ꓫꓪ ꓫꓵꓸ ꓔꓯ ꓥꓳꓽ

ꓬꓳ-ꓦ 12ꓽ24-26

ꓥꓪ ꓔꓱꓹ ꓔꓱˍ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓫꓪ ꓫꓵꓸ ꓕꓲ ꓢꓶꓽ ꓠꓬ ꓟꓲ ꓠꓯ ꓗꓪ ꓞꓰꓻ ꓓꓵꓽ ꓡꓰ ꓢꓲ ꓟꓽ ꓛꓵꓽ ꓡꓰ ꓠꓬ ꓬꓲ ꓕꓲ ꓢꓶꓽˍ ꓡꓰꓼ ꓓꓹ ꓡꓳ=

ꓖꓳ ꓡꓱ ꓥˍ ꓟꓲ ꓫꓪ ꓫꓵꓸ ꓖꓳ ꓟ ꓛꓵꓽ ꓡꓰ ꓔꓯ ꓠꓽ ꓬꓲ ꓢꓶꓽ ꓮꓽ ꓟꓬꓹ ꓓꓱꓼ ꓡˍ ꓡꓳ=

ꓚꓲ ꓛꓬ ꓢꓯꓼ ꓟꓬ ꓔꓯ ꓠꓲꓹ ꓥꓳ ꓢꓴ ꓠꓬ ꓢꓯꓼ ꓟꓬ ꓒꓲꓼ ꓬꓰˍ ꓥꓳ= ꓟꓲ ꓠꓯ ꓕꓱ ꓟ ꓗꓪ ꓚꓲ ꓛꓬ ꓢꓯꓼ ꓟꓬ ꓔꓯ ꓟꓽ ꓠꓲꓹ ꓥꓳ ꓢꓴ ꓠꓬ꓾ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓫ ꓔ ꓟꓶˍ ꓥꓳ= ꓥꓪ ꓔꓯ ꓣꓱꓽ ꓙ ꓠꓲꓹ ꓫꓵ ꓮꓽ ꓟˍ ꓟꓲ ꓥꓪ ꓔꓯ ꓛꓳ ꓡ ꓝꓲ= ꓥꓪ ꓮ ꓡꓲ ꓗꓪ ꓔꓬ ꓠꓬ ꓥꓪ ꓔꓯ ꓣꓱꓽ ꓙ ꓢꓴˍ ꓟꓲ ꓖꓳ ꓗꓪ ꓔꓬ ꓟꓶˍ ꓥꓳ= ꓮꓽ ꓟ ꓥˍ ꓟꓲ ꓥꓪ ꓔꓯ ꓣꓱꓽ ꓙˍ ꓠꓬ ꓐꓹ ꓐ ꓠꓽ ꓬꓲ ꓔꓯ ꓒꓵꓽˍ ꓥꓳ=