ꓢꓲꓽ ꓫꓬ ꓕꓳ ꓶ ꓚꓺ ꓟꓲꓽ ꓫꓵꓽ ꓕꓱ

ꓬꓲ ꓪꓴꓸ ꓠꓬꓲꓸ ꓓꓳ ꓡˍ ꓟ ꓢꓲꓽ ꓫꓬ ꓕꓳꓽ ꓶ ꓑꓷꓠ  

ꓮꓓ-1456 ꓘꓳꓼ ꓗꓪ ꓛꓲ ꓢꓲ ꓫꓬ ꓕꓳ ꓶ ꓔꓯ ꓬꓲꓸ ꓑꓷꓠ ꓟꓽ ꓠꓬꓲꓸ ꓓꓳ ꓡ ꓢꓲ-ꓸ ꓬꓲꓸ ꓑꓷꓠ ꓟꓽ ꓠꓬꓲꓸ ꓓꓳ ꓡꓹ ꓟ ꓬꓲꓸ ꓘꓴꓽ ꓕꓲꓽ ꓔꓴ ꓘꓳꓼ ꓖ ꓡꓯ ꓖ ꓙꓲ ꓗꓪ ꓢꓲ ꓫꓬ ꓕꓳ ꓶ ꓬꓲꓸ ꓡꓲꓺ ꓡꓰ ꓣꓱꓽ ꓢꓲ ꓶꓽ ꓥꓳꓽ ꓟꓬꓱꓽ ꓬꓰ ꓗꓷꓳ=

ꓗ ꓠꓯ ꓙ-ꓟꓶ-ꓠꓲ ꓗꓴꓷꓼ ꓟꓮꓲꓠꓜ (ꓟꓲꓹ-ꓢꓲꓽ) ꓡꓳ ꓒꓱ ꓗꓪ ꓔꓬ ꓟ ꓗ-ꓕꓳ-ꓡꓲ ꓢꓲ ꓤ (Johann Gutenberg) ꓖꓴ-ꓔꓲ-ꓐꓼ ꓠꓬ (ꓡꓮꓔꓲꓠ) ꓡ-ꓔꓲꓠ ꓥꓳꓽ ꓗꓪ ꓐꓰ ꓓꓽ ꓪꓴꓸ ꓬꓲꓸ ꓑꓷꓠ ꓠꓬꓲꓸ ꓓꓳ ꓡꓺꓳ=

ꓗꓸ ꓠꓯ ꓮꓓ-1456-1520 ꓘꓳꓼ ꓬꓲꓸ ꓘꓴꓽ ꓗꓪ ꓡꓮꓔꓲꓠ ꓥꓳꓽ ꓗꓪ ꓐꓰ ꓝꓮꓲ 100 ꓧꓪꓹ ꓠꓬꓲꓸ ꓓꓳ ꓡꓺꓳ=

ꓗꓸ ꓠꓯ ꓙ-ꓟꓯ ꓥꓳꓽ ꓗꓪ ꓐꓰ 27 ꓧꓪꓹ꓾ ꓲ-ꓔ-ꓡꓲ ꓥꓳꓽ ꓗꓪ ꓐꓰ 25 ꓧꓪꓹ ꓠꓬꓲꓸ ꓓꓳ ꓡꓰꓳ= ꓐꓱ ꓧꓹ ꓙꓰ ꓟ ꓟꓽ ꓙꓳ ꓟ ꓬꓲꓸ ꓘꓴꓽ ꓗꓪ ꓘꓴ ꓜꓲꓼ ꓞꓳ ꓡꓰ 626 ꓧꓪꓹ ꓢꓲ ꓫꓬ ꓕꓳ ꓶ ꓠꓬꓲꓸ ꓓꓳ ꓡꓰꓳ=

ꓗꓸ ꓠꓯ 1522 ꓘꓳꓼ ꓗꓪ ꓔꓲꓺ ꓒ ꓟ-ꓔꓲ-ꓡꓴ-ꓔꓷ ꓠꓬ ꓘꓶꓽ ꓫꓵꓽ ꓫꓵꓼ ꓕꓳ ꓶ ꓔꓯ ꓙ-ꓟꓶ-ꓠꓲ ꓥꓳꓽ ꓗꓪ ꓒꓳꓹ ꓡꓶꓸ ꓢꓲ ꓣꓱꓽˍ ꓡꓳ= ꓢꓲꓽ ꓫꓬ ꓕꓳ ꓶꓽ ꓚꓺ ꓟꓲꓽ ꓐꓴ ꓠꓬ ꓕꓱ ꓕꓲ ꓘꓴ ꓗꓪ ꓐꓯ ꓡꓳꓹ ꓬꓰꓳ=