ꓓꓰˍ ꓠꓬꓲ ꓟꓶˍ ꓟ (sunday reflection)

ꓓꓰꓽˍ ꓠꓬ ꓟꓶˍ ꓟ 

ꓥꓪ ꓝꓮꓲ ꓠꓴ ꓪꓽ ꓔꓯ ꓐꓯ ꓖꓶˍ ꓠꓬꓲ꓾ ꓓꓰꓽ꓾ ꓖꓳ ꓡꓱ ꓠꓬ ꓠꓴ ꓪꓽ ꓔꓯ ꓖꓶ ꓡ ꓥꓳ꓿ ꓧꓪ꓾ ꓖꓳ ꓡꓱ ꓠꓬ ꓠꓴ ꓪꓽ ꓧꓪ ꓟꓶˍ ꓥꓳ꓿ ꓗ ꓘꓶꓽ ꓲ'ꓼ꓾ ꓖꓳ ꓡꓱ ꓠꓬ ꓠꓴ ꓪꓽ ꓔꓯ ꓒꓴ ꓖꓶ ꓡ ꓥꓳ꓿ 

10 ꓮ ꓡꓲꓳ ꓐꓯ ꓠꓬ ꓓꓰꓽ ꓢꓴ ꓠꓬ ꓓꓰꓽ ꓟꓶˍ ꓥꓳ꓿ ꓧꓪ ꓢꓴˍ ꓟꓲ ꓧꓪ ꓟꓶˍ ꓥꓳ꓿ ꓗ ꓘꓶꓽ ꓲ'ꓼ ꓢꓴ ꓔꓯ ꓠꓬ ꓒꓴ ꓖꓶ ꓡ ꓥꓳ꓿

 11 ꓠꓴ ꓪꓽ ꓗꓳ ꓡꓳ ꓗꓪ ꓐꓹ ꓐ ꓣꓱꓽ ꓢꓴ ꓕꓲ ꓣꓳ ꓔꓯ꓾ ꓬꓲ ꓤ ꓡꓰ ꓑ ꓑ ꓓꓰꓽ ꓡ ꓠꓬ꓾ Bꓸ ꓛꓲ ꓖꓶ ꓢꓴ ꓙꓳˍ ꓡ? ꓥꓪꓸ ꓓꓰꓽˍ ꓠꓬ꓾ ꓥꓪꓸ ꓪꓴꓸ ꓙꓴꓽ ꓩꓴꓻ ꓣꓴ ꓖꓶ ꓢꓴ ꓙꓳˍ ꓡ? 12 ꓮꓸ Bꓸ ꓩꓴ ꓓꓰꓽˍ ꓠꓬ꓾ ꓟꓲ ꓙꓱꓼ ꓖꓶ ꓢꓴ ꓙꓳˍ ꓡ? 13 ꓠꓴ ꓪꓽ ꓠꓬ ꓥꓶˍ ꓟ ꓡꓽ ꓞꓳ ꓥꓻ ꓥ ꓟꓲ꓾ ꓠꓴ ꓪꓽ ꓤ ꓠꓱ ꓐꓴ ꓔꓯ ꓙꓲꓻˍ ꓟ ꓖꓴꓽ ꓙꓴꓽ ꓖꓶ ꓠꓹ ꓟ ꓢꓷꓸˍ ꓠꓬ꓾ ꓟꓴꓽ ꓗꓪ ꓗꓪ ꓟ ꓠꓴ ꓪꓽ ꓐꓹ ꓐ ꓠꓽ ꓬꓲ ꓔꓯ ꓓꓰꓽ ꓢꓴ ꓔꓯ ꓠꓴ ꓪꓽ ꓢꓶꓸ ꓟꓽ ꓞꓲ ꓢꓲ-ꓫꓬ-ꓟ-ꓦ ꓖꓶ ꓡ ꓥꓳ꓾ ꓟꓽ ꓥ ꓡ?꓾ ꓐꓯˍ ꓡꓳ=

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓣꓳ ꓐꓴ ꓐꓼ ꓙ ꓗꓷ ꓟ ꓕꓯ ꓢꓲꓺ ꓒ ꓬꓰ‐ꓢꓴ ꓠꓬ ꓮ ꓡꓲ ꓪꓴ‐ꓢ ꓠꓯ ꓗꓪ ꓶ ꓓꓰꓽ ꓠ,  ꓐꓯ ꓟ. ꓖꓶ ꓟ ꓥ ꓡꓳ꓿ 

ꓣꓳ ꓟꓲ ꓠꓯ ꓡ ꓞꓳ ꓐꓴ ꓠꓬ ꓪꓴ‐ꓢ ꓠꓯ ꓗꓪ ꓪꓽ ꓘꓴ ꓕꓯ ꓟꓽ ꓠꓽ ꓠ ꓪꓽ ꓘꓴ ꓶ ꓓꓰꓽˍ ꓠ, ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓟ. ꓖꓶ ꓡ ꓟ ꓥ ꓡꓳ꓿ ꓮ ꓕꓯ ꓥ ꓟꓲ ꓢꓲꓺ ꓒ ꓠꓯ ꓗꓪ ꓶ ꓓꓰꓽ ꓪꓽ ꓘꓴ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓣꓳ ꓔꓯ ꓪꓴ‐ꓢ ꓣꓱ ꓛꓰ ꓡꓯ ꓫꓴ ꓮ ꓟꓬ, ꓖꓶ ꓡ ꓥꓳ ꓮ ꓘꓶˍ ꓫ. ꓟꓳ ꓪ꓿