Vatican II ꓖꓪ ꓙꓱꓻ ꓜꓲꓼ ꓓꓴ ꓚꓱꓹ (Question and Answer)

ꓘꓴ ꓜꓲꓼ ꓞꓳ ꓘꓴꓽ ꓗꓪ ꓰꓚꓴꓟꓰꓠꓲꓚꓮꓡ ꓚꓳꓴꓠꓚꓲꓡ ꓐꓯꓹ ꓟ ꓖꓪꓽ ꓙꓱ ꓜꓲꓼ ꓓꓴ ꓓꓽ ꓟ 21 ꓧꓪꓹ ꓬꓰ ꓡꓳꓹ ꓬꓲ ꓟ ꓕꓯ ꓡꓳꓸ ꓟꓳ ꓪ ꓓꓹ ꓡꓳ=  ꓖꓳ ꓡꓰ ꓥˍ ꓟꓲ ꓮꓓ-50 ꓘꓳꓼ ꓕꓯ ꓝꓲ ꓓꓴ ꓐꓴ ꓖꓪꓽ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓗꓷꓹ ꓟ ꓔꓯ ꓢꓪꓼ ꓥꓳ ꓐꓯꓹ ꓠꓬ 22 ꓧꓪꓹ ꓗꓷ ꓡꓰˍ ꓡꓳ= ꓕꓱ ꓟ ꓖꓪ ꓙꓱ ꓜꓲꓼ ꓓꓴ ꓓꓽ ꓟ 21 ꓟ ꓕꓯ ꓛꓳ ꓠꓬꓲ ꓠꓬ ꓮꓓ 325 ꓘꓳꓼ ꓕꓯ ꓠꓲꓚꓰꓮ ꓡꓳ ꓒꓱ ꓗꓪ ꓓꓽ ꓪꓴꓸ ꓖꓪ ꓙꓱꓹ ꓟ ꓗꓪ ꓐꓰ ꓢꓪꓼ ꓠꓬ ꓠꓬꓲꓽ ꓧꓪꓹ ꓕꓲꓽ ꓧꓪꓹ ꓟ ꓪ-ꓔꓲ-ꓗꓮꓠ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓓꓽ ꓗꓪ ꓛꓲ ꓠꓬ 21 ꓧꓪꓹ ꓕꓱ ꓡꓰ ꓬꓰ ꓗꓷ ꓟ ꓙꓳ ꓐꓶ= ꓕꓱ ꓡꓰ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓬꓰꓹ ꓕꓯ ꓠꓬ ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓒꓳꓹ ꓡꓶꓸ ꓔ ꓟ ꓮꓽ ꓟꓬ ꓕꓱ ꓡꓰ ꓓꓳ ꓡˍ ꓟ ꓥˍ ꓡꓳ= ꓠꓬꓲꓹ ꓠꓬꓲ ꓕꓲꓽ ꓞꓲꓼ ꓗꓪ ꓠꓬ ꓠꓬꓲꓽ ꓧꓪꓹ ꓪ-ꓔꓲ-ꓗꓮꓠ ꓖꓪ ꓙꓱ ꓜꓲꓼ ꓓꓴ ꓪꓴꓸ ꓠꓬꓲ ꓒꓳꓹ ꓡꓶꓸ ꓔ ꓟ ꓮꓽ ꓟꓬꓹ ꓕꓱ ꓡꓰ ꓒꓬꓱꓼ ꓡˍ ꓐꓶ=

 ꓠꓬꓲꓽ ꓧꓪꓹ ꓕꓲꓽ ꓧꓪꓹ ꓟ ꓪ-ꓔꓲ-ꓗꓮꓠ ꓖꓪ ꓙꓱ ꓜꓲꓼ ꓓꓴ ꓗꓪ ꓚꓳꓸ ꓠꓬ ꓘꓴ ꓜꓲꓼ ꓞꓳ ꓓꓵꓽ ꓙˍ ꓟ꓾ ꓘꓳꓹ ꓣꓴˍ ꓟ꓾ ꓬꓰꓹ ꓟ ꓟꓬꓱꓽ ꓮꓽ ꓟꓬꓹ ꓠꓬ ꓒꓳꓹ ꓡꓶꓸ ꓔ ꓟ ꓕꓱ ꓡꓰ ꓗꓷꓹ ꓓꓴ ꓟ ꓥ ꓪ= ꓪ-ꓔꓲ-ꓗꓮꓠ ꓲꓲ ꓔꓯ ꓠꓬ  1962 ꓘꓳꓼ 10 ꓦ ꓟ 11 ꓠꓬꓲ ꓕꓯ ꓔꓲꓺ ꓒꓽ ꓪ-ꓔꓲ ꓬꓳ-ꓦ ꓫꓫꓲꓲꓲ ꓡꓰ ꓖꓪ ꓙꓱ ꓜꓲꓼ ꓓꓴ ꓔꓯ ꓓꓽ ꓪꓴꓸ ꓖꓪ ꓙꓱ ꓔꓴ ꓡꓹ ꓟ ꓥ ꓢꓲ 1965 12 ꓦ ꓟ 8 ꓠꓬꓲ ꓕꓯ ꓢꓲ ꓔꓲ ꓒꓽ ꓪꓸ ꓔꓲ ꓒꓳ-ꓡꓳ ꓦꓲ ꓡꓯꓽ ꓒꓯꓼ ꓗꓪ ꓖꓪ ꓙꓱ ꓓꓳ ꓡꓰꓹ ꓟ ꓥˍ ꓡꓳ= ꓕꓱ ꓡꓰ ꓖꓪ ꓙꓱꓹ ꓟ ꓠꓯꓸꓼ ꓗꓪ ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓒꓳꓹ ꓡꓶꓸ ꓔ ꓟ ꓮꓽ ꓟꓬꓹ ꓕꓱ ꓡꓰ ꓗꓷ ꓡꓰꓹ ꓓꓴ ꓟ ꓥ ꓪ= ꓧꓶꓸ ꓕꓯꓽ ꓕꓲꓽ ꓞꓲꓼ ꓗꓪ ꓘꓳꓹ ꓣꓴꓹ ꓟ ꓓꓵꓽ ꓙˍ ꓟ꓾ ꓬꓰꓹ ꓟ ꓟꓬꓱ ꓮꓽ ꓟꓬꓹ ꓕꓱ ꓡꓰ ꓒꓳꓹ ꓡꓶꓸ ꓔ ꓟ ꓗꓷ ꓡꓰꓹ ꓓꓴ ꓟ ꓥ ꓪ= ꓧꓶꓸ ꓕꓯ ꓕꓲꓽ ꓞꓲꓼ ꓗꓪ ꓠꓬ ꓟꓬꓽ ꓠꓬꓲ ꓐꓶꓹ ꓠꓬꓲ ꓘꓴ ꓜꓲꓼ ꓞꓳ ꓠꓬ ꓘꓴ ꓜꓲꓼ ꓞꓳ ꓟꓬꓱꓽ ꓔꓯ ꓪꓴ ꓓꓵ ꓛꓹ ꓢꓲ ꓘꓴ ꓜꓲꓼ ꓞꓳ ꓚꓰꓹ ꓔ ꓡꓰꓽ ꓢꓲ ꓬꓰꓹ ꓟ ꓥ ꓪ= ꓖꓳ ꓡꓰ ꓥ_ ꓟꓲ ꓪ-ꓔꓲ-ꓗꓮꓠ ꓲꓲ ꓗꓪ ꓚꓳꓸ ꓠꓬ ꓝꓣꓰꓰꓓꓳꓟ ꓐꓯꓹ ꓟ ꓞꓳ ꓤꓽ ꓔꓯ ꓞꓳꓹ ꓕꓲ ꓔ ꓟ ꓠꓯꓸꓼ ꓗꓪ ꓚꓳꓸ ꓡꓰꓹ ꓙꓰ ꓠꓹ ꓟ꓾  ꓔꓱꓹ ꓚꓵꓹ ꓟ ꓢꓲꓺ ꓡꓲ ꓟ ꓐꓰ ꓠꓵ ꓠꓲꓹ ꓔꓯ ꓪꓴꓸ ꓓꓵ ꓛꓹ ꓢꓲ ꓞꓳ ꓤꓽ ꓕꓲꓽ ꓣꓳ ꓡꓱꓸꓼ ꓐꓱ ꓶ ꓪꓧꓳꓡꓰ ꓳꓝ ꓡꓲꓝꓰ ꓪꓧꓳꓡꓰ ꓳꓝ ꓧꓴꓟꓮꓠ ꓐꓯꓹ ꓟ ꓦ ꓐꓰ ꓧꓪꓽ ꓗꓳ ꓓꓱꓽ ꓐꓱ ꓶ  ꓢꓯꓼ ꓕꓵꓼ ꓠꓹ ꓟ ꓥˍ ꓡꓳ=