Radio Veritas Asia ꓡꓲ-ꓢꓴ ꓣꓮꓓꓲꓳ ꓐꓰ ꓳꓠꓡꓲꓠꓰ ꓗꓪ ꓐꓰ ꓔꓱ_ ꓟ ꓟꓸ ꓟꓲ ꓐꓯ ꓒꓬꓱꓸꓹ ꓔꓶ
Radio Veritas Asia (RVA) ꓣꓮꓓꓲꓳ ꓐꓰ ꓳꓠꓡꓲꓠꓰ ꓐꓯ ꓒꓬꓱ ꓔꓶꓸ ꓠꓬ ꓒꓲ-ꓡꓲ-ꓑꓲ ꓟꓵꓽ ꓟ-ꓠꓲ-ꓡ ꓡꓳ ꓒꓱ ꓗꓪ ꓐꓰ ꓗꓴꓷ (10) ꓗꓴꓷ ꓗꓪ ꓔꓬ ꓟ ꓞꓳ ꓫꓵꓽ (22) ꓫꓵꓽ ꓥꓳꓽ ꓗꓪ ꓐꓰꓚ ꓒꓬꓱ ꓔꓬ ꓟ ꓥ ꓡꓳ= ꓝꓮꓲ ꓣꓳ ꓡꓲ-ꓢꓴ ꓥꓳꓽ ꓗꓪ ꓐꓰ _ ꓟꓲ ꓟꓬꓮꓠꓟꓮꓣꓗꓴꓷ ꓧꓶꓽ ꓗꓴꓷ Iꓠꓓꓲꓮ(ꓗ-ꓡ) ꓗꓴꓷ ꓐꓰ ꓕꓮꓲ ꓗꓴꓷ ꓗꓪ ꓔꓬ ꓢꓴ ꓣꓳ ꓡꓲ-ꓢꓴ ꓬꓲ ꓤꓼ ꓠꓬꓲ ꓤꓼ ꓐꓴ ꓐꓱ ꓶ ꓥꓳ ꓡꓳꓸ ꓢꓲꓸ ꓚ ꓒꓬꓱ ꓔꓬ ꓟ ꓥ ꓢꓲ-ꓸ Malaysia, Singapore, America, Australia ꓟꓵꓽ ꓐꓰ ꓕꓲꓽ ꓟꓵꓽ ꓡꓰ ꓕꓲꓽ ꓟꓵꓽ ꓗꓪ ꓟꓬꓱꓽ ꓬꓰ ꓜꓽ ꓔꓬ ꓢꓴ ꓡꓲ-ꓢꓴ ꓫꓵꓽ ꓐꓴ ꓐꓱ ꓶ ꓥ_ꓟꓲ ꓥꓳ ꓡꓳꓸ ꓢꓲꓸ ꓐꓯ ꓒꓬꓱ ꓔꓬ ꓟ ꓥꓳ=
ꓟꓬꓽ ꓠꓬꓲ ꓪꓴ-ꓢ ꓟꓸ ꓟꓲ ꓟꓽ ꓑ ꓙ ꓠꓬꓲ ꓢꓴ ꓐꓱ ꓶ꓾ ꓡꓲ-ꓢꓴ ꓥꓳꓽ ꓠ ꓡꓳꓸ ꓗꓴꓸ ꓢꓴ ꓮ ꓙꓵꓽ ꓐꓱ ꓶ ꓟꓲ ꓥ ꓡꓳ= ꓟꓬꓽ ꓠꓬꓲ ꓳꓠꓡꓲꓠꓰ ꓗꓪ ꓐꓰ Website, Facebook, YouTube ꓐꓰ We chat ꓗꓪ ꓐꓰ ꓐꓯ ꓒꓬꓱ ꓔꓬ ꓟ ꓠꓬ-. (Our Daily Program/ Post)
1ꓸ ꓢꓲ-ꓫꓬ ꓕꓳ ꓶ ꓔꓱ ꓕ_ ꓟ (Daily Reflection)
2ꓸ ꓙꓵ ꓠꓲ, ꓚꓱꓹ ꓒꓶ_ ꓟ (Catechism)
3ꓸ ꓟꓶꓽ ꓘOꓼ ꓒOꓹ ꓚꓱꓸꓹ (Climate Change)
4ꓸ ꓟꓲ ꓠꓯ ꓡꓽ ꓞꓳ ꓞꓳ ꓙꓳ ꓚꓱꓹ (Family)
5ꓸ ꓔꓲ-ꓒ ꓪ ꓔꓲ ꓢꓷꓸ ꓙ ꓟꓳ ꓙ ꓘꓶꓽ (Pope’s Message)
6ꓸ ꓫꓸ ꓕꓱ_ꓟ (Triple Dialogue)
7ꓸ ꓬꓲꓸ ꓓꓳ: (Church Newsꓹ World Newsꓹ Local News )
8ꓸ ꓡꓽ ꓞꓳ ꓢꓷꓸ ꓙ ꓟꓳ ꓙ ꓚꓱꓹ (People)
Radio Veritas Asia ꓠꓬ 1969 ꓘꓳꓼ ꓗꓪ ꓐꓰ ꓟꓲꓽ ꓦꓲ ꓢꓯꓼ ꓚꓱꓹ ꓗꓪ ꓐꓯ ꓒꓬꓱ ꓔꓬ ꓟ ꓥ ꓢꓲꓸ ꓞꓲ ꓠꓲꓹ ꓠꓬ (50)ꓘꓳꓼ ꓐꓲˍ ꓟ ꓙꓴꓐꓲꓡꓡꓰꓰ ꓘꓳꓼ ꓥ ꓡꓳ=
ꓝꓮꓲ ꓡꓲ-ꓢꓴ ꓥꓳꓽ ꓗꓪ ꓐꓰ ꓟꓸ ꓟꓲ ꓚ ꓪꓴꓸ ꓔꓴˍ ꓟ ꓠꓬ 2018 ꓘꓳꓼ 4 ꓦ 18 ꓠꓬꓲ ꓗꓪ ꓐꓰ ꓪꓴꓸ ꓔꓴˍ ꓟ ꓥ ꓡꓳ=
ꓟꓬꓱꓽ ꓕꓱ ꓟ ꓒꓬꓱꓼ ꓡ ꓠꓹ ꓟ ꓐꓱ ꓶ ꓟꓶ-ꓚꓲ-ꓠ ꓢ-ꓢꓲ-ꓠ ꓪꓴꓸ ꓓꓵ ꓙꓵꓽ ꓒ ꓔꓲꓸꓹꓒ ꓓꓽ ꓟ(Bishop) Francis Daw Tang ꓡꓰ ꓕꓯꓽ ꓢꓲ ꓗꓪ ꓟ ꓞꓳ-ꓔꓲ ꓐꓴ ꓔꓯ ꓓꓰ ꓙ ꓡ ꓢꓲ꓾ ꓬꓰ ꓒꓬꓱꓼ ꓡꓹ ꓟ ꓥ ꓡꓳ= ꓟꓬꓱꓽ ꓕꓱ ꓟ ꓔꓯ ꓔꓲ-ꓒ ꓤ-ꓬꓳ-ꓒꓴ ꓐꓰ ꓟ. ꓒ: ꓥꓪ-ꓤ-ꓓꓶꓹ ꓾ꓟꓸ ꓒꓽ ꓥꓪ-ꓬꓳ-ꓢꓷ꓾ ꓟꓸ ꓟ ꓕꓲ-ꓣꓮꓟ ꓐꓰ ꓬꓲ ꓤꓼ ꓠꓬꓲ ꓤꓼ ꓗꓪ ꓟ ꓟꓸ ꓒꓽ ꓐꓴ ꓥꓸꓹ ꓟꓲ ꓬꓰ ꓙ ꓔ ꓙ ꓢꓲ ꓢꓯꓼ ꓕꓵꓼ ꓔꓬꓹ ꓟ ꓥ ꓡꓳ=
