ꓙꓲꓻ ꓫꓬ ꓢꓴ ꓟ-ꓕ ꓑꓮꓲꓽ

ꓙꓲꓻ ꓫꓬ ꓢꓴ ꓟ-ꓕ ꓑꓮꓲꓽ

ꓙꓲꓻ ꓫꓬ ꓢꓴ ꓟ-ꓕ ꓠꓬ ꓟ-ꓖ-ꓓ-ꓡꓲ ꓢꓴ ꓟ-ꓡꓲ ꓐꓰ ꓡ- ꓢ-ꓣꓴ ꓬꓲ ꓮꓽ ꓝꓲꓸ ꓥˍ ꓡꓳ= ꓬꓲꓹ ꓪ ꓢ ꓣꓳ ꓠꓬ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓘ-ꓒꓱ-ꓠꓴ ꓘ ꓗꓪ ꓔꓬ ꓢꓴ ꓥˍ ꓡꓳ= ꓬꓲꓹ ꓪ ꓢ ꓣꓳ ꓔꓯ ꓢꓲ ꓒ ꓬꓰ-ꓢꓴ ꓮ ꓟꓬꓹ ꓠꓲꓸ ꓠꓵ ꓡꓳ=ꓕꓲ ꓠꓬꓲ ꓙꓳˍ ꓕꓯ ꓬꓰ-ꓢꓴ ꓠꓬ ꓟ-ꓕ ꓐꓴ ꓦꓲ ꓗꓪ ꓓꓴ ꓙꓰ ꓔꓯ ꓟ-ꓕ ꓠꓬ ꓬꓰ-ꓢꓴ ꓔꓯ ꓜꓽ ꓓꓴ ꓖꓶ ꓜꓽ ꓠꓹ ꓟ ꓬꓰ ꓔꓬ ꓡꓳ= ꓖꓳ ꓕꓯ ꓟ-ꓡꓲ ꓔꓯ ꓟꓬꓰꓽ ꓬꓰ ꓙ ꓠꓹ ꓟ ꓐꓯˍ ꓔꓯ ꓬꓰ-ꓢꓴ ꓡꓰ ꓟ-ꓕꓺꓳ ꓟ-ꓕꓺꓳ ꓠꓴ ꓠꓬ ꓟꓬꓱꓽ ꓮꓽ ꓟꓬꓹ ꓫꓵꓽ ꓟ ꓪꓴꓸ ꓠꓬꓲ ꓙꓽ ꓫꓸ ꓔꓬ ꓐꓷ= ꓖꓳ ꓡꓱ ꓥ_ ꓟꓲ ꓟꓽ ꓙꓳ ꓟꓽ ꓓ ꓟ ꓠꓽ ꓕꓲ ꓫꓵˍ ꓡꓰꓽ ꓙꓳˍ ꓡꓳ= ꓟ-ꓡꓲ ꓠꓬ ꓟꓬꓽ ꓠꓬꓲ ꓙꓲˍ ꓟ ꓖꓳ ꓕꓲ ꓐꓱꓻ ꓔꓯ ꓢꓲ ꓣꓴ ꓗꓷ ꓠꓬꓲ꓾ ꓬꓲ ꓔꓯˍ ꓐꓰ ꓣꓴ ꓔꓯꓹ ꓙꓰ ꓟꓽ ꓓ꓾ ꓐꓯ ꓖꓶˍ ꓡꓳ=ꓡꓴ-ꓘ ꓕꓳ ꓶ (10ꓽ41-42) ꓗꓪ ꓡꓳꓸ ꓟꓳ ꓪˍ ꓡꓳ=

ꓝꓮꓲ ꓬꓰ-ꓢꓴ ꓡꓰ ꓙꓲꓻ ꓫꓬ ꓢꓴ ꓟ-ꓕ ꓬꓲ ꓠꓬꓲꓸ ꓤ ꓥˍ ꓟꓹ ꓡ-ꓢ-ꓣꓴ ꓠꓻ ꓔꓬ ꓕꓯ꓾ ꓢꓲ ꓒ ꓬꓰ-ꓢꓴ ꓔꓯ ꓪꓽ ꓘꓴ ꓖꓶ ꓠꓹ ꓟ ꓘꓴˍ ꓡꓳ= ꓖꓳ ꓡꓱ ꓥˍ ꓟꓲ ꓢꓲ ꓒ ꓬꓰ-ꓢꓴ ꓠꓬ ꓡ-ꓢ-ꓣꓴ ꓫꓵꓻ ꓗꓷ ꓗꓸ ꓠꓯꓹ ꓢꓸ ꓦꓬ  ꓕꓯ ꓢꓲ ꓡꓹ ꓟ ꓥ ꓡꓳ= ꓬꓰ-ꓢꓴ ꓠꓽ ꓢꓯꓼ ꓓꓽ ꓟ ꓡꓰ꓾ ꓡ-ꓢ-ꓣꓴꓳ꓾ ꓓꓳ ꓡꓯ꓾ ꓐꓰ ꓘꓴˍ ꓡꓳ= ꓫꓵꓻ ꓗꓷ ꓟ ꓡ-ꓢ-ꓣꓴ ꓠꓬ ꓛꓲ ꓒꓯꓹ ꓡꓯ ꓒꓯꓹ ꓗꓪ ꓟꓶ ꓛ ꓡꓲ ꓞꓹ ꓠꓬꓲ ꓐꓰ ꓓꓳ ꓡˍ ꓡꓳ=ꓬꓳ-ꓦ ꓕꓳ ꓶ (11ꓽ 1-44) ꓗꓪ ꓡꓳꓸ ꓟꓳ ꓪˍ ꓡꓳ= ꓙꓲꓻ ꓫꓬ ꓢꓴ ꓟ-ꓕ ꓠꓬ ꓦꓲꓻ ꓘꓴ ꓟꓬꓱꓽ ꓬꓰ ꓢꓴ ꓔꓯ ꓬꓰ ꓙ ꓔ ꓙ ꓢꓴ ꓙꓲꓻ ꓢꓴ ꓥ ꓡꓳ=