Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓬꓲ ꓕꓯꓹ ꓫꓵꓺ ꓛꓳ ꓚꓱ꓾ ꓟꓶ-ꓧ-ꓬ-ꓠ ꓐꓰ ꓕꓯ-ꓣ-ꓪ-ꓓ ꓟꓽ ꓫꓱꓹ ꓡꓯ ꓘꓳˍ ꓟ
Saturday, June 19, 2021
ꓖꓳ-ꓔ-ꓟꓼ-ꓐꓴꓓ-ꓓꓼ ꓡꓰ ꓟꓸ ꓖꓶ ꓡꓹ ꓟ ꓠꓯꓸꓼ ꓗꓪ ꓟꓽ ꓓ ꓬꓳꓸ ꓚꓵꓹ ꓟ ꓕꓲꓽ ꓟ ꓠꓬ ꓬꓲ ꓔꓯꓻ ꓫꓵ ꓛꓳ ꓚꓱꓹ ꓐꓯꓹ ꓟ ꓥˍ ꓡꓳ= ꓕꓱ ꓟ ꓠꓬ ꓮꓸ ꓫꓵꓽ ꓥꓹ ꓡ ꓐꓯꓹ ꓠꓬ ꓮꓸ ꓫꓵꓽ ꓥˍ ꓟꓲ ꓟꓬ ꓜꓲ ꓡꓰ ꓠꓬ ꓟꓽ ꓙꓲ꓾ ꓟꓽ ꓡꓳꓹ ꓟꓽ ꓛꓲ ꓡꓰ ꓥˍ ꓟꓲ ꓟꓽ ꓙꓲ ꓐꓯꓹ ꓟ ꓬꓲ ꓟꓸ ꓟꓲꓽ ꓥˍ ꓡꓳ= ꓟꓬꓽ ꓜꓲ ꓡꓰ ꓠ ꓪ ꓜꓲ ꓢꓯꓼ ꓕꓵꓼ ꓕꓱ ꓟ ꓕꓱ ꓟ ꓠꓬ ꓢꓯꓼ ꓐꓽ ꓡꓰ ꓢꓲ ꓔꓶ ꓐꓬꓱꓽ ꓛꓹ ꓔ ꓟ ꓠꓯꓸꓼ ꓗꓪ ꓛꓲ ꓪ ꓟ ꓓ= ꓖꓳ ꓟ ꓡꓰ ꓟꓽ ꓞꓲ ꓟꓽ ꓡꓳꓼ ꓬꓰ ꓥˍ ꓟꓲ ꓖꓳ ꓟ ꓡꓰ ꓐꓰ ꓕꓲꓽ ꓡꓲ ꓔꓶ ꓐꓬꓱꓽ ꓠꓯꓸꓼ ꓗꓪ ꓛꓲ ꓪ ꓟꓽ ꓓ=
ꓖꓳ-ꓔ-ꓟ ꓐꓴꓓ-ꓓ ꓠꓬ ꓦꓺ ꓕꓲ ꓒꓳꓹ ꓔꓯ ꓢꓲ ꓗꓪ ꓢꓯꓼ ꓕꓵꓼˍ ꓕꓯ ꓜ ꓚꓵ ꓚꓵ ꓔ ꓟ ꓮ ꓘꓶꓸ ꓢꓯꓼ ꓕꓵꓼ ꓢꓲ ꓚꓵꓸ ꓢꓷꓸ ꓠꓬꓲ ꓟꓽ ꓜꓽ ꓟꓽ ꓓꓳ ꓢꓯꓼ ꓕꓵꓼˍ ꓠꓬ ꓢꓯꓼ ꓐꓽ ꓡꓰ ꓢꓲ ꓦꓺ ꓕꓲꓽ ꓒꓳꓹ ꓔꓯ ꓢꓲ ꓢꓯꓼ ꓕꓵꓹ ꓟ ꓠꓯꓸꓼ ꓗꓪ ꓢꓯꓼ ꓔꓵꓼ ꓟꓽ ꓛ꓾ ꓡꓰꓹ ꓟ ꓠꓯꓸꓼ ꓗꓪ ꓗꓷ ꓡꓰ ꓐꓶ= ꓜꓽ ꓢꓲ ꓓꓳ ꓢꓲ ꓬꓰ ꓠꓬ ꓬꓲ ꓟꓶ ꓕꓳꓹ ꓠꓬꓲ ꓕꓱ ꓡꓰ ꓗꓷ ꓡꓰ ꓢꓲ ꓢꓯꓼ ꓕꓵꓼ ꓟ ꓠꓯꓸꓼ ꓗꓪ ꓟꓽ ꓛꓲ ꓕꓱ ꓡꓰ ꓗꓷ ꓡꓰ ꓐꓶ= ꓖꓳ ꓕꓯ ꓬꓲ ꓠꓬ ꓮ ꓟꓬꓹ ꓥˍ ꓟꓲ ꓮꓽ ꓜꓽ ꓬꓲ ꓟꓳꓹ ꓤꓼ ꓜꓽ ꓢꓲ ꓢꓯꓼ ꓕꓵꓹ ꓠꓬ ꓠꓬꓲ ꓟꓳ ꓓꓴ ꓔꓯ ꓐꓯꓹ ꓟꓶ ꓢꓲ ꓪꓴ-ꓢ ꓒꓬꓱꓼ ꓡꓺꓳ ꓐꓰ ꓕꓱ ꓡꓰ ꓐꓯˍ ꓐꓶ= ꓖꓳ ꓡꓱ ꓠꓬ ꓕꓱ ꓟ ꓠꓬ ꓔꓯꓹ ꓫꓵ ꓛꓳ ꓚꓱꓹ ꓐꓯꓹ ꓟ ꓕꓱ ꓟ ꓠꓬ ꓮ ꓘꓶꓸ ꓬꓳꓸ ꓚꓵˍ ꓟ ꓕꓲꓽ ꓟ ꓥˍ ꓐꓶ=
ꓠꓬꓲ ꓠꓬꓲ ꓐꓴꓓ-ꓓ ꓙꓵ ꓠꓲꓹ ꓠꓯꓸꓼ ꓗꓪ ꓟꓽ ꓓ ꓜꓴ ꓓꓽ ꓟ 2 ꓟ ꓙꓳˍ ꓡꓳ= ꓟꓶ-ꓧ-ꓬ-ꓠ ꓐꓰ ꓧꓲꓠ-ꓠ-ꓬ-ꓠ ꓥꓳ ꓡꓳ= ꓟꓶ-ꓧ-ꓬ-ꓠ ꓐꓯꓹ ꓟ ꓠꓬ ꓟꓬ ꓠꓬꓲ ꓐꓶꓹ ꓠꓬꓲ ꓞꓳ ꓤꓳ ꓪꓴꓽ ꓡ ꓟꓴ ꓡꓹ ꓟ ꓜꓴ ꓥˍ ꓢꓲ ꓕꓯ-ꓣ-ꓪ-ꓓ ꓠꓬ ꓛꓳ ꓚꓱꓹ ꓬꓲ ꓡꓵ ꓔꓯ ꓛꓳ ꓔꓬ ꓟ ꓜꓴꓺ ꓥˍ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment