ꓪꓴ-ꓢ ꓠꓬ ꓮ ꓕꓯ ꓥ ꓟꓲ ꓝꓴꓲ ꓣꓷꓠꓸ ꓖꓶ_ ꓡꓳ=

ꓪꓴ-ꓢ ꓠꓬ ꓮ ꓕꓯ ꓥ ꓟꓲ ꓝꓴꓲ ꓣꓷꓠꓸ ꓖꓶ_ ꓡꓳ=

1 ꓦ ꓟ 19 ꓠꓬꓲ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓪꓴ-ꓢ ꓠꓬ ꓣꓳ ꓝꓴꓲ ꓛꓬ ꓗꓷ ꓟ ꓔꓯ ꓟꓽ ꓙꓳ-ꓸ ꓣꓳ ꓝꓴꓲ ꓓꓲ ꓢ ꓟꓬ ꓠꓬꓲ ꓪꓴꓽ_ ꓡꓳ ꓐꓰ ꓐꓯ_ ꓡꓳ=

ꓝꓴꓲ ꓣꓷꓠꓸ ꓟ ꓢ-ꓗ-ꓣ-ꓟꓯꓸ-ꓔꓴ ꓗꓪ ꓐꓰ ꓪꓴ-ꓢ ꓬꓲ ꓫꓱꓸ ꓤ_ ꓟ ꓔꓯ ꓧꓪ ꓓꓴ ꓬꓰ ꓡꓯ= ꓪꓴ-ꓢ ꓝꓴꓲ ꓖꓽ ꓖꓶ_ ꓟ ꓠꓲꓹ ꓟ ꓠꓬ ꓟꓽ ꓙꓲ_ ꓟ ꓝꓴꓲ ꓓꓲ ꓢ ꓟꓬ ꓠꓬꓲ ꓪꓴꓽ_ ꓡꓳ= ꓪꓴ-ꓢ ꓠꓬ ꓝꓴꓲ ꓔꓯ ꓟꓽ ꓙꓳ= ꓪꓴ-ꓢ ꓠꓬ ꓮ ꓕꓯ ꓥ ꓟꓲ ꓝꓴꓲ ꓖꓽ ꓖꓶ_ ꓡꓳ= ꓕꓱ ꓟ ꓔꓯ ꓣꓳ ꓠꓲꓹ ꓟ ꓗꓪ ꓓꓵꓽ ꓙ ꓠ ꓔ ꓡꓳ= ꓣꓳ ꓠꓬ ꓝꓴꓲ ꓖꓽ ꓖꓶ ꓟꓶ ꓠꓹ ꓟ ꓣꓳ ꓮ ꓕꓯ ꓥ ꓟꓲ ꓢꓯꓼ ꓕꓵꓼ_ ꓟ ꓥꓳ= ꓖꓳ ꓡꓱ ꓥ ꓟꓲ ꓪꓴ-ꓢ ꓠꓬ ꓮ ꓕꓯ ꓥ ꓟꓲ ꓝꓴꓲ ꓣꓷꓠꓸ ꓖꓶ_ ꓡꓳ=

ꓠꓲꓹ ꓟ ꓠꓴꓽ_ ꓟ ꓠꓬ ꓣꓳ ꓤꓶꓸꓹ ꓔꓯ ꓒꓳꓹ ꓖꓶ ꓠꓹ ꓟ ꓐꓱ ꓶ ꓮ ꓘꓶꓸ ꓙꓲ_ ꓟ ꓚꓱꓹ ꓥ ꓡꓳ= ꓪꓴ-ꓢ ꓫꓱꓸ ꓤ ꓠꓹ ꓟ ꓐꓱ ꓶ ꓝꓴꓲ ꓣꓷꓠꓸ ꓟ ꓢ-ꓗ-ꓣ-ꓟꓯꓸ-ꓔꓴ ꓗꓪ ꓐꓰ-ꓸ ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓪꓽ ꓘꓴ_ ꓟ ꓢꓯꓼ ꓗꓪ ꓐꓰ-ꓸ ꓪꓴ-ꓢ ꓗꓪ ꓐꓰ-ꓸ ꓠꓲꓹ ꓟ ꓠꓴꓽ_ ꓟ ꓗꓪ ꓐꓰ ꓥ ꓟꓲ ꓣꓳ ꓢꓷꓸ ꓠꓹ ꓟ ꓣꓳꓸ ꓚꓵ_ ꓡꓳ=

ꓔꓲꓸꓸ ꓒ ꓪ ꓔꓲ ꓠꓬ ꓐꓱ ꓓꓵꓽ ꓗꓪ ꓔꓬ ꓢꓴ ꓔꓯ ꓥ ꓟꓲ ꓓꓵꓽ ꓙ_ ꓡꓳ= ꓝꓴꓲ ꓛꓬ ꓢꓴ ꓠꓬ ꓬꓲ ꓬꓰ_ ꓟ ꓝꓴꓲ ꓐꓱ ꓶ ꓝꓴꓲ ꓟꓶ_ ꓟ ꓥꓳ= ꓡꓲꓹ ꓙꓰ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓠ ꓔ ꓡꓳ= ꓐꓱ ꓓꓵꓽ ꓗꓪ ꓔꓬ ꓢꓴ ꓬꓲ ꓤ ꓠꓬꓲ ꓤ ꓐꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ= ꓪꓴ-ꓢ ꓠꓲꓹ ꓟ ꓠꓴꓽ_ ꓟ ꓫꓱꓸ ꓤ ꓠꓲꓹ ꓔꓯ ꓬꓲ ꓪ ꓥ ꓟꓲ ꓪ ꓟꓶ ꓠꓹ ꓟ ꓪꓽ ꓘꓴ ꓙ ꓓꓴ ꓬꓰ ꓡꓯ= ꓖꓳ ꓟ ꓗꓪ ꓐꓰ ꓟꓬ ꓠꓬꓲ ꓙꓲ_ ꓟ ꓤꓶꓸꓹ ꓔꓯ ꓪ ꓟꓶ ꓠꓹ ꓟ ꓥꓳ ꓡꓳꓸ ꓟ ꓗꓸ ꓘꓶꓽ ꓔꓯ ꓧꓪ ꓟꓶ ꓡ ꓥꓳ=

ꓔꓲꓸꓸ ꓒ ꓪ ꓔꓲ ꓠꓬ ꓕꓱ ꓕꓲ ꓫꓵꓽ ꓠ ꓗꓪ ꓠꓬ ꓪꓴ-ꓢ ꓠꓲꓹ ꓙꓽ ꓟꓬ ꓗꓳ_ ꓟ ꓚꓱꓹ (ꓧꓳ-ꓫꓬ-ꓬ 11ꓽ3-4) ꓗꓪ ꓐꓰ ꓚ ꓟꓸ ꓖꓶ_ ꓡꓳ= ꓪꓴ-ꓢ ꓠꓬ ꓬꓲ-ꓒ-ꓡꓲ ꓐꓴ ꓔꓯ ꓙ ꓖꓴ ꓫꓱꓽ ꓟꓸ ꓖꓶ_ ꓡꓳ= ꓪꓴ-ꓢ ꓠꓬ ꓬꓲ ꓪ ꓔꓯ ꓐꓹ ꓐ ꓡꓲ ꓐꓰ ꓬꓰ ꓙ ꓔ ꓙ ꓖꓶ_ ꓟ ꓥꓳ= ꓬꓲ ꓪ ꓔꓯ ꓗꓴ ꓗꓴ ꓟꓴ ꓬꓰ ꓢꓲ ꓠꓬꓲ ꓬꓲ ꓪ ꓔꓯ ꓜꓽ ꓓꓴ ꓚꓸ ꓖꓶ ꓟ ꓥꓳ= ꓖꓳ ꓟ ꓡꓲ ꓐꓰ ꓢꓲ ꓫꓬ ꓢꓴ ꓬꓳ-ꓢꓷ ꓥ ꓟꓲ ꓮ ꓐꓲ ꓤ ꓬꓰ-ꓢꓴ ꓔꓯ ꓡꓳꓸ ꓙ ꓔ ꓙ ꓖꓶ_ ꓟ ꓥꓳ= ꓔꓲꓸꓸ ꓒ ꓪ ꓔꓲ ꓡꓰ ꓢꓲ ꓫꓬ ꓢꓴ ꓬꓳ-ꓢꓷ ꓠꓯꓼ ꓗꓪ ꓶꓽ ꓓꓰꓽ ꓪꓽ ꓘꓴ ꓘꓶꓽ ꓗꓪ ꓐꓰ ꓶ ꓓꓳ ꓫꓱꓸ ꓓꓳ ꓔꓯ ꓬꓲꓸ ꓟꓶꓽ ꓢꓰꓼ ꓗꓷ_ ꓡꓳ=

St Joseph, father in tenderness, teach us to accept that we are loved precisely in that which is weakest in us. Grant that we may place no obstacle between our poverty and the greatness of God's love. Stir in us the desire to approach the Sacrament of Reconciliation, that we may be forgiven and also made capable of loving tenderly our brothers and sisters in their poverty. Be close to those who have done wrong and are paying the price for it; Help them to find not only justice but also tenderness so that they can start again. And teach them that the first way to begin again is to sincerely ask for forgiveness, to feel the Father’s caress. Amen.