ꓘꓴ-ꓜꓲ-ꓞꓳ ꓗꓪ Trent ꓡꓳ ꓒꓱ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓓ ꓟ ꓚꓱꓹ

ꓘꓴ-ꓜꓲ-ꓞꓳ ꓗꓪ Trent ꓡꓳ ꓒꓱ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓓ ꓟ ꓚꓱꓹ

ꓘꓴ-ꓜꓲ-ꓞꓳ ꓗꓪ ꓬꓰ ꓗꓷ ꓟ ꓖꓪ ꓙꓱꓻ ꓜꓲꓼ ꓓꓴ ꓘꓴꓽ ꓗꓪ Trent ꓡꓳ ꓒꓱ ꓗꓪ ꓬꓰ ꓗꓷ ꓟ ꓖꓪ ꓙꓱꓻ ꓜꓲꓼ ꓓꓴ ꓠꓬ ꓮ ꓟꓬꓹ ꓬꓳꓸ ꓚꓲˍ ꓟ ꓖꓪ ꓙꓱꓻ ꓜꓲꓼ ꓓꓴ ꓥ ꓡꓳ= ꓖꓪ ꓙꓱꓻ ꓜꓲꓼ ꓓꓴ ꓔꓯ Italy ꓗꓴꓷꓼ꓾ Trent ꓡꓳ ꓒꓱ ꓓꓽ ꓟ ꓗꓪ ꓬꓰ ꓗꓷꓳ= ꓬꓲ ꓙꓵꓼ ꓠꓬ ꓢ ꓧꓪꓹ ꓐꓰ ꓬꓲ ꓝꓲꓸ ꓠꓬ (25) ꓝꓲꓸ ꓔꓯ ꓖꓪ ꓙꓱꓻ ꓗꓷꓳ= ꓬꓲꓸ ꓪꓴꓸ ꓕꓲ ꓧꓪꓹ ꓥ ꓟ (1545-1547) ꓕꓯ ꓬꓰ ꓗꓷ ꓟ ꓖꓪ ꓙꓱꓻ ꓜꓲꓼ ꓓꓴ ꓗꓪ ꓬꓲꓸ ꓝꓲꓸ (8) ꓝꓲ ꓗꓪ ꓛꓲ ꓖꓪ ꓙꓱꓻ ꓗꓷꓳ= ꓖꓪ ꓙꓱꓻ ꓜꓲꓼ ꓓꓴ ꓔꓯ ꓔꓲꓺ ꓒ ꓪ ꓔꓲ ꓒꓳ-ꓡꓳ(3) ꓗꓪ ꓐꓰ ꓧꓳꓽ ꓪꓴꓸ ꓟꓴ ꓗꓷꓳ= ꓝꓮꓲ ꓠꓬꓲꓽ ꓧꓪꓹ ꓕꓲ ꓧꓪꓹ ꓖꓪ ꓙꓱꓻ ꓜꓲꓼˍ ꓟ ꓠꓬ Bologna  ꓡꓳ ꓒꓱ ꓗꓪ ꓥ ꓢꓲ ꓬꓲ ꓝꓲꓸ(9-11) ꓝꓲꓸ ꓔꓯ ꓖꓪ ꓙꓱꓻ ꓗꓷꓳ=AD(1551) ꓘꓳꓼ ꓕꓯ ꓪ ꓔꓲ Charles 5 ꓡꓰ ꓔꓲꓺ ꓒ ꓪ ꓔꓲ Julius ꓔꓯ ꓓꓰꓽ ꓗꓷ ꓟ ꓪꓴꓸ ꓠꓬꓲ ꓢ ꓧꓪꓹ ꓕꓲ ꓧꓪꓹ ꓟ ꓖꓪ ꓙꓱꓻ ꓜꓲꓼ ꓓꓴ ꓔꓯ Trent ꓡꓳ ꓒꓱ ꓗꓪ ꓬꓰ ꓗꓷꓳ= ꓪ ꓔꓲ Henry (2) ꓐꓰ ꓔꓲꓺ ꓒ ꓪ ꓔꓲ ꓫꓵꓽ ꓪꓴ ꓙꓳˍ ꓟ ꓪꓴꓸ ꓠꓬꓲ ꓖꓪ ꓙꓱꓻ ꓜꓲꓼ ꓓꓴ ꓔꓯ (1553) ꓘꓳꓼ ꓕꓯ ꓠꓽ ꓗꓷꓳ= ꓝꓮꓲ ꓔꓲꓺ ꓒ ꓪ ꓔꓲ Pius (4) ꓡꓰ ꓘꓴ-ꓜꓲ-ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓙꓵꓹ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓬꓰ ꓢꓲ ꓬꓲ ꓝꓲꓸ(17-25) ꓔꓯ ꓖꓪ ꓙꓱꓻ ꓗꓷꓳ=

Trent ꓡꓳ ꓒꓱ ꓗꓪ ꓖꓪ ꓙꓱꓻ ꓜꓲꓼ ꓓꓴ ꓓꓽ ꓟ ꓬꓰ ꓔꓬ ꓟ ꓙꓵꓹ ꓗꓪ ꓫꓸ ꓓꓴ ꓮ ꓟꓬꓹ ꓔꓳꓹ ꓜꓳꓽ ꓗꓷꓳ= ꓘꓴ-ꓜꓲ-ꓞꓳ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓐꓰ ꓙꓵꓽ ꓚꓱꓹ ꓮ ꓟꓬꓹ ꓫꓵꓽ ꓗꓪ ꓝꓮꓲ ꓫꓬꓹ ꓠꓹ ꓟ ꓐꓱ ꓶ ꓬꓰ ꓗꓷꓳ= ꓔꓲꓺ ꓒ ꓪ ꓔꓲ Pius (4)ꓠꓬ ꓘꓴ-ꓜꓲ-ꓞꓳ ꓧꓳꓽ ꓪꓴꓸ ꓟꓴ ꓠꓹ ꓟ ꓔꓲꓺ ꓒ ꓓꓽ ꓐꓴ ꓔꓯ ꓮ ꓟꓬꓹ ꓬꓰ ꓙ ꓗꓷꓳ= ꓘꓴ-ꓜꓲ-ꓞꓳ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓐꓰ ꓪꓽ ꓘꓴ ꓦꓲꓻ ꓫꓬꓹ ꓠꓹ ꓟ ꓖꓪ ꓙꓱꓻ ꓗꓷꓳ= ꓝꓮꓲ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓚꓺ ꓠꓹ ꓟ ꓬꓰ ꓙ ꓗꓷꓳ= ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓗꓪ ꓐꓰ ꓓꓳ ꓡꓰ ꓢꓴ ꓐꓰ ꓡꓰ ꓫꓸ ꓕꓱˍ ꓟ ꓚꓱꓹ ꓔꓯ ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓠꓬ ꓟꓽ ꓘꓳꓹ ꓣꓴ ꓗꓷ= ꓦꓻ ꓡꓱ ꓚꓱꓹ ꓮ ꓟꓬꓹ ꓫꓵꓽ ꓗꓪ ꓥˍ ꓟꓲ ꓟꓽ ꓪ ꓡꓰꓳ=