꓓꓳ ꓗꓷ ꓠꓹ ꓟ ꓢꓯꓼ ꓕꓵꓼ ꓟ ꓚꓱꓹ ꓥˍ ꓡꓳ=

ꓶꓽ ꓙꓳ ꓫꓸ ꓙꓳˍ ꓟ ꓚꓱꓹ 8 ꓟ

1ꓸ ꓚꓱꓹ ꓥ ꓕ ꓑꓸ ꓔꓯ ꓜꓳˍ ꓟ ꓕꓲꓽ ꓛꓱꓽ ꓔꓯ ꓢꓲ ꓟꓳ ꓖꓴ ꓠ ꓗꓪ ꓛꓲ ꓢꓯꓼ ꓕꓵꓼˍ ꓟ꓾ ꓠ ꓠꓹ ꓗꓴ ꓔˍ ꓟ ꓢꓷꓸ ꓡꓰ ꓠ ꓢꓯꓼ ꓕꓵꓼˍ ꓟ

2ꓸ ꓔꓱꓹ ꓚꓵˍ ꓟ ꓔꓶ ꓐꓬꓱꓽ ꓛꓹ ꓔˍ ꓟ

3ꓸꓔꓱꓹ ꓚꓵˍ ꓟ ꓡꓰ ꓐꓰ ꓫꓸ ꓕꓱˍ ꓟ

4ꓸ ꓔꓱꓹ ꓚꓵˍ ꓟ ꓡꓰ ꓐꓰ ꓟꓬꓱꓽ ꓬꓰˍ ꓟ꓾ ꓢꓯꓼ ꓕꓵꓼˍ ꓟ

5ꓸ ꓔꓱꓹ ꓚꓵˍ ꓟ ꓡꓰ ꓐꓰ ꓕꓲꓽ ꓡꓰꓻ ꓢꓯꓸ ꓔꓬ_ ꓟ

6ꓸ ꓔꓱꓹ ꓚꓵˍ ꓟ ꓚꓱꓹ ꓗꓪ ꓐꓰ ꓢꓯꓼ ꓕꓵꓼ ꓪꓴꓽ ꓧꓶˍ ꓟ

7ꓸ ꓔꓱꓹ ꓚꓵˍ ꓟ ꓡꓰ ꓐꓰ ꓕꓲꓽ ꓡꓰ ꓓꓵꓽ ꓙꓽ ꓗꓴꓸ ꓔˍ ꓟ꓾ꓔꓱꓹ ꓚꓵˍ ꓟ ꓡꓰ ꓐꓰ ꓕꓲꓽ ꓡꓰ ꓓꓵꓽ ꓙˍ ꓟ ꓔꓯ ꓟꓽ ꓖꓳꓼ ꓟꓽ ꓧꓶꓸ ꓡꓰ ꓠ ꓢꓯꓼ ꓕꓵꓼˍ ꓟ

8ꓸ ꓔꓱꓹ ꓚꓵˍ ꓟ ꓡꓰ ꓐꓰ ꓕꓲꓽ ꓡꓰ ꓠꓲꓹ ꓟ ꓠꓯꓸꓼ ꓗꓪ ꓓꓵꓽ ꓙˍ ꓟ ꓔꓯ ꓟꓽ ꓒꓳꓹ ꓡꓰ ꓠ ꓮ ꓕꓯꓽ ꓥˍ ꓟꓲ ꓢꓯꓼ ꓕꓵꓼˍ ꓟ ꓮ ꓕꓯꓽ ꓥˍ ꓟꓲ ꓕꓱ ꓕꓱ ꓒꓬꓱꓼ ꓡ ꓠˍ ꓟ ꓢꓯꓼ ꓕꓵꓼˍ ꓟ ꓚꓱꓹ