ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓟꓬ-ꓟ ꓗꓴꓷꓼ ꓗꓪ ꓪꓴ-ꓢ ꓟꓬꓱꓽ ꓟꓯ ꓔꓬ ꓢꓴ ꓔꓲꓺ ꓒ ꓐꓴ Covid ꓠꓻ ꓫꓵꓽ ꓠ ꓟ ꓓꓳꓽ

ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓟꓬ-ꓟ ꓗꓴꓷꓼ ꓗꓪ ꓪꓴ-ꓢ ꓟꓬꓱꓽ ꓟꓯ ꓔꓬ ꓢꓴ ꓔꓲꓺ ꓒ ꓐꓴ Covid ꓠꓻ ꓫꓵꓽ ꓠ ꓟ ꓓꓳꓽ

ꓟꓬ-ꓟ ꓗꓴꓷꓼ ꓗꓪ Covid-19 ꓠꓻ ꓫꓵꓽ ꓑꓶ ꓓꓴ ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ ꓗꓪ ꓪꓴ-ꓢ ꓟꓬꓱꓽ ꓟꓯ ꓔꓬ ꓢꓴ ꓔꓲꓺ ꓒ ꓡꓲꓸ ꓣꓳ ꓫꓵꓻ ꓗꓷꓳ= ꓗ-ꓕꓳ-ꓡꓲꓗ ꓘꓴ-ꓜꓲ-ꓞꓳ Kalay ꓢ-ꓢꓶꓽ-ꓠꓽ ꓗꓪ ꓠꓬ ꓪꓴ-ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ (54) ꓣꓳ ꓙꓳˍ ꓟ ꓗꓪ ꓐꓰ ꓠꓻ ꓫꓵꓽ ꓠꓸꓹ ꓔꓬ ꓡꓳ ꓐꓰ ꓚꓬꓹ ꓪˍ ꓟ ꓔꓲꓺ ꓒ (20) ꓣꓳ ꓙꓳˍ ꓟ ꓥ ꓡꓳ=

ꓖꓳ ꓟ ꓘꓴꓽ ꓗꓪ ꓐꓰ Covid-19) ꓠꓸꓹ ꓫꓵꓽ ꓠꓸꓹ ꓔꓬ ꓢꓴ ꓔꓲꓺ ꓒ ꓠꓬ (12) ꓣꓳ ꓥ ꓐꓰ ꓢꓷꓸ ꓪ ꓡꓳ= ꓝꓮꓲ ꓠꓻ ꓫꓵꓽ ꓠꓻ ꓔꓬ ꓢꓴ ꓔꓲꓺ ꓒ ꓐꓴ ꓗꓪ ꓐꓰ ꓔꓲꓺ ꓒ (5) ꓣꓳ ꓠꓬ ꓠꓻˍꓟ ꓗꓪ ꓐꓰ ꓓꓻ ꓡꓰꓳ꓾ ꓐꓰ ꓔꓲꓺ ꓒ Joseph Thang Nen Zo Mung ꓗꓪ ꓐꓰ ꓐꓯ ꓟꓸ ꓖꓶ ꓔ ꓡꓳ= ꓔꓲꓺ ꓒ ꓡꓰ ꓐꓯ ꓟ ꓖꓶ ꓡ ꓟ ꓠꓬ Tedim ꓡꓳ ꓒꓱ Suangpi ꓘꓹ ꓗꓪ ꓠꓬ ꓡ ꓞꓳ 180 ꓣꓳ ꓠꓸꓹ ꓫꓵꓽ ꓠꓸꓹ ꓔꓬ ꓡꓳ꓾ ꓐꓰ ꓐꓯ ꓟꓸ ꓖꓶ ꓡ ꓡꓳ= ꓖꓳ ꓘꓹ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓥ ꓟꓲ Covid-19 ꓠꓸꓹ ꓫꓵꓽ ꓑꓶꓸ ꓓꓴ ꓛꓳꓼ ꓦ ꓟ 29 ꓠꓬꓲ ꓕꓯ ꓫꓵꓻ ꓡꓰꓳ= ꓝꓮꓲ  ꓡ ꓞꓳ ꓮ ꓟꓬꓹ ꓠꓬ ꓠꓸꓹ ꓫꓵꓽ ꓠ ꓥˍ ꓟꓲ ꓠꓸꓹ ꓫꓬ ꓖꓶ ꓢꓴ ꓟꓽ ꓔꓬ꓾ ꓠꓯꓻ ꓞꓲꓼ ꓟꓽ ꓙꓳ ꓐꓰ ꓮ ꓟꓬꓹ ꓫꓸ ꓔꓬ ꓡꓳ꓾ ꓐꓰ ꓔꓲꓺ ꓒ Joseph ꓗꓪ ꓐꓰ ꓫꓸ ꓕꓱ ꓖꓶ ꓡ ꓡꓳ= ꓟꓬ-ꓟ ꓗꓴꓷꓼ ꓗꓪ ꓠꓸꓹ ꓫꓵꓽ ꓑꓶꓸ ꓓꓴ ꓡ ꓞꓳ 2318 ꓣꓳ ꓫꓵꓻ ꓡꓰ ꓪ=