Nꓵꓹ ꓠꓲ ꓢꓲꓹ ꓪꓰ

       ꓦꓬꓼ ꓠꓬꓲ ꓬꓲꓸ ꓙꓵ ꓛꓲ ꓡˍ ꓕꓯ ꓢꓲ ꓪꓰ ꓔꓶ ꓢꓴ ꓮ ꓙꓵꓽ ꓡꓳꓽ ꓡ ꓢꓲ ꓪ ꓔꓲꓸ ꓟꓲꓽ ꓙꓬ ꓗꓪ ꓡꓳ ꓡˍ ꓡꓳ= ꓖꓳ ꓕꓯ ꓬꓲ ꓪ ꓐꓴ ꓔꓯꓹ ꓡ ꓟ ꓢꓲꓹ ꓪꓰ ꓐꓴ ꓔꓯ ꓪ ꓔꓲꓸ ꓠꓬ ꓚꓳꓺ ꓡꓳꓸ ꓠꓬꓲ ꓡꓳ= ꓮ ꓙꓵꓽ ꓠꓬ ꓬꓲꓸ ꓓ ꓬꓲꓸ ꓐꓲˍ ꓫꓵꓽ ꓡꓰ ꓥꓳ= ꓖꓳ ꓡꓱ ꓥˍ ꓟꓲ ꓞꓳ ꓫ ꓤ ꓟꓶ ꓤ ꓔꓯꓹ ꓔ ꓟ ꓢꓲꓹ ꓪꓰ ꓠꓬ ꓮ ꓘꓶꓸ  ꓠꓵꓽ ꓗ ꓛꓲˍ ꓡꓳ= ꓤ ꓟꓶ ꓤ ꓖꓳ ꓟ ꓬꓲꓸ ꓔꓯꓹ ꓔ ꓟ ꓢꓲ ꓪꓰ ꓔꓯ ꓟꓳ ꓢꓴ ꓮ ꓙꓵꓽ ꓠꓬ ꓓꓵꓽ ꓙ ꓮ' ꓡꓰ ꓡꓳ= ꓢꓲ ꓪꓰ ꓕꓱ ꓟ ꓮ ꓡꓰ ꓐꓰ ꓔꓶ ꓔ ꓢꓲ ꓕꓱ ꓘꓶꓸ ꓐꓲˍ ꓡꓳ= ꓤ ꓟꓶ ꓤ ꓠꓴ ꓮ ꓡꓰ ꓐꓰ ꓔꓶꓺ ꓔ ꓡ ꓐꓰ ꓠ ꓠꓬꓲˍ ꓡꓳ= ꓬꓲꓸ ꓐꓯ ꓘꓶꓽ ꓔꓯ ꓑꓹ ꓙ ꓢꓴ ꓮ ꓙꓵꓽ ꓓꓵꓽ ꓙ ꓮ' ꓡꓰ ꓖꓴ= ꓬꓲꓸ ꓡꓰ ꓥꓪ ꓠꓬ ꓢꓴ ꓡꓰ ꓐꓰ ꓒꓴ ꓫꓵꓺ ꓟꓽ ꓙꓳ꓾ ꓖꓳ ꓡꓱ ꓥˍ ꓟꓲ ꓥꓪ ꓔꓯ ꓠꓵꓹ ꓠꓲ ꓙꓳˍ ꓡꓳ= ꓠꓵꓹ ꓠꓲ ꓕꓱ ꓟ ꓗꓪ ꓐꓰ ꓥꓪ ꓠꓬ ꓢꓲ ꓪꓰ ꓕꓱ ꓟ ꓔꓯ ꓥꓪ ꓮ ꓟꓲꓽ ꓥꓪ ꓤꓽ ꓕꓲꓽ ꓣꓳ ꓡꓰ ꓐꓰ ꓠꓬꓲ ꓡꓳꓸ ꓗꓪꓽ ꓫꓵꓼ ꓡꓳ=  ꓠꓯꓼ ꓠꓯ ꓔꓴ ꓡ ꓕꓯ ꓡꓰ ꓥꓪ ꓠꓬ ꓢꓲꓹ ꓪꓰ ꓕꓱ ꓟ ꓔꓯ ꓥꓪ ꓠꓴ ꓔꓯ ꓮ ꓘꓶꓸ ꓠꓲꓹ ꓠꓵ ꓡꓳ ꓐꓯ ꓖꓶꓽ ꓡꓳ ꓐꓰ ꓐꓯ ꓟꓸ ꓖꓶꓽ ꓡꓳ= ꓠꓵꓹ ꓠꓲ ꓐꓯ ꓟ ꓠꓬ ꓣꓳꓽ ꓟꓲ ꓠꓯ ꓗꓪ ꓮ ꓙꓵꓽ ꓟ ꓕꓯꓽ ꓢꓲ ꓬꓮꓳ ꓚꓲ ꓓꓰ ꓡꓰ ꓟ ꓥꓳ=