666 ꓓꓴꓽ ꓪꓴ ( Q & A)

ꓓꓴꓽ ꓪꓴ ꓠ ꓐꓼ 666 ꓠꓬ ꓟꓳꓸ ꓖꓶꓽ ꓓꓴ ꓕꓳꓽ ꓶ ꓗꓪ ꓐꓰ ꓥ ꓢꓲ ꓙꓶꓽ ꓤꓽ ꓟ ꓝꓲ ꓠ ꓐꓼ ꓥ_ ꓡꓳ= ꓙꓲ-ꓢꓴ ꓔꓯ ꓔꓳꓹ ꓢꓴ ꓠ ꓐꓼ ꓥˍ ꓡꓳ= ꓕꓱ ꓟ ꓠꓬ ꓪꓴ-ꓢ ꓟꓲ ꓠꓯ ꓞꓳ ꓤꓽ ꓔ ꓚꓰꓼ ꓔ ꓟ ꓠꓽ 6 ꓠꓬꓲ ꓥ ꓢꓲ ꓞꓳ ꓤꓽ ꓠ ꓐꓼ ꓠꓬ 6 ꓥˍ ꓡꓳ= ꓕꓱ ꓟ ꓠꓬ ꓟꓽ ꓐꓲ ꓜꓲꓹ ꓟ ꓢꓷꓸ ꓡꓰ ꓓꓴ ꓠ ꓐꓼ ꓥˍꓡꓳ= ꓠꓽ 7 ꓠꓬꓲ ꓠꓬ ꓪꓴ-ꓢ ꓚꓰꓼ ꓔ ꓟ ꓐꓲ ꓜꓲꓼ ꓡꓰˍ ꓟ ꓥ ꓢꓲ ꓪꓴ-ꓢ ꓠ ꓐꓼ ꓥˍ ꓡꓳ= 777 ꓠꓬ ꓪꓴ-ꓢ ꓐꓲ ꓜꓲꓼ ꓡꓰˍ ꓟ ꓠ ꓐꓼ ꓥ ꓢꓲ 666 ꓠꓬ ꓟꓽ ꓐꓲ ꓜꓲꓼ ꓟ ꓠꓲꓽ ꓪꓸ ꓔꓲꓸ ꓠ ꓐꓼ ꓥ_ ꓡꓳ= 

ꓪꓸ ꓔꓲ ꓢꓳ-ꓡꓳ-ꓟꓳ ꓠꓬ ꓫꓵ ꓗꓷꓸ 666 ꓗꓷꓸ ꓪ ꓕꓯ ꓪꓴ-ꓢ ꓔꓯ ꓟꓲ ꓡꓰ ꓢꓲ ꓟꓲ ꓠꓯ ꓗꓹ ꓛꓲꓽ ꓓꓴ ꓔꓯ ꓛꓳ ꓙꓰ ꓟ ꓢꓷꓸ ꓡꓰ ꓓꓴ ꓥˍ ꓡꓳ= ꓬꓲ-ꓢꓷ-ꓡꓲ ꓡꓽ ꓞꓳ ꓐꓴ ꓠꓬ 666 ꓔꓯ ꓟꓽ ꓙꓲˍ ꓟ ꓠꓯꓸꓼ ꓗꓪ ꓣꓱˍ ꓡꓳ=

ꓧꓲ-ꓐꓱ-ꓣꓴ ꓕꓳꓽ ꓶ ꓝꓳꓹ ꓐꓰ ꓦꓲ-ꓡꓲ ꓕꓳꓽ ꓶ ꓝꓳꓹ ꓠꓯꓸꓼ ꓠ ꓐꓼ ꓖꓶꓽ ꓔ ꓟ ꓙꓳˍꓡꓳ= ꓙꓲ-ꓢꓴ ꓔꓯ ꓔꓳꓹ ꓢꓴ ꓐꓯˍ ꓟ ꓮꓠꓔꓲꓚꓧꓣꓲꓢꓔ ꓕꓳꓽ ꓡ ꓝꓳꓹ ꓔꓯ ꓠ ꓐꓼ ꓢꓪꓼ ꓩꓴ ꓠꓬ 666 ꓙꓳˍ ꓡꓳ=