ꓔꓲꓺ ꓒ ꓪ ꓔꓲ Benedict (16) ꓚꓱ, (Pope Benedict)

ꓔꓲꓺ ꓒ ꓪ ꓔꓲ Benedict (16) ꓚꓱ,

ꓔꓲꓺ ꓒ ꓪ ꓔꓲ Benedict (16) ꓠꓬ ꓓꓽ ꓪꓴ. ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓕꓯ  Italy ꓥꓳꓽ ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓫ. ꓕꓱ ꓗꓷꓳ꓿ ꓔꓲꓺ ꓒ ꓪ ꓔꓲ Benedict ꓡꓰ ꓫ. ꓕꓱ ꓘꓶꓽ ꓠꓬ ꓠꓲ, ꓠꓵ ꓟ ꓬꓲ ꓤ ꓠꓬꓲ ꓤ ꓐꓴ ꓣꓳ ꓮ ꓘꓶ. ꓠꓲ, ꓠꓵ_ ꓟ ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳˍ ꓬꓰꓳ꓿ ꓪꓴ‐ꓢ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓡꓳ. ꓙ ꓠ, ꓟ ꓥꓪ ꓔꓯ ꓘꓴˍ ꓟ ꓑꓶ. ꓓꓴ ꓪꓴ‐ꓢ ꓔꓯ ꓫ. ꓟꓳ ꓡꓳ꓿ ꓥꓪ ꓮ ꓫꓵꓽ ꓟꓽ ꓒꓵ_ ꓟ ꓥꓪ ꓔꓯ ꓪꓴ‐ꓢ  ꓡꓰ ꓘꓴ ꓟ ꓑꓶ. ꓓꓴ ꓪꓴ‐ꓢ ꓔꓯ ꓟꓲ ꓫ. ꓟꓳ ꓡꓳ꓿

ꓙꓲ‐ꓢꓴ ꓢꓲꓺ ꓤ ꓐꓴ ꓠꓴ ꓪ ꓪꓽ ꓘꓴ ꓕꓯ ꓥꓪ ꓐꓱ ꓶ ꓥ  ꓟꓲ ꓪꓽ ꓘꓴ ꓙ ꓠ, ꓟ ꓕꓽ ꓟꓲ ꓡꓲ ꓐꓰ ꓐꓯ ꓖꓶ ꓗꓷꓳ꓿

ꓢꓲꓺ ꓒ ꓬꓰ‐ꓢꓴ ꓫꓵꓻ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓡꓯ ꓫꓴ ꓘꓳ, ꓣꓴ ꓟꓶ ꓟ ꓑꓶ. ꓓꓴ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓠ, ꓟ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓐꓯ ꓖꓶ ꓗꓷꓳ꓿ ꓢꓲꓺ ꓒ ꓬꓰ‐ꓢꓴ ꓬꓲ ꓟ, ꓟ ꓟ‐ꓡꓲ ꓪꓽ ꓘꓴ ꓙ ꓟ ꓑꓶ. ꓓꓴ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓢꓯꓼ ꓪ ꓪ ꓡꓳ꓿ ꓔꓲꓺ ꓒ ꓪ ꓔꓲ Benedict ꓠꓬ ꓬꓲ ꓮ ꓡꓲ ꓐꓰ ꓙꓲꓻ ꓫꓬ ꓢꓴ Benedict ꓟꓬꓱꓺ  ꓔꓯ ꓣꓴ ꓗꓷ ꓟ ꓐꓯ ꓟ. ꓖꓶ ꓗꓷꓳ꓿ ꓙꓲꓻ ꓫꓬ ꓢꓴ Benedict ꓠꓬ ꓢꓰꓼ ꓡꓯꓼ ꓘꓳ ꓓꓴ ꓙꓳ ꓟ ꓙꓵ, ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓥ ꓟ ꓑꓶ. ꓓꓴ ꓬꓲ ꓟꓬꓱꓺ ꓔꓯ ꓣꓴ ꓟ ꓥ ꓡꓳ꓿   

ꓝꓮꓲ ꓔꓲꓺ ꓒ ꓪ ꓔꓲ Benedict ꓠꓬ ꓬꓲ ꓐꓱ ꓶ ꓪꓽ ꓘꓴ ꓙ ꓠ, ꓟ ꓶꓼ ꓓꓰꓽ ꓗꓷꓳ꓿