ꓙꓲꓻ ꓫꓬ ꓢꓴ Joakim ꓐꓰ Anne ꓑꓮꓲ=

ꓙꓲꓻ ꓫꓬ ꓢꓴ Joakim ꓐꓰ Anne ꓑꓮꓲ=

 ꓙꓲꓻ ꓫꓬ ꓢꓴ Joakim ꓐꓰ Anne ꓠꓬ ꓢꓲ ꓒꓽ ꓬꓰ-ꓢꓴ ꓟꓹ ꓟ ꓥ ꓟ ꓟ-ꓡꓲ ꓬꓲꓹ ꓟꓹ ꓟ ꓐꓰ ꓐꓹ ꓐ ꓥ ꓡꓳ ꓐꓰ ꓘꓴ ꓜꓲꓼ ꓞꓳ ꓠꓬ ꓟꓬꓱꓺ ꓓꓳꓽ ꓖꓶ ꓢꓲ ꓠꓬꓲ ꓒꓴ ꓗꓹ ꓬꓰˍ ꓟ ꓥ ꓡꓳ= ꓙꓲꓻ ꓫꓬ ꓢꓴ Joakim ꓐꓰ Anne ꓠꓬ ꓟꓹ ꓟ ꓟ-ꓡꓲ ꓬꓲꓹ ꓟꓹ ꓟ ꓐꓰ ꓐꓹ ꓐ ꓥ ꓡꓳ ꓐꓰ ꓐꓳ ꓔ ꓟ ꓕꓳ ꓶ ꓔꓯ AD (200) ꓘꓳꓼ ꓕꓯ ꓐꓳ ꓔꓹ ꓟ Apocryphal ꓐꓯꓹ ꓟ ꓕꓳ ꓶ ꓗꓪ ꓐꓰ ꓢꓷꓸ ꓪ ꓓ ꓡꓳ=

ꓙꓲꓻ ꓫꓬ ꓢꓴ Joakim ꓐꓰ Anne ꓐꓴ ꓠꓬ ꓪ ꓔꓲ ꓓ-ꓪꓴ ꓫꓵꓽ ꓤ ꓪꓳꓽ ꓤ ꓥ ꓡꓳ= ꓙꓲꓻ ꓫꓬ ꓢꓴ Joakim ꓐꓰ Anne ꓠꓬ ꓬꓴ-ꓓ ꓡꓳ ꓞꓳ ꓟꓲ ꓥ ꓡꓳ=ꓬꓲ ꓠꓬꓲ ꓣꓳ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓔꓬ ꓢꓴ ꓥ ꓢꓲ ꓠꓬꓲ ꓙꓱ-ꓣꓴ-ꓢ-ꓡꓱ ꓗꓪ ꓢꓲ ꓒꓽ ꓬꓰ-ꓢꓴ ꓟꓹ ꓟ ꓟ-ꓡꓲ ꓔꓯ ꓦꓵꓻ ꓗꓷꓳ= Anne ꓐꓯꓹ ꓟ ꓬꓲ ꓟꓸ ꓟꓲꓽ ꓠꓬ Grace ꓐꓯꓹ ꓟ ꓤꓱ ꓛꓱ ꓡꓯ ꓫꓴꓻ ꓐꓯ ꓟ ꓥ ꓡꓳ= ꓮ ꓠꓱꓹ ꓟ ꓙꓲ-ꓢꓴ ꓢꓲ ꓤ ꓐꓴ ꓠꓬ ꓙꓲꓻ ꓫꓬ ꓢꓴ Joakim ꓐꓰ Anne ꓔꓯ ꓟꓬꓱꓺ ꓓꓳꓽ ꓖꓶ ꓒꓴ ꓗꓹ ꓬꓰ ꓢꓲ ꓠꓬ ꓑꓮꓲ ꓬꓰ ꓖꓶˍ ꓟ ꓥ ꓡꓳ=ꓙꓲꓻ ꓫꓬ ꓢꓴ Joakim ꓐꓰ Anne ꓠꓬ ꓮ ꓟꓬꓹ ꓙꓲꓻ ꓫꓬ ꓢꓴ ꓐꓰ ꓙꓲ ꓠꓲꓹ ꓮ ꓟꓬꓹ ꓙꓳ ꓟ   ꓦꓲꓻ ꓘꓴ ꓥ ꓡꓳ= ꓙꓲꓻ ꓫꓬ ꓢꓴ Joachim  ꓠꓬ ꓙꓲ ꓠꓲꓹ ꓮ ꓟꓬꓹ ꓙꓳ ꓢꓲ ꓠꓬꓲꓹ ꓔꓱ ꓚꓲ ꓟ ꓐꓹ ꓐ ꓕꓲ ꓪ ꓥ ꓡꓳ= ꓙꓲꓻ ꓫꓬ ꓢꓴ Joakim ꓐꓰ Anne ꓠꓬ ꓟꓹ ꓟ ꓟ-ꓡꓲ ꓔꓯ ꓪꓴ-ꓢ ꓐꓯ ꓗꓶ ꓐꓰ ꓟꓲ ꓠꓯ ꓗꓪ ꓮ ꓡꓲ ꓐꓰ ꓢꓯꓹ ꓔꓬ ꓠꓹ ꓟ ꓟꓸ ꓖꓶ ꓢꓴ ꓥˍ ꓡꓳ= ꓙꓲꓻ ꓫꓬ ꓢꓴ Joakim ꓐꓰ Anne ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓸ ꓬꓰ ꓕꓯ ꓙꓱ-ꓣꓴ-ꓢ-ꓡꓱ ꓗꓪ ꓓꓵˍ ꓗꓷꓳ= AD (200) ꓘꓳꓼ ꓕꓯ ꓙꓲꓻ ꓫꓬ ꓢꓴ Helen ꓗꓪ ꓐꓰ ꓙꓲꓻ ꓫꓬ ꓢꓴ Joakim ꓐꓰ Anne ꓔꓯ ꓪꓽ ꓘꓴ ꓦꓲ ꓓ ꓟ ꓗꓪ ꓓꓵˍ ꓖꓶ ꓗꓷꓳ=