Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
RVA LI-SU DO:
1ꓸ “ꓙꓼ ꓶ ꓤꓼ ꓗꓪ ꓐꓰ ꓟꓽ ꓥ꓾ ꓢꓲ-ꓫꓬ-ꓟ-ꓦ ꓗꓪ ꓐꓰ ꓟꓲꓽ ꓕꓯꓽ ꓢꓲ ꓢꓯꓼ ꓕꓵꓼ ꓙꓰ ꓡꓯ” ꓐꓰ ꓔꓲꓺ ꓒꓽ ꓪꓸ ꓔꓲ ꓡꓰ ꓕꓲꓽ ꓞꓲꓼ ꓪꓴ-ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓐꓯˍ ꓟ ꓓꓳꓽ
ꓡꓳ ꓬꓲ ꓟ 2 ꓦ 2 ꓠꓬꓲ ꓚꓵꓸ ꓛꓬ ꓕꓲꓽ ꓞꓲꓼ ꓡꓱꓸꓼ ꓔꓯ ꓪꓴ-ꓢ ꓐꓱ ꓶ ꓔꓲ ꓢꓲ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒꓽ ꓔꓲꓺ ꓒꓽ ꓐꓴˍ ꓐꓰ ꓐꓣꓳꓔꓧꓰꓣ ꓐꓴ ꓐꓱ ꓶ ꓪꓽ ꓘꓴˍ ꓟ ꓑꓮꓲꓽ ꓦꓬꓼ ꓠꓬꓲ ꓗꓪ ꓔꓲꓺ ꓒꓽ ꓪꓸ ꓔꓲ ꓡꓰ ꓸ “ꓙꓼ ꓶ ꓤꓼ ꓗꓪ ꓐꓰ ꓟꓽ ꓥ ꓢꓲ-ꓫꓬ-ꓟ-ꓦ ꓗꓪ ꓐꓰ ꓟꓲꓽ ꓕꓯꓽ ꓢꓲ ꓢꓯꓼ ꓕꓵꓼ ꓙꓰ ꓡꓯ” ꓐꓰ ꓢꓯꓼ ꓖꓶꓽ ꓡꓳ ꓡꓰꓳ= ꓪꓽ ꓘꓴ ꓙꓵꓼ ꓟꓲꓢꓢꓮ ꓔꓯ ꓦꓮꓔꓲꓚꓮꓠ ꓝꓲ ꓓꓴ ꓒꓲ-ꓕꓱ ꓪꓽ ꓘꓴ ꓦꓲ ꓗꓪ ꓬꓰ ꓡꓳꓹ ꓡꓰ ꓟ ꓥˍ ꓡꓳ= ꓠꓬꓲꓸ ꓠꓬꓲ ꓟꓲ ꓠꓯ ꓗꓪ ꓔꓰꓚꓧꓠꓳꓡꓳꓖꓬ ꓐꓯˍ ꓟ ꓙꓼ ꓶ ꓤꓼ꓾ ꓟꓬꓽ ꓠꓬꓲ ꓐꓶꓹ ꓠꓬꓲ ꓚꓳꓟꓑꓴꓔꓰꓣ꓾ ꓑꓧꓳꓠꓰ ꓐꓰ ꓳꓠꓡꓲꓠꓰ ꓲꓠꓔꓰꓣꓠꓰꓔ ꓔꓯ ꓪꓴꓸ ꓓꓵ ꓛꓹ ꓢꓲ ꓪꓴ-ꓢ ꓚꓱꓹ ꓔꓯ ꓠꓬ ꓬꓲ ꓟꓶꓽ ꓗꓪ ꓛꓹ ꓔ ꓠꓬꓲ ꓦ ꓕꓲꓽ ꓒꓳꓹ ꓔꓯ ꓢꓲ ꓢꓯꓼ ꓠꓲꓹ ꓟꓽ ꓡꓳꓼ ꓠꓬꓲ ꓐꓯˍ ꓟ ꓥˍ ꓡꓳ=
2ꓸ ꓪꓲꓠꓔꓰꓣ ꓳꓡꓬꓟꓑꓲꓚ ꓔꓯ ꓧꓶꓽ ꓟꓵꓽ ꓡꓳꓺ ꓒꓱ ꓚꓰꓻ ꓐꓰꓲꓙꓲꓠꓖ ꓗꓪ ꓠꓬꓲ ꓠꓬꓲ ꓗꓪ ꓚꓳꓸ ꓬꓲ ꓪꓴꓸ ꓒꓴ ꓠꓹ ꓟ ꓙꓽ ꓖꓶ ꓔ ꓟ ꓓꓳꓽ
ꓪꓲꓠꓔꓰꓣ ꓳꓡꓬꓟꓑꓲꓚ ꓔꓯ ꓧꓶꓽ ꓟꓵꓽ ꓡꓳꓺ ꓒꓱ ꓚꓰꓻ ꓐꓰꓲꓙꓲꓠꓖ ꓗꓪ ꓠꓬꓲ ꓠꓬꓲ ꓟꓶꓽ ꓘꓶꓼ ꓟꓬꓮꓠꓟꓮꓣ ꓙꓵꓹ 6ꓽ 30 ꓧꓶꓽ ꓙꓵꓼ 8ꓽ 00 ꓗꓪ ꓚꓳꓸ ꓓꓽ ꓪꓴꓸ ꓒꓴˍ ꓟ ꓑꓮꓲ ꓬꓰ ꓓꓴ ꓥꓳ= ꓕꓱ ꓟ ꓠꓬ 24 ꓧꓪꓹ ꓕꓲꓽ ꓧꓪꓹ ꓟ ꓙꓬ ꓝꓲꓸ ꓳꓡꓬꓟꓑꓲꓚ ꓡꓳ ꓖꓪˍ ꓟ ꓑꓮꓲ ꓥˍ ꓡꓳ= 2 ꓦ ꓟ 4 ꓠꓬꓲ ꓗꓪ ꓚꓳꓸ 20 ꓠꓬꓲ ꓗꓪ ꓛꓲ ꓡꓳ ꓖꓪ ꓓꓴ ꓥꓳ= ꓗꓴꓷꓼ 91 ꓗꓴꓷꓼ ꓡꓳ ꓖꓪ ꓢꓴ 2871 ꓣꓳ ꓡꓳ ꓖꓪ ꓔꓯ ꓡꓯꓽ ꓘꓳ ꓓꓴ ꓥꓳ ꓐꓯˍ ꓡꓳ=
3ꓸ ꓳꓟꓲꓚꓣꓳꓠ ꓚꓳꓦꓲꓓ ꓠ ꓫꓵꓽ ꓠ ꓢꓴ 28 ꓣꓳ ꓬꓲ ꓐꓶꓹ ꓟꓬꓽ ꓡˍ ꓟ ꓓꓳꓽ
ꓮꓽ ꓟꓰ 2 ꓦ 3 ꓕꓯ ꓟꓬꓮꓠꓟꓮꓣ ꓗꓴꓷꓼ ꓟꓬ ꓞꓲꓼ ꓢꓲꓽ ꓒꓽ ꓐꓴ ꓡꓰ ꓳꓟꓲꓚꓣꓳꓠ ꓚꓳꓦꓲꓓ ꓠ ꓢꓴ 28 ꓣꓳ ꓬꓲ ꓐꓶꓹ ꓟꓬꓽ ꓡꓺꓳ ꓐꓰ ꓐꓯˍ ꓡꓳ= ꓮꓽ ꓙꓵꓽ ꓠꓬ 348 ꓣꓳ ꓙꓳ ꓡꓰꓳ ꓐꓰ ꓐꓯˍ ꓡꓳ= ꓠ ꓢꓴ ꓠꓬ ꓠꓱꓸ ꓐꓯꓼ ꓗꓴꓷꓼ ꓗꓪ ꓚꓳꓸ ꓡꓽ ꓡ ꓢꓴ ꓥˍ ꓡꓳ= 2020 ꓘꓳꓼ ꓗꓪ ꓚꓳꓸ ꓮ ꓟꓶ ꓗꓪ ꓛꓲ ꓚꓳꓦꓲꓓ-19 ꓠ ꓢꓴ ꓮꓽ ꓙꓵꓽ ꓠꓬ 513ꓹ662 ꓣꓳ ꓗꓶ ꓡꓰꓳ=
Add new comment