Crusade ꓢꓰꓼ ꓡꓯ ꓘꓳ ꓟ 3 ꓧꓪ ꓚꓺ ꓟꓲꓽ

Crusade ꓢꓰꓼ ꓡꓯ ꓘꓳ ꓟ 3 ꓧꓪ ꓚꓺ ꓟꓲꓽ

Crusade ꓢꓰꓼ ꓡꓯ ꓘꓳ ꓟ ꓮ ꓫꓵꓽ ꓑꓶ. ꓓꓴ ꓒꓬꓱꓽ ꓡ ꓥ ꓐꓯ ꓠꓬ ꓦꓻ ꓡꓱ ꓢꓴ ꓟꓵꓽ ꓥ ꓟ ꓙꓱ‐ꓣꓴ‐ꓢ‐ꓡꓱ ꓔꓯ Muslim ꓐꓴ ꓡꓰ ꓓꓶꓽ ꓔꓯ ꓙꓰˍ ꓟ ꓪꓴ. ꓠꓬꓲ ꓒꓬꓱꓼ ꓡ ꓟ ꓫꓵꓽ ꓪꓴꓽ ꓥ ꓡꓳ꓿ Crusade ꓢꓰꓼ ꓡꓯ ꓘꓳ ꓟ 3 ꓧꓪ ꓔꓯ ꓠꓬ (King’s Crusade) ꓐꓰ ꓘꓴ ꓟ ꓥ ꓡꓳ꓿ Muslim ꓪ ꓔꓲ Saladin ꓡꓯ ꓒꓯ ꓗꓪ ꓐꓰ ꓙꓱ‐ꓣꓴ‐ꓢ‐ꓡꓱ ꓟꓵꓽ ꓔꓯ ꓝꓮꓲ ꓣꓴ ꓠ, ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓟꓵꓽ ꓮ ꓟꓬ ꓔꓯ ꓧꓪ. ꓡꓰ ꓥ ꓟꓲ ꓙꓱ‐ꓣꓴ‐ꓢ‐ꓡꓱ ꓟꓵꓽ ꓔꓯ ꓠꓬ Muslim ꓪ ꓔꓲ  Saladin ꓟꓯꓼ ꓮ ꓟꓬ ꓜꓴꓻ ꓡꓰ ꓓꓶꓽ ꓙ ꓟ ꓪꓴ. ꓠꓬꓲ ꓟꓽ ꓧꓪ ꓡꓰꓳ꓿

1189 ꓘꓳꓼ ꓔꓯ England ꓪ ꓔꓲ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰ ꓕꓯ (Richard the Lion Heart ) ꓠꓬ England ꓗꓴꓷꓼ ꓟꓯꓼ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓗꓷꓳ꓿ Richard ꓠꓬ ꓣꓳ‐ꓟ ꓟꓯꓼ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓢꓴ (Frederick Barbarossa)  ꓐꓰ ꓔ ꓡꓯ ꓘꓳ ꓢꓲ ꓠꓬꓲ Holy land ꓐꓯ ꓟ ꓢꓲꓽ ꓫꓬ ꓟ ꓟꓵꓽ ꓙꓱ‐ꓣꓴ‐ꓢ‐ꓡꓱ ꓟꓵꓽ ꓗꓪ ꓛꓲ ꓟꓯꓼ ꓓꓶꓽ ꓠ, ꓟ ꓡ ꓗꓷꓳ ꓖꓳ ꓡꓱ ꓥ ꓟꓲ ꓙꓱ‐ꓣꓴ‐ꓢ‐ꓡꓱ ꓗꓪ ꓛꓲ ꓟꓽ ꓛꓲ ꓡ꓿

Crusade ꓟꓯꓼ ꓐꓴ ꓠꓬ ꓟꓯꓼ ꓓꓶꓽꓰ ꓠ, ꓟ ꓠꓲ, ꓟ ꓟꓽ ꓐ ꓟ ꓪꓴ. ꓠꓬꓲ ꓟꓯꓼ ꓒ ꓮ ꓟꓬ, ꓦꓲꓻ ꓗꓰ ꓡ ꓙꓰꓳ꓿ Crusade ꓟꓯꓼ ꓜꓴꓻ ꓡꓰ ꓧꓪ. ꓡꓰ ꓟ ꓟꓵꓽ ꓕꓲ ꓐꓱ ꓙꓳ ꓡꓳ꓿ ꓖꓳ ꓡꓰ ꓥ ꓟꓲ ꓑ ꓫꓬ ꓐꓴ ꓠꓬ ꓟꓯꓼ ꓢꓰꓼ ꓡꓯ ꓘꓳˍ ꓟ  ꓔꓯ ꓟꓽ ꓠꓲ, ꓫꓵˍ ꓟ ꓚꓱ, ꓮ ꓟꓬ ꓙꓳ ꓡꓳ꓿ ꓟꓯꓼ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓥ ꓟꓲ ꓟꓽ ꓔꓱ ꓟ ꓟꓬꓱꓽ ꓮ ꓟꓬ, ꓬꓰ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓟꓽ ꓠꓲ, ꓫꓵˍ ꓡꓳ꓿

Richard the Lion Heart ꓟꓯꓼ ꓜꓴ ꓔꓯ Muslim ꓟꓯꓼ ꓐꓴ ꓠꓬ ꓧꓪ. ꓟꓽ ꓘꓴ ꓟ ꓪꓴ. ꓠꓬꓲ Muslim ꓟꓵꓽ ꓮ ꓟꓬ ꓔꓯ ꓧꓪ. ꓡꓰꓳ꓿ 1192 ꓘꓳꓼ 9 ꓦ 2 ꓠꓬꓲ ꓕꓯ Muslim ꓪ ꓔꓲ Saladin ꓐꓰ Richard ꓐꓴ ꓧꓪꓽ ꓡꓯ ꓘꓳ ꓠ, ꓟ ꓕꓳ ꓶ ꓐꓳ ꓔꓲ, ꓗꓷꓳ꓿ ꓕꓱ ꓕꓳ ꓶ ꓗꓪ ꓙꓱ‐ꓣꓴ‐ꓢ‐ꓡꓱ ꓗꓪ ꓦꓻ ꓡꓱ ꓢꓴ ꓮꓽ ꓟ ꓥ ꓟꓲ ꓙꓱ‐ꓢꓴ‐ꓢꓡꓱ ꓗꓪ ꓪꓽ ꓘꓴ ꓓ ꓡꓳ ꓐꓰ Muslim ꓐꓴ ꓡꓰ ꓐꓯ ꓔ ꓡꓳ꓿ Richard 1192 ꓘꓳꓼ 10 ꓦ 9 ꓠꓬꓲ ꓕꓯ ꓙꓱ‐ꓣꓴ‐ꓢ‐ꓡꓱ ꓗꓪ ꓐꓰ ꓡ ꓙꓰꓳ꓿