ꓛꓳꓽ ꓒꓯꓹ ꓫꓵꓽ ꓞꓲ ꓣꓳ ꓬꓲꓼ ꓡ ꓟ (sunday reflectio)

ꓛꓳꓽ ꓒꓯꓹ ꓫꓵꓽ ꓞꓲ ꓣꓳ ꓬꓲꓼ ꓡ ꓟ 

ꓖꓳ ꓫꓵꓽ ꓞꓲ ꓣꓳ ꓟ ꓠꓬ ꓠꓲꓹ ꓒꓴ ꓒꓴ ꓐꓰ ꓬꓲꓼ ꓡ ꓢꓲ ꓬꓰ-ꓢꓴ ꓔꓯ꓾ ꓢꓲ ꓒꓽꓳ꓾ ꓠꓴ ꓟꓬꓱ ꓗꓪ ꓐꓰ ꓠꓲꓽˍ ꓟꓲ ꓥꓪ ꓠꓴꓽ ꓙꓵꓽˍ ꓟ ꓔꓯ ꓛꓳˍ ꓡꓳ꓾ ꓐꓯˍ ꓡꓳ꓿ 18 ꓖꓳ ꓕꓯ ꓬꓲ ꓡꓰ ꓬꓲ ꓪꓽ ꓔꓯ꓾ ꓢ-ꓓꓯ ꓠꓬ ꓟꓲꓽ ꓐꓬꓱꓼ ꓤꓰꓽˍ ꓟ ꓡꓰ ꓐꓰ ꓟꓴꓽ ꓗꓪ ꓗꓪ ꓐꓰ ꓞꓰ ꓬꓯꓼ ꓡ ꓟ ꓔꓯ ꓥꓪ ꓟꓳꓻ ꓗꓷꓳ꓿ ꓠ ꓠꓹ꓾ ꓩꓴˍ ꓐꓰ ꓟꓲꓻ ꓙꓱꓼ ꓔꓯ ꓕꓳꓼ ꓠꓹ ꓟ ꓐꓰ ꓛꓴꓽ ꓙꓳ ꓢꓴ ꓪꓽ ꓠꓬꓲˍ ꓟ ꓮꓽ ꓙꓵ ꓔꓯ ꓧꓪꓸ ꓡꓰ ꓓꓴ ꓙꓵꓽ ꓪ ꓠꓬ ꓥꓪ ꓡꓰ ꓠꓴ ꓪꓽ ꓔꓯ ꓖꓶ ꓔ ꓡꓳ꓿ ꓮꓸ ꓫꓵ ꓡꓰ ꓥ ꓟꓲ ꓠꓴ ꓪꓽ ꓔꓯ ꓠꓻ ꓡꓰ ꓝꓲ ꓟꓽ ꓐ ꓡ꓿ 20 ꓖꓳ ꓡꓱ ꓥ ꓟꓲ ꓠꓲꓽ ꓠꓬ ꓠꓴ ꓪꓽ ꓙꓵꓽˍ ꓟ ꓔꓯ ꓛꓳˍ ꓟ ꓪꓴꓸ ꓠꓬꓲ ꓕꓽ ꓠꓲꓹ ꓒꓴ꓿ ꓠꓴ ꓪꓽ ꓟꓬꓱ ꓠꓽ ꓟꓴꓽ ꓗꓪ ꓗꓪ ꓐꓳ ꓔ ꓟ ꓪꓴꓸ ꓠꓬꓲ ꓠꓲꓹ ꓒꓴ꓾ ꓐꓯ ꓖꓶˍ ꓡꓳ꓿ 

NYI. NYI SI: XY ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓝꓲ ꓓꓴ ꓐꓴ ꓔꓯ ꓝꓲ. ꓩꓴ ꓗꓷ ꓢꓲ ꓠꓬꓲ ꓪꓴ‐ꓢ ꓶꓽ ꓓꓳ ꓫꓱ, ꓓꓳꓽ ꓚꓺ ꓟ. ꓖꓶ ꓠ, ꓟ ꓙꓰ ꓝꓲ ꓟ ꓥ ꓡꓳ꓿ ꓝꓲ ꓓꓴ ꓐꓴ ꓠꓬ ꓢ‐ꓓꓯ ꓐꓴ ꓬꓲ ꓪ ꓫ. ꓕꓱ ꓘꓶꓽ ꓔꓯ ꓠ, ꓠ ꓔ ꓡꓳ ꓐꓰ ꓢꓲꓺ ꓒ ꓬꓰ‐ꓢꓴ ꓔꓯ ꓐꓯ ꓖꓶ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓠꓴ ꓪ ꓔꓯ ꓢ‐ꓓꓯ ꓡꓰ ꓠꓴ ꓪ ꓐꓯ ꓘꓶꓽ ꓠ, ꓠ ꓟ ꓑꓶ. ꓓꓴ ꓕꓽ ꓠꓲ, ꓒꓴ꓿ ꓠꓴ ꓪ ꓟꓬꓱꓽ ꓔꓯ ꓟꓴ ꓗꓪ ꓗꓪ ꓐꓳ ꓔ ꓟ  ꓔꓯ ꓠꓲ, ꓒꓵ ꓐꓰ ꓐꓯ ꓖꓶ ꓔ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓠꓬ ꓣꓳ ꓓꓴ  ꓙ ꓚꓱ, ꓡꓰ ꓬꓰ ꓗꓴ ꓢꓴ ꓐꓴ ꓥ ꓡꓳ꓿ 

ꓠꓬꓲ. ꓠꓬꓲ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓛꓳ ꓢꓲ ꓠꓬꓲ ꓙꓰ ꓟ ꓟꓬꓱꓽ ꓬꓰ ꓠ, ꓟ ꓐꓯ ꓖꓶ ꓔ ꓡꓳ꓿ ꓮ ꓫꓵꓽ ꓬꓰ ꓥ ꓟꓲ ꓪꓴ‐ꓢ ꓐꓰ ꓕꓲ ꓛꓳ ꓙꓰ ꓠ, ꓟ ꓣꓳ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓖꓶ ꓔ ꓟ ꓥ ꓡꓳ꓿ ꓣꓳ ꓠꓲ, ꓟ ꓔꓯ ꓮ ꓕꓯ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓔꓯ ꓔꓬ ꓗꓴ ꓬꓲ ꓔꓶ. ꓖꓶ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿ ꓮ ꓘꓶˍ ꓫ. ꓟꓳ ꓪ ꓿