ꓙꓱ-ꓣꓴ-ꓢ-ꓡꓱ ꓐꓬ ꓡꓰ ꓠꓹ ꓟ

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓠꓬ ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓜꓴ ꓐꓴ ꓡꓰ ꓗꓽ ꓚꓳꓸ ꓔ ꓟ ꓠꓴ ꓪ ꓟꓳˍ ꓕꓯ ꓙꓱ-ꓣꓴ-ꓢ-ꓡꓱ ꓐꓬ ꓡꓰˍ ꓟ ꓦꓬꓼ ꓠꓬꓲ ꓠꓶꓽ ꓡˍ ꓟ ꓔꓯ ꓠꓴ ꓪ ꓢꓷ ꓔ꓾ ꓐꓰ ꓐꓳ ꓔ ꓡꓳ= ꓕꓱ ꓟ ꓡꓰꓽ ꓟꓽ ꓞꓲꓺ ꓖꓳ ꓕꓯ ꓠꓬ ꓪꓽ ꓚꓲ ꓗꓪ ꓔꓬ ꓢꓴ ꓠꓬ ꓘꓰꓹ ꓙꓰ= ꓡꓳ ꓒꓱ ꓗꓪ ꓔꓬ ꓢꓴ ꓠꓬ ꓓꓳ ꓙꓰ= ꓦ ꓟꓲ ꓦ ꓐꓽ ꓗꓪ ꓔꓬ ꓢꓴ ꓠꓬ ꓡꓳ ꓒꓱ ꓗꓪ ꓕꓽ ꓓꓵꓽ ꓙꓰ꓾ ꓐꓯ ꓡꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓤ ꓠꓱ ꓶꓻ ꓞꓹ ꓢꓴ꓾ ꓮ ꓚꓵꓹ ꓛꓵꓼ ꓤ ꓙꓳ ꓢꓴ ꓠꓬ ꓫꓸ ꓙꓵˍ ꓥꓳ= ꓮ ꓡꓲꓳ ꓐꓯ ꓠꓬ ꓟꓵꓽ ꓕꓱ ꓟ ꓗꓪ ꓫ ꓙꓵ ꓟꓷ ꓙꓵˍ ꓟ ꓬꓲ ꓓꓽ ꓟ ꓙꓳˍ ꓥꓳ= ꓦꓶ ꓠꓲꓹ ꓟꓲ ꓑ ꓫꓬ ꓐꓴ ꓕꓯꓽ ꓢꓲꓺ ꓗꓪ ꓬꓯꓼ ꓡꓹ ꓥꓳ꓾ ꓐꓰ ꓐꓯ ꓔ ꓡꓳ=

ꓠꓲꓹ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓡꓰ ꓗꓽ ꓚꓳꓸ ꓔ ꓟ ꓑꓶꓸ ꓓꓴ ꓟꓽ ꓟꓶ ꓫꓵ ꓕꓯ ꓠꓬ ꓙꓱ-ꓣꓴ-ꓢ-ꓡꓱ ꓠꓬ ꓐꓬ ꓡꓰˍ ꓥꓳ꓾ ꓐꓰ ꓐꓳ ꓔ ꓡꓳ= ꓕꓱ ꓟ ꓠꓬ ꓮ ꓠꓱ ꓢꓲꓺ ꓒ ꓬꓰ-ꓢꓴ ꓡ ꓗꓷ ꓗ ꓠꓯꓸ 100-300 ꓘꓳꓼ ꓠꓬꓲꓽ ꓗꓴꓸ ꓚꓸꓼ ꓗꓪ ꓠꓱꓸ ꓐꓯ ꓦ ꓡꓱ ꓢꓴ ꓐꓴ꓾ ꓣꓳ-ꓟ ꓡ ꓞꓳ ꓐꓴ꓾ ꓠꓱꓸ ꓐꓯꓼ ꓡ ꓞꓳ ꓐꓴ ꓠꓬ ꓪꓴ-ꓢ ꓦ ꓡꓱ ꓢꓴ ꓐꓴ ꓔꓯ ꓘꓶ ꓙꓵꓻˍ ꓡꓳ= ꓖꓳ ꓕꓯ ꓬꓰ-ꓢꓴ ꓔꓯ ꓛꓳ ꓢꓴ ꓮ ꓙꓵꓽ ꓫ ꓙꓵ ꓟꓷ ꓙꓵˍ ꓡꓳ=

ꓖꓳ ꓕꓯ ꓠꓬ ꓠꓱꓸ ꓐꓯꓼ ꓐꓶꓽ ꓛꓳˍ ꓟꓲ ꓬꓰ-ꓢꓴ ꓔꓯ ꓛꓳ ꓢꓴ ꓐꓴ ꓔꓯ ꓠꓴ ꓪꓴ-ꓢ ꓔꓯ ꓙꓵˍ ꓡ꓾ ꓥ ꓠꓬ ꓠꓲꓽ ꓔꓯ ꓦ ꓡꓱˍ ꓡ ꓐꓰ ꓠ ꓠꓬꓲˍ ꓕꓯ ꓠꓲꓽ ꓔꓯ ꓦ ꓡꓱˍ ꓥꓳ꓾ ꓪꓴ-ꓢ ꓔꓯ ꓡꓳ ꓒꓰ ꓗꓷˍ ꓥꓳ ꓐꓯ ꓠꓬ ꓠꓴ ꓢꓯꓼ ꓟꓬ ꓥꓪ ꓠꓴꓽ ꓖꓶˍ ꓥꓳ= ꓪꓴ-ꓢ ꓔꓯ ꓦ ꓡꓱˍ ꓠꓬ ꓥꓪ ꓠꓴꓽ ꓠꓴ ꓔꓯ ꓘꓶ ꓠꓬꓲ꓾ ꓢꓰꓼ ꓠꓬꓲ ꓬꓰˍ ꓥꓳ꓾ ꓐꓰ  ꓐꓯ ꓟ ꓦꓬꓼ ꓠꓬꓲ ꓥ ꓡꓳ=

ꓠꓬꓲꓸ ꓠꓬꓲ ꓣꓳ ꓪꓴ-ꓢ ꓐꓯ ꓘꓶꓽ ꓠ ꓠꓹ ꓪˍ ꓟ꓾ ꓪꓴ-ꓢ ꓔꓯ ꓢꓷ ꓡˍ ꓟ꓾ ꓔꓱꓹ ꓚꓵˍ ꓟ ꓪꓴ-ꓢ ꓔꓯ ꓣꓳ ꓧꓪ ꓟꓶˍ ꓟ ꓮ ꓙꓵꓽ ꓠꓬ ꓕꓱ ꓡꓱ ꓫꓵꓽ ꓡ ꓞꓳ ꓡꓰ ꓫꓸ ꓙꓵ ꓟꓷ ꓙꓵ ꓢꓲ ꓣꓳ ꓔꓯ ꓠꓬꓲ ꓟꓳ ꓓꓴ ꓟꓳꓸ ꓖꓶ ꓢꓴ ꓬꓲ ꓪ ꓪꓴꓸ ꓠꓬꓲ ꓥ ꓡꓳ= ꓬꓲ ꓪ ꓣꓱꓽ ꓛꓰꓽ ꓗꓪ ꓐꓰ꓾ꓬꓲ ꓪ ꓡꓰ ꓪꓴ-ꓢ ꓐꓱ ꓶ ꓫꓵꓻ ꓙˍ ꓟ ꓗꓪ ꓐꓰ ꓮ ꓟꓶ ꓣꓳ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓠꓬ ꓪꓴ-ꓢ ꓦ ꓡꓱ ꓢꓴ ꓟꓬꓽ ꓡ ꓔꓬ ꓟ ꓥ ꓡꓳ= ꓕꓱ ꓟ ꓮ ꓙꓵꓽ ꓠꓬ ꓢꓲꓽ ꓫꓬ ꓕꓳ ꓶ ꓗꓪ ꓐꓳ ꓔ ꓟ ꓡꓰ ꓬꓲ ꓪ ꓮ ꓙꓵꓽ ꓫꓵꓽ ꓧꓳꓸ ꓗꓷ ꓢꓲ ꓪꓴ-ꓢ ꓐꓱ ꓶ ꓠꓬꓲ ꓟꓳ ꓓꓴ ꓣꓴ ꓗꓷ ꓟ ꓥ ꓡꓳ=

ꓕꓱ ꓟ ꓕꓲ ꓡꓰꓹ ꓠꓬꓲꓸ ꓠꓬꓲ ꓣꓳ ꓔꓯ ꓐꓯ ꓖꓶ ꓡ ꓔꓬ ꓟˍ ꓟꓲ ꓪꓴ-ꓢ ꓦ ꓡꓱ ꓢꓴ ꓠꓽ ꓢ ꓢꓹ ꓐꓰ ꓟꓽ ꓥ= ꓪꓴ-ꓢ ꓡꓰ ꓒꓴ ꓫꓵꓺ ꓖꓶ ꓡ ꓠꓬꓲ꓾ ꓪꓴ-ꓢ ꓡꓰ ꓦꓲ ꓓꓽ ꓟ ꓖꓶ ꓡˍ ꓠꓬꓲ꓾ ꓓꓰꓽˍ ꓕ ꓑꓳꓸꓼ ꓖꓶˍ ꓟ ꓪꓴꓸ ꓠꓬꓲ ꓪꓴ-ꓢ ꓔꓯ ꓦ ꓡꓱ ꓔꓬ ꓟ ꓟꓽ ꓥ= ꓣꓳ ꓪꓴ-ꓢ ꓠꓽ ꓫ ꓙꓵ ꓟꓷ ꓙꓵˍ ꓕꓯ ꓣꓳ ꓐꓰ ꓕꓲ ꓪ ꓔꓬ ꓟ ꓪꓴ-ꓢ ꓥ ꓡꓳ=

ꓣꓳ ꓫ ꓙꓵ ꓟꓷ ꓙꓵˍ ꓕꓯ꓾ ꓣꓳ ꓝꓴꓲꓸ ꓬꓰˍ ꓕꓯ ꓡꓲꓹ ꓗꓷ ꓟꓶ ꓠꓹ ꓟ꓾ ꓣꓳ ꓔꓯ ꓠꓬꓲ ꓙ ꓡꓳꓸ ꓙ ꓔꓬ ꓟ ꓪꓴ-ꓢ ꓥ ꓡꓳ= ꓣꓳ ꓪꓴ-ꓢ ꓔꓯ ꓒꓴ ꓫꓵꓺ ꓓꓰꓽˍ ꓕꓯ ꓟꓽ ꓖꓶ ꓡ ꓠꓬ꓾ ꓥꓪ ꓪꓴ-ꓢ ꓔꓯ ꓟꓽ ꓦ ꓡꓱ ꓐꓰ ꓐꓯ ꓢꓴ ꓮ ꓟꓬꓹ ꓙꓳˍ ꓡꓳ= ꓥꓪ ꓪꓽ ꓘꓴˍ ꓟꓲ ꓪꓴ-ꓢ ꓥꓪ ꓐꓯ ꓘꓶꓽ ꓔꓯ ꓟꓽ ꓠ ꓠꓹ ꓐꓰ ꓐꓯ ꓢꓴˍ ꓟꓲ ꓮ ꓟꓬꓹ ꓙꓳˍ ꓡꓳ= ꓕꓱ ꓡꓰ ꓟꓽ ꓥ= ꓪꓴ-ꓢ ꓣꓳ ꓔꓯ ꓚꓰꓼ ꓔ ꓟ ꓠꓬ ꓬꓲ ꓐꓰ ꓮ ꓕꓯˍ ꓟꓲ ꓔꓬ ꓪ ꓠꓹ ꓟ꓾ ꓫ ꓥˍ ꓟꓲ꓾ ꓢˍ ꓥˍ ꓟꓲ ꓬꓲ ꓐꓰ ꓕꓲ ꓡꓰꓹ ꓔꓬ ꓪ ꓠꓹ ꓟ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳ ꓔꓯ ꓐꓯ ꓟ ꓖꓶ ꓡ ꓔꓬ ꓡꓳ=

ꓖꓳ ꓡꓱ ꓠꓬꓲ ꓣꓳ ꓤꓶꓻ ꓠꓯꓸꓼ ꓗꓪˍ ꓟꓲ ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓜꓴ ꓡꓰ ꓗꓽ ꓚꓳꓸ ꓔ ꓕꓯ ꓐꓬ ꓡꓰˍ ꓟ ꓦꓬꓼ ꓠꓬꓲ ꓠꓶꓽ ꓡ ꓔꓬꓳ꓾ ꓐꓰ ꓐꓯ ꓟ ꓕꓲ ꓡꓰꓹ ꓠꓲꓹ ꓟ ꓠꓯꓸꓼ ꓗꓪˍ ꓟꓲ ꓪꓴ-ꓢ ꓦ ꓡꓱ ꓢꓴ ꓕꓲ ꓣꓳ ꓠꓬ ꓠꓵ ꓠꓲꓹ ꓟꓽ ꓙꓳ꓾ ꓜꓲꓽ ꓘꓴ ꓠꓲꓹ ꓟꓽ ꓙꓳ꓾ ꓢꓴ ꓔꓯ ꓬꓲ ꓧ ꓬꓰ ꓙ ꓟꓽ ꓗꓴꓸ꓾ ꓢꓴ ꓔꓯ ꓬꓲ ꓧ ꓟꓽ ꓟꓳꓻ ꓠꓬ ꓣꓳ ꓖꓳ ꓓꓱꓽ ꓠꓯꓸꓼ ꓗꓪ ꓟ ꓙꓱ-ꓣꓴ-ꓢ-ꓡꓱ ꓥ ꓟꓲ꓾ ꓣꓳ ꓥˍ ꓟꓲ ꓪꓴ-ꓢ ꓔꓬ ꓖꓴ ꓦꓲꓻ ꓠꓬ ꓐꓬ ꓡꓰˍ ꓥꓳ=

ꓖꓳ ꓟ ꓪꓴꓸ ꓠꓬꓲ ꓣꓳ ꓠꓲꓹ ꓟ ꓠꓯꓸꓼ ꓗꓪ ꓐꓬ ꓡꓰ ꓟꓶꓽ ꓡꓰ ꓓꓹ ꓟ ꓬꓲ ꓦꓬꓼ ꓠꓬꓲ ꓢꓳ ꓢꓷꓸ ꓓꓹ ꓟ ꓠꓬ ꓠꓵ ꓠꓲꓹ ꓟꓼ ꓙꓳ ꓟ ꓥ ꓡꓳ= ꓠꓲꓹ ꓟ ꓢꓲꓺ ꓡꓲꓺ ꓟ ꓟꓽ ꓙꓳ ꓟ ꓠꓽ ꓪꓴ-ꓢ ꓣꓳ ꓠꓯꓸꓼ ꓗꓪ ꓟꓽ ꓔꓬ ꓟ ꓬꓲ ꓢꓷꓸ ꓡꓰ ꓓꓴ ꓥ ꓡꓳ= ꓕꓱ ꓟ ꓑꓶꓸ ꓓꓴ ꓣꓳ ꓕꓱ ꓟ ꓗꓪ ꓐꓰ ꓠꓲꓹ ꓞ ꓔꓴ ꓡ ꓢꓲ ꓠꓬꓲ ꓪꓴ-ꓢ ꓔꓬ ꓗꓪ ꓚꓱꓹ ꓡꓰꓼ ꓡꓯ= ꓝꓴꓲꓸ ꓠꓯꓸꓼ ꓗꓪ ꓣꓳ ꓕꓽ ꓓꓵꓽ ꓙꓰ ꓡꓯ꓾ ꓐꓰ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓢꓲꓺ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓦ ꓢꓯꓼ ꓖꓶ ꓔꓬ ꓟ ꓥ ꓡꓳ=

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓠꓬ ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓜꓴ ꓐꓴ ꓡꓰ ꓗꓽ ꓚꓳꓸ ꓔ ꓟ ꓠꓴ ꓪ ꓟꓳˍ ꓕꓯ ꓙꓱ-ꓣꓴ-ꓢ-ꓡꓱ ꓐꓬ ꓡꓰˍ ꓟ ꓦꓬꓼ ꓠꓬꓲ ꓠꓶꓽ ꓡˍ ꓟ ꓔꓯ ꓠꓴ ꓪ ꓢꓷ ꓔ꓾ ꓐꓰ ꓐꓳ ꓔ ꓡꓳ= ꓕꓱ ꓟ ꓡꓰꓽ ꓟꓽ ꓞꓲꓺ ꓖꓳ ꓕꓯ ꓠꓬ ꓪꓽ ꓚꓲ ꓗꓪ ꓔꓬ ꓢꓴ ꓠꓬ ꓘꓰꓹ ꓙꓰ= ꓡꓳ ꓒꓱ ꓗꓪ ꓔꓬ ꓢꓴ ꓠꓬ ꓓꓳ ꓙꓰ= ꓦ ꓟꓲ ꓦ ꓐꓽ ꓗꓪ ꓔꓬ ꓢꓴ ꓠꓬ ꓡꓳ ꓒꓱ ꓗꓪ ꓕꓽ ꓓꓵꓽ ꓙꓰ꓾ ꓐꓯ ꓡꓳ= ꓦꓬꓼ ꓠꓬꓲ ꓖꓳ ꓟ ꓗꓪ ꓤ ꓠꓱ ꓶꓻ ꓞꓹ ꓢꓴ꓾ ꓮ ꓚꓵꓹ ꓛꓵꓼ ꓤ ꓙꓳ ꓢꓴ ꓠꓬ ꓫꓸ ꓙꓵˍ ꓥꓳ= ꓮ ꓡꓲꓳ ꓐꓯ ꓠꓬ ꓟꓵꓽ ꓕꓱ ꓟ ꓗꓪ ꓫ ꓙꓵ ꓟꓷ ꓙꓵˍ ꓟ ꓬꓲ ꓓꓽ ꓟ ꓙꓳˍ ꓥꓳ= ꓦꓶ ꓠꓲꓹ ꓟꓲ ꓑ ꓫꓬ ꓐꓴ ꓕꓯꓽ ꓢꓲꓺ ꓗꓪ ꓬꓯꓼ ꓡꓹ ꓥꓳ꓾ ꓐꓰ ꓐꓯ ꓔ ꓡꓳ=

ꓠꓲꓹ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓡꓰ ꓗꓽ ꓚꓳꓸ ꓔ ꓟ ꓑꓶꓸ ꓓꓴ ꓟꓽ ꓟꓶ ꓫꓵ ꓕꓯ ꓠꓬ ꓙꓱ-ꓣꓴ-ꓢ-ꓡꓱ ꓠꓬ ꓐꓬ ꓡꓰˍ ꓥꓳ꓾ ꓐꓰ ꓐꓳ ꓔ ꓡꓳ= ꓕꓱ ꓟ ꓠꓬ ꓮ ꓠꓱ ꓢꓲꓺ ꓒ ꓬꓰ-ꓢꓴ ꓡ ꓗꓷ ꓗ ꓠꓯꓸ 100-300 ꓘꓳꓼ ꓠꓬꓲꓽ ꓗꓴꓸ ꓚꓸꓼ ꓗꓪ ꓠꓱꓸ ꓐꓯ ꓦ ꓡꓱ ꓢꓴ ꓐꓴ꓾ ꓣꓳ-ꓟ ꓡ ꓞꓳ ꓐꓴ꓾ ꓠꓱꓸ ꓐꓯꓼ ꓡ ꓞꓳ ꓐꓴ ꓠꓬ ꓪꓴ-ꓢ ꓦ ꓡꓱ ꓢꓴ ꓐꓴ ꓔꓯ ꓘꓶ ꓙꓵꓻˍ ꓡꓳ= ꓖꓳ ꓕꓯ ꓬꓰ-ꓢꓴ ꓔꓯ ꓛꓳ ꓢꓴ ꓮ ꓙꓵꓽ ꓫ ꓙꓵ ꓟꓷ ꓙꓵˍ ꓡꓳ=

ꓖꓳ ꓕꓯ ꓠꓬ ꓠꓱꓸ ꓐꓯꓼ ꓐꓶꓽ ꓛꓳˍ ꓟꓲ ꓬꓰ-ꓢꓴ ꓔꓯ ꓛꓳ ꓢꓴ ꓐꓴ ꓔꓯ ꓠꓴ ꓪꓴ-ꓢ ꓔꓯ ꓙꓵˍ ꓡ꓾ ꓥ ꓠꓬ ꓠꓲꓽ ꓔꓯ ꓦ ꓡꓱˍ ꓡ ꓐꓰ ꓠ ꓠꓬꓲˍ ꓕꓯ ꓠꓲꓽ ꓔꓯ ꓦ ꓡꓱˍ ꓥꓳ꓾ ꓪꓴ-ꓢ ꓔꓯ ꓡꓳ ꓒꓰ ꓗꓷˍ ꓥꓳ ꓐꓯ ꓠꓬ ꓠꓴ ꓢꓯꓼ ꓟꓬ ꓥꓪ ꓠꓴꓽ ꓖꓶˍ ꓥꓳ= ꓪꓴ-ꓢ ꓔꓯ ꓦ ꓡꓱˍ ꓠꓬ ꓥꓪ ꓠꓴꓽ ꓠꓴ ꓔꓯ ꓘꓶ ꓠꓬꓲ꓾ ꓢꓰꓼ ꓠꓬꓲ ꓬꓰˍ ꓥꓳ꓾ ꓐꓰ  ꓐꓯ ꓟ ꓦꓬꓼ ꓠꓬꓲ ꓥ ꓡꓳ=

ꓠꓬꓲꓸ ꓠꓬꓲ ꓣꓳ ꓪꓴ-ꓢ ꓐꓯ ꓘꓶꓽ ꓠ ꓠꓹ ꓪˍ ꓟ꓾ ꓪꓴ-ꓢ ꓔꓯ ꓢꓷ ꓡˍ ꓟ꓾ ꓔꓱꓹ ꓚꓵˍ ꓟ ꓪꓴ-ꓢ ꓔꓯ ꓣꓳ ꓧꓪ ꓟꓶˍ ꓟ ꓮ ꓙꓵꓽ ꓠꓬ ꓕꓱ ꓡꓱ ꓫꓵꓽ ꓡ ꓞꓳ ꓡꓰ ꓫꓸ ꓙꓵ ꓟꓷ ꓙꓵ ꓢꓲ ꓣꓳ ꓔꓯ ꓠꓬꓲ ꓟꓳ ꓓꓴ ꓟꓳꓸ ꓖꓶ ꓢꓴ ꓬꓲ ꓪ ꓪꓴꓸ ꓠꓬꓲ ꓥ ꓡꓳ= ꓬꓲ ꓪ ꓣꓱꓽ ꓛꓰꓽ ꓗꓪ ꓐꓰ꓾ꓬꓲ ꓪ ꓡꓰ ꓪꓴ-ꓢ ꓐꓱ ꓶ ꓫꓵꓻ ꓙˍ ꓟ ꓗꓪ ꓐꓰ ꓮ ꓟꓶ ꓣꓳ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓠꓬ ꓪꓴ-ꓢ ꓦ ꓡꓱ ꓢꓴ ꓟꓬꓽ ꓡ ꓔꓬ ꓟ ꓥ ꓡꓳ= ꓕꓱ ꓟ ꓮ ꓙꓵꓽ ꓠꓬ ꓢꓲꓽ ꓫꓬ ꓕꓳ ꓶ ꓗꓪ ꓐꓳ ꓔ ꓟ ꓡꓰ ꓬꓲ ꓪ ꓮ ꓙꓵꓽ ꓫꓵꓽ ꓧꓳꓸ ꓗꓷ ꓢꓲ ꓪꓴ-ꓢ ꓐꓱ ꓶ ꓠꓬꓲ ꓟꓳ ꓓꓴ ꓣꓴ ꓗꓷ ꓟ ꓥ ꓡꓳ=

ꓕꓱ ꓟ ꓕꓲ ꓡꓰꓹ ꓠꓬꓲꓸ ꓠꓬꓲ ꓣꓳ ꓔꓯ ꓐꓯ ꓖꓶ ꓡ ꓔꓬ ꓟˍ ꓟꓲ ꓪꓴ-ꓢ ꓦ ꓡꓱ ꓢꓴ ꓠꓽ ꓢ ꓢꓹ ꓐꓰ ꓟꓽ ꓥ= ꓪꓴ-ꓢ ꓡꓰ ꓒꓴ ꓫꓵꓺ ꓖꓶ ꓡ ꓠꓬꓲ꓾ ꓪꓴ-ꓢ ꓡꓰ ꓦꓲ ꓓꓽ ꓟ ꓖꓶ ꓡˍ ꓠꓬꓲ꓾ ꓓꓰꓽˍ ꓕ ꓑꓳꓸꓼ ꓖꓶˍ ꓟ ꓪꓴꓸ ꓠꓬꓲ ꓪꓴ-ꓢ ꓔꓯ ꓦ ꓡꓱ ꓔꓬ ꓟ ꓟꓽ ꓥ= ꓣꓳ ꓪꓴ-ꓢ ꓠꓽ ꓫ ꓙꓵ ꓟꓷ ꓙꓵˍ ꓕꓯ ꓣꓳ ꓐꓰ ꓕꓲ ꓪ ꓔꓬ ꓟ ꓪꓴ-ꓢ ꓥ ꓡꓳ=

ꓣꓳ ꓫ ꓙꓵ ꓟꓷ ꓙꓵˍ ꓕꓯ꓾ ꓣꓳ ꓝꓴꓲꓸ ꓬꓰˍ ꓕꓯ ꓡꓲꓹ ꓗꓷ ꓟꓶ ꓠꓹ ꓟ꓾ ꓣꓳ ꓔꓯ ꓠꓬꓲ ꓙ ꓡꓳꓸ ꓙ ꓔꓬ ꓟ ꓪꓴ-ꓢ ꓥ ꓡꓳ= ꓣꓳ ꓪꓴ-ꓢ ꓔꓯ ꓒꓴ ꓫꓵꓺ ꓓꓰꓽˍ ꓕꓯ ꓟꓽ ꓖꓶ ꓡ ꓠꓬ꓾ ꓥꓪ ꓪꓴ-ꓢ ꓔꓯ ꓟꓽ ꓦ ꓡꓱ ꓐꓰ ꓐꓯ ꓢꓴ ꓮ ꓟꓬꓹ ꓙꓳˍ ꓡꓳ= ꓥꓪ ꓪꓽ ꓘꓴˍ ꓟꓲ ꓪꓴ-ꓢ ꓥꓪ ꓐꓯ ꓘꓶꓽ ꓔꓯ ꓟꓽ ꓠ ꓠꓹ ꓐꓰ ꓐꓯ ꓢꓴˍ ꓟꓲ ꓮ ꓟꓬꓹ ꓙꓳˍ ꓡꓳ= ꓕꓱ ꓡꓰ ꓟꓽ ꓥ= ꓪꓴ-ꓢ ꓣꓳ ꓔꓯ ꓚꓰꓼ ꓔ ꓟ ꓠꓬ ꓬꓲ ꓐꓰ ꓮ ꓕꓯˍ ꓟꓲ ꓔꓬ ꓪ ꓠꓹ ꓟ꓾ ꓫ ꓥˍ ꓟꓲ꓾ ꓢˍ ꓥˍ ꓟꓲ ꓬꓲ ꓐꓰ ꓕꓲ ꓡꓰꓹ ꓔꓬ ꓪ ꓠꓹ ꓟ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳ ꓔꓯ ꓐꓯ ꓟ ꓖꓶ ꓡ ꓔꓬ ꓡꓳ=

ꓖꓳ ꓡꓱ ꓠꓬꓲ ꓣꓳ ꓤꓶꓻ ꓠꓯꓸꓼ ꓗꓪˍ ꓟꓲ ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓜꓴ ꓡꓰ ꓗꓽ ꓚꓳꓸ ꓔ ꓕꓯ ꓐꓬ ꓡꓰˍ ꓟ ꓦꓬꓼ ꓠꓬꓲ ꓠꓶꓽ ꓡ ꓔꓬꓳ꓾ ꓐꓰ ꓐꓯ ꓟ ꓕꓲ ꓡꓰꓹ ꓠꓲꓹ ꓟ ꓠꓯꓸꓼ ꓗꓪˍ ꓟꓲ ꓪꓴ-ꓢ ꓦ ꓡꓱ ꓢꓴ ꓕꓲ ꓣꓳ ꓠꓬ ꓠꓵ ꓠꓲꓹ ꓟꓽ ꓙꓳ꓾ ꓜꓲꓽ ꓘꓴ ꓠꓲꓹ ꓟꓽ ꓙꓳ꓾ ꓢꓴ ꓔꓯ ꓬꓲ ꓧ ꓬꓰ ꓙ ꓟꓽ ꓗꓴꓸ꓾ ꓢꓴ ꓔꓯ ꓬꓲ ꓧ ꓟꓽ ꓟꓳꓻ ꓠꓬ ꓣꓳ ꓖꓳ ꓓꓱꓽ ꓠꓯꓸꓼ ꓗꓪ ꓟ ꓙꓱ-ꓣꓴ-ꓢ-ꓡꓱ ꓥ ꓟꓲ꓾ ꓣꓳ ꓥˍ ꓟꓲ ꓪꓴ-ꓢ ꓔꓬ ꓖꓴ ꓦꓲꓻ ꓠꓬ ꓐꓬ ꓡꓰˍ ꓥꓳ=

ꓖꓳ ꓟ ꓪꓴꓸ ꓠꓬꓲ ꓣꓳ ꓠꓲꓹ ꓟ ꓠꓯꓸꓼ ꓗꓪ ꓐꓬ ꓡꓰ ꓟꓶꓽ ꓡꓰ ꓓꓹ ꓟ ꓬꓲ ꓦꓬꓼ ꓠꓬꓲ ꓢꓳ ꓢꓷꓸ ꓓꓹ ꓟ ꓠꓬ ꓠꓵ ꓠꓲꓹ ꓟꓼ ꓙꓳ ꓟ ꓥ ꓡꓳ= ꓠꓲꓹ ꓟ ꓢꓲꓺ ꓡꓲꓺ ꓟ ꓟꓽ ꓙꓳ ꓟ ꓠꓽ ꓪꓴ-ꓢ ꓣꓳ ꓠꓯꓸꓼ ꓗꓪ ꓟꓽ ꓔꓬ ꓟ ꓬꓲ ꓢꓷꓸ ꓡꓰ ꓓꓴ ꓥ ꓡꓳ= ꓕꓱ ꓟ ꓑꓶꓸ ꓓꓴ ꓣꓳ ꓕꓱ ꓟ ꓗꓪ ꓐꓰ ꓠꓲꓹ ꓞ ꓔꓴ ꓡ ꓢꓲ ꓠꓬꓲ ꓪꓴ-ꓢ ꓔꓬ ꓗꓪ ꓚꓱꓹ ꓡꓰꓼ ꓡꓯ= ꓝꓴꓲꓸ ꓠꓯꓸꓼ ꓗꓪ ꓣꓳ ꓕꓽ ꓓꓵꓽ ꓙꓰ ꓡꓯ꓾ ꓐꓰ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓢꓲꓺ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓦ ꓢꓯꓼ ꓖꓶ ꓔꓬ ꓟ ꓥ ꓡꓳ=