ꓙꓲꓻ ꓫꓬ ꓢꓴ Martin De Porres ꓑꓮꓲ꓿

ꓙꓲꓻ ꓫꓬ ꓢꓴ Martin De Porres ꓑꓮꓲ꓿

ꓙꓲꓻ ꓫꓬ ꓢꓴ Martin De Porres  ꓔꓯ (1579) ꓘꓳꓼ ꓕꓯ Peru ꓗꓴꓷꓼ ꓗꓪ ꓬꓲ ꓔꓯ ꓦꓵꓻ ꓗꓷꓳ꓿ ꓙꓲꓻ ꓫꓬ ꓢꓴ Martin De Porres ꓠꓬ ꓞꓲꓼ ꓣꓳ ꓟ ꓙꓵ ꓗꓪ ꓐꓰ ꓮ ꓟꓬ, ꓕꓱ ꓚꓵ ꓟ ꓞꓳ ꓡꓱ ꓕꓲ ꓪ ꓥ ꓡꓳ꓿ ꓬꓲ ꓐ, ꓐꓼ ꓠꓬ Spain ꓞꓳ ꓫꓵꓽ ꓥ ꓡꓳ꓿ ꓬꓲ ꓟ, ꓟ ꓠꓬ ꓞꓳ ꓠꓯ. ꓫꓵꓽ ꓥ ꓙꓲꓻ ꓫꓬ ꓢꓴ Martin ꓠꓬ ꓬꓲ ꓟ, ꓟ ꓡꓰ ꓐꓰ ꓧꓪꓽ ꓠꓯ, ꓢꓴ ꓡ ꓞꓳ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ꓾ ꓙꓲꓻ ꓫꓬ ꓢꓴ Martin ꓔꓯ ꓬꓲ ꓟ, ꓟ ꓐꓰ ꓕꓲ ꓪ ꓔꓬ ꓝꓲꓳ꓿ ꓙꓲꓻ ꓫꓬ Martin ꓬꓲ ꓞꓲꓼ (15) ꓞꓳꓼ ꓙꓳ ꓕꓯ ꓪꓴ‐ꓢ ꓟꓬꓱꓽ ꓟꓯ, ꓠ,  ꓟ Dominican ꓐꓣ‐ꓔ ꓜꓴꓻ ꓗꓪ ꓓꓵ ꓡꓰꓳ꓿

 ꓙꓲꓻ ꓫꓬ ꓢꓴ Martin De Porres ꓠꓬ ꓟꓬꓱꓽ ꓮ ꓟꓬ, ꓢꓯꓼ ꓕꓵꓼ ꓢꓴ ꓟꓲ ꓥ ꓡꓳ꓿ ꓬꓲ ꓠꓬ ꓫ. ꓢꓴ ꓟꓷ ꓢꓴ ꓔꓯ ꓮ ꓕꓯ ꓟꓲ ꓬꓰ ꓙ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Martin ꓠꓬ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓓꓽ ꓐꓴ ꓐꓰ ꓔꓲꓺ ꓒ ꓐꓴ ꓔꓯ ꓬꓰ ꓙ ꓢꓴ ꓟꓲ ꓥ ꓡꓳ꓿ ꓬꓲ ꓠꓬ ꓠꓲ ꓟ ꓮ ꓟꓬ, ꓙꓲꓻ ꓢꓴ ꓟꓲ ꓥ ꓡꓳ꓿ ꓙꓲꓻ ꓫꓬ ꓢꓴ Martin ꓠꓬ ꓠꓻ ꓔꓬ ꓢꓴ ꓔꓯ ꓪꓽ ꓘꓴ ꓖꓶ ꓕꓯ ꓠꓻ ꓢꓴ ꓓ ꓡꓰ ꓟ ꓙꓲꓻ ꓫꓬ ꓢꓴ ꓥ ꓡꓳ꓿ ꓪꓴ‐ꓢ ꓶꓽ ꓓꓳꓽ ꓫꓱ ꓓꓳꓽ ꓚꓺ ꓕꓯ ꓮ ꓟꓬ ꓢꓯꓼ ꓕꓵꓽ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ Martin De Porres ꓠꓬ (1679) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰꓳ꓿ 1962 ꓘꓳꓼ 5ꓦ ꓟ 6 ꓠꓬꓲ ꓕꓯ ꓙꓲꓻ ꓫꓬ ꓢꓴ ꓡ ꓞꓳ ꓕꓲ ꓪ ꓒꓬꓱꓼ ꓡꓰꓳ꓿