ꓢꓲꓽ ꓫꓬ ꓕꓳ ꓶ ꓚꓺ ꓟꓲꓽ ꓢꓽ ꓕꓱ

ꓢꓲꓽ ꓫꓬ ꓕꓳꓽ ꓶ ꓚꓺ ꓟꓲꓽ ꓗꓪ ꓔꓱꓹ ꓕꓺ ꓠꓬꓲˍ ꓠꓬ꓾ ꓓꓽ ꓪꓴꓸ ꓢꓲꓽ ꓫꓬ ꓕꓳ ꓶ ꓬꓲ ꓡꓲꓺ ꓐꓳ ꓔ ꓟ ꓗꓪ ꓠꓬ ꓦꓲ-ꓐꓱ-ꓣꓴ ꓥꓳꓽ ꓡꓰ ꓐꓳ ꓔ ꓡꓳ= ꓦꓲ-ꓐꓱ-ꓣꓴ ꓥꓳꓽ ꓡꓰ ꓐꓳ ꓔ ꓟ ꓢꓲꓽ ꓫꓬ ꓕꓳ ꓶ ꓔꓯ ꓦꓲ-ꓐꓱ-ꓣꓴ ꓡ ꓞꓳ ꓐꓴ ꓡꓰ AD 70 ꓘꓳꓼ ꓙ-ꓟꓷ-ꓠꓲ-ꓬ ꓡꓳ ꓒꓱ ꓗꓪ ꓖꓪꓻ ꓙꓱ ꓜꓲꓼ ꓓꓴ ꓕꓲ ꓟ ꓬꓰ ꓢꓲ ꓘꓶꓽ ꓫꓵꓽ ꓡꓵꓺ ꓗꓪ ꓟ ꓢꓲꓽ ꓫꓬ ꓕꓳ ꓶꓽ ꓫꓵꓽ ꓑꓷꓠ ꓔꓯ ꓟꓽ ꓘꓳꓹ ꓣꓴ ꓐꓰ ꓬꓲ ꓪ ꓢꓲꓺ ꓓꓳ ꓗꓷˍ ꓡꓳ=

ꓬꓲ ꓪ ꓢꓲꓺ ꓓꓳ ꓔ ꓟ ꓢꓲꓽ ꓫꓬ ꓕꓳꓽ ꓶ ꓠꓬ

(1) ꓕꓳ-ꓐꓲ-ꓬ ꓕꓳꓽ ꓶ

(2) ꓙꓴ-ꓓꓲꓼ ꓕꓳꓽ ꓶ

(3) ꓢꓳ-ꓡꓳ-ꓟꓳ ꓙ ꓗꓴꓸ ꓠꓲꓹ ꓕꓳꓽ ꓶ

(4) ꓢꓰ-ꓣꓸꓼ ꓕꓳꓽ ꓶ

(5) ꓐ-ꓣꓴꓸꓼ ꓕꓳꓽ ꓶ

(6) ꓟ-ꓘꓷ-ꓐꓲ ꓕꓳꓽ ꓶ 1

(7) ꓟ-ꓘꓷ-ꓐꓲ ꓕꓳꓽ ꓶ 2 ꓥ ꓡꓳ=

ꓝꓮꓲ ꓓ-ꓠꓲ-ꓡꓰ ꓕꓳ ꓶˍ ꓐꓰ ꓱ-ꓢꓶ-ꓕꓱꓼ ꓕꓳ ꓶ ꓕꓲ ꓐꓱˍ ꓡꓰꓽ ꓐꓳ ꓧꓳꓽ ꓗꓷ ꓔ ꓡꓳ= ꓢꓲꓽ ꓫꓬ ꓕꓳ ꓶ ꓔꓯ ꓟꓳꓸ ꓫꓵꓽ ꓪꓴ ꓙꓳ ꓡ ꓠꓬꓲ AD 397 ꓘꓳꓼ Africa ꓗꓴꓷꓼ ꓦꓲ-ꓑꓳ ꓡꓳ ꓒꓱ ꓗꓪ ꓓꓽ ꓪꓴꓸ ꓕꓲ ꓧꓪꓹ ꓖꓪꓻ ꓙꓱ ꓢꓲ ꓢꓲꓽ ꓫꓬ ꓕꓳ ꓶ ꓚꓲˍ ꓟ ꓐꓰ ꓟꓽ ꓚꓲˍ ꓟ ꓢꓲꓺ ꓠꓹ ꓟ ꓖꓪꓻ ꓙꓱˍ ꓡꓳ=