ꓤꓽ ꓘꓶ ꓗꓪ ꓟ ꓮ. ꓟꓲꓽ ꓮ. ꓐꓲ ꓔꓯ ꓢꓰ;_ ꓟ (Q & ꓮ)

ꓤꓽ ꓘꓶ ꓗꓪ ꓟ ꓮ ꓟꓲꓽ ꓮ ꓐꓲ ꓐꓴ ꓔꓯ ꓢꓰꓼ_ ꓟ ꓠꓬ ꓡꓽ ꓞꓳ ꓢꓰꓼ_ ꓟ ꓡꓰ ꓐꓰ ꓕꓲꓽ ꓡꓰ ꓥ_ ꓡꓳ= ꓤꓽ ꓘꓶ ꓗꓪ ꓟ ꓤꓼ ꓠꓱ ꓞꓳ ꓤꓽ ꓐꓬꓱꓽ ꓮ ꓒꓬꓱꓼ ꓡ ꓢꓰꓼ ꓕꓯ ꓡꓰ ꓦꓺ ꓐꓯˍ ꓟ ꓞꓳ ꓤꓽ ꓢꓯꓼ ꓟꓬ ꓙꓳˍ ꓡꓳ= ꓮ ꓡꓰꓳ ꓐꓯ ꓠꓬ ꓢꓯꓸ ꓔꓬ ꓢꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓪꓴꓽ ꓡ ꓟꓴ ꓡ ꓡꓳ= ꓢꓯꓸ ꓔꓬ ꓟ ꓞꓳ ꓤꓽ ꓕꓲ ꓣꓳ ꓡꓰ ꓐꓰ ꓥˍ ꓡꓳ= ꓓꓳ-ꓙꓲ 20 ꓽ13꓾ ꓟ-ꓕꓲ 5ꓽꓟ21 ꓗꓪ "ꓡꓽ ꓞꓳ ꓕꓽ ꓢꓰꓼ" ꓐꓰ ꓐꓳ ꓔ ꓡꓳ= ꓤꓽ ꓘꓶ ꓗꓪ ꓟ ꓮ ꓟꓲꓽ ꓮ ꓐꓲ ꓐꓴ ꓔꓯ ꓢꓰꓼ_ ꓟ ꓠꓬ ꓪꓴ-ꓢ ꓠꓲꓹ ꓔꓯ ꓐꓬ ꓡꓰ ꓝꓲˍ ꓟ ꓥˍ ꓡꓳ=

ꓕꓲꓽ ꓤꓶ ꓡꓰ ꓕꓲꓽ ꓤꓶ ꓗꓪꓤꓽ ꓘꓶ ꓗꓪ ꓟ ꓮ ꓟꓲꓽ ꓮ ꓐꓲ ꓐꓴ ꓔꓯ ꓢꓰꓼ_ ꓟ ꓠꓬ ꓝꓴꓲꓸ ꓥˍ ꓡꓳ ꓐꓰ ꓐꓯ ꓔ ꓟ ꓙꓳˍ ꓐꓶ= ꓘꓴ ꓜꓲꓼ ꓞꓳ ꓗꓪ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓴˍ ꓟꓤꓽ ꓘꓶ ꓗꓪ ꓟ ꓮ ꓟꓲꓽ ꓮ ꓐꓲ ꓐꓴ ꓔꓯ ꓢꓰꓼ_ ꓟ ꓠꓬꓲ  ꓝꓴꓲꓸ ꓥˍ ꓡꓳ ꓐꓰ ꓐꓯ ꓔ ꓡꓳ= ꓘꓴ ꓜꓲꓼ ꓞꓳ ꓙꓵꓽ ꓗ ꓚꓮꓠꓳꓠ ꓡꓮꓪ 1398 ꓗꓪ ꓥˍ ꓟꓲ  ꓤꓽ ꓘꓶ ꓗꓪ ꓟ ꓮ ꓟꓲꓽ ꓮ ꓐꓲ ꓐꓴ ꓔꓯ ꓢꓰꓼ ꓢꓴ ꓠꓬ ꓘꓴ ꓜꓲꓼ ꓞꓳ ꓗꓪ ꓐꓰ ꓕꓼ ꓡꓰꓹ ꓟ ꓥˍ ꓡꓳ= ꓘꓴ ꓜꓲꓼ ꓞꓳ ꓗꓪ ꓐꓰ ꓕꓼ ꓟ ꓛꓲ ꓬꓲ ꓔꓵꓼ ꓬꓲ ꓘꓴ ꓜꓲꓼ ꓞꓳ ꓬꓲ ꓐꓽ ꓗꓪ ꓛꓲ ꓡꓰꓹ ꓟ ꓥˍ ꓡꓳ= ꓐꓯ ꓟꓵ ꓫꓱˍ ꓟ ꓠꓬ ꓙꓲ-ꓢꓴ ꓢꓲ ꓤꓼ ꓕꓲꓽ ꓣꓳ ꓡꓰ ꓐꓰ ꓣꓱꓽ ꓛꓲꓽ ꓟꓽ ꓑꓯꓹ ꓟꓶ= 

ꓬꓲ-ꓚꓰ-ꓬꓲ-ꓪꓴ 1ꓽ 27 ꓗꓪ ꓪꓴ-ꓢ ꓒꓬꓱꓽ ꓡꓰ ꓐꓰ ꓚꓰꓼ ꓔ ꓟ ꓡꓰꓽ ꓟ ꓞꓲ ꓬꓲ ꓦ ꓢꓯꓼ ꓡꓴꓽ ꓖꓶ ꓔ ꓟ ꓐꓯꓹ ꓟꓶ ꓢꓴ ꓥꓹ ꓠꓬꓲ ꓤꓽ ꓘꓶ ꓗꓪ ꓟ ꓮ ꓟꓲꓽ ꓮ ꓐꓲ ꓐꓴ ꓔꓯ ꓢꓰꓼ_ ꓟ ꓠꓬ ꓬꓰ ꓟꓽ ꓓ= ꓤ ꓟꓳ ꓡꓯ=