ꓘꓴ‐ꓜꓲꓽ‐ꓞꓳ ꓚꓺ ꓟꓲꓽ A.D 1617‐1780 ꓘꓴ‐ꓜꓲꓼ‐ꓞꓳ ꓘꓴ ꓗꓪ ꓒꓬꓱꓼ ꓗꓷ ꓟ ꓫꓵꓽ ꓪꓴ

ꓘꓴ‐ꓜꓲꓽ‐ꓞꓳ ꓚꓺ ꓟꓲꓽ  A.D 1617‐1780 ꓘꓴ‐ꓜꓲꓼ‐ꓞꓳ ꓘꓴ ꓗꓪ ꓒꓬꓱꓼ ꓗꓷ ꓟ ꓫꓵꓽ ꓪꓴ

A.D 1617‐1780 ꓘꓴ‐ꓜꓲꓼ‐ꓞꓳ ꓘꓴ ꓗꓪ ꓒꓬꓱꓼ ꓗꓷ ꓟ ꓫꓵꓽ ꓪꓴ ꓥ ꓡꓳ꓿ A.D 1617-1780 ꓘꓳꓼ ꓗꓪ ꓗ‐ꓕꓳ‐ꓡꓲꓗ ꓘꓴ‐ꓜꓲꓽ‐ꓞꓳ ꓘꓴ ꓗꓪ ꓐꓰ ꓙꓲꓺ ꓢꓴ ꓢꓲ‐ꓤ ꓮ ꓟꓬ, ꓦ ꓡꓰ ꓟ ꓥ ꓡꓳ꓿ ꓘꓴ‐ꓜꓲꓼ‐ꓞꓳ ꓘꓴ ꓗꓪ ꓥ ꓟꓲ꓾ ꓠꓲ, ꓟ ꓫ. ꓓꓴ ꓮ ꓟꓬ, ꓔꓳ ꓜꓳ ꓡꓰꓳ ꓟ ꓥ ꓡꓳ꓿ ꓗꓳ ꓕꓲ ꓙꓵ, ꓗꓪ ꓗ‐ꓕꓳ‐ꓡꓲꓗ ꓔꓲꓺ ꓒ ꓕꓲ ꓣꓳ ꓥ ꓟ Martin Luther ꓠꓬ ꓗ‐ꓕꓳ‐ꓡꓲꓗ ꓘꓴ‐ꓜꓲꓼ‐ꓞꓳ ꓗꓪ ꓐꓰ ꓦ ꓡꓰ ꓟ ꓥ ꓡꓳ꓿ Martin Luther ꓡꓰ ꓚꓺ ꓟ ꓟ. ꓟꓲꓽ ꓔꓯ ꓘꓴ ꓣꓳ ꓢꓴ ꓠꓬ Germany꓾ ꓗꓴꓷꓼ Switzerland꓾ ꓗꓴꓷꓼ ꓠꓱ ꓐꓯ ꓗꓴꓷꓽ  ꓮ ꓟꓬ, ꓗꓪ ꓙꓳ ꓡꓰꓳ ꓟ ꓥ ꓡꓳ꓿

ꓗ‐ꓕꓳ‐ꓡꓲꓗ ꓘꓴ‐ꓜꓲꓼ‐ꓞꓳ ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓦ ꓡꓰ ꓗ, ꓠꓯ, ꓘꓴ‐ꓜꓲꓼ‐ꓞꓳ ꓘꓴ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓗꓷ ꓢꓲ ꓠꓬꓲ ꓙꓵˍ ꓠꓲ ꓚꓱ, ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓮ ꓟꓬ ꓫꓵꓽ ꓔꓯ ꓐꓯˍ ꓑꓶ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓐꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓜꓴꓻ ꓬꓲ. ꓫꓵꓼ ꓮ ꓟꓬ, ꓓꓳꓺ ꓡ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿

ꓘꓴ‐ꓜꓲꓼ‐ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓡꓰ ꓫꓵꓽ ꓪꓴ ꓮ ꓟꓬ, ꓬꓰ ꓗꓷ ꓟ ꓑꓶ. ꓓꓴ ꓙꓲꓺ ꓢꓴ ꓢꓲꓺ ꓤ ꓐꓴ ꓠꓲ, ꓟ ꓫ. ꓡꓰ ꓟ ꓥ ꓡꓳ꓿ 100 ꓘꓳꓼ ꓗ, ꓠꓯ, Protestant ꓐꓯˍ ꓟ ꓘꓴ‐ꓜꓲꓼ‐ꓞꓳ ꓮ ꓟꓬ ꓓꓳꓺ ꓡꓰ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓗ‐ꓕꓳ‐ꓡꓲꓗ ꓘꓴ‐ꓜꓲ‐ꓞꓳ ꓗꓪ ꓦ ꓡꓰ ꓟ ꓙꓲꓺ ꓢꓴ ꓢꓲꓺ ꓤ ꓘꓴ ꓗꓪ  ꓠꓵˍ ꓠꓲ ꓐꓰ ꓙ ꓣꓳˍ ꓟ ꓠꓲ ꓟ ꓮ ꓟꓬ, ꓟꓽ ꓙꓳ ꓡꓰ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓗ‐ꓕꓳ‐ꓡꓲꓗ ꓘꓴ‐ꓜꓲꓼ‐ꓞꓳ ꓘꓴ ꓗꓪ ꓐꓰ ꓦ ꓡꓰ ꓟ ꓙꓲꓺ ꓢꓴ ꓢꓲꓺ ꓤ ꓐꓴ ꓠꓬ ꓟꓲ ꓠꓯ ꓗ, ꓛꓲ ꓓꓴ ꓔꓯ ꓡꓰ ꓧꓪ ꓙꓰ ꓢꓲ ꓠꓬꓲ ꓞꓳ ꓙꓳ ꓢꓯ. ꓔꓯ ꓟ. ꓔꓯ ꓡꓳ. ꓟꓳ ꓪ ꓡꓳ꓿