ꓢꓲꓽ ꓫꓬ ꓔꓱ ꓕˍ ꓟ (Sunday reflection)

ꓟꓬꓱ ꓓꓳꓽ ꓧꓪˍ ꓟ ꓪꓰ ꓤ ꓔꓯ ꓥꓳꓽ 

ꓪꓰ ꓤ ꓐꓴ ꓠꓬ ꓞꓳ ꓪꓴꓽ ꓠꓬꓲꓸ ꓠꓸ ꓖꓴ ꓔꓯ ꓢꓲ ꓣꓴꓻˍ ꓟ ꓔꓯ ꓬꓰ-ꓢꓴ ꓟꓳꓻˍ ꓕꓯ꓾ ꓔꓯ ꓥꓳꓽ ꓡꓰ ꓬꓲ ꓪꓽ ꓔꓯ ꓕꓱ ꓡꓱ ꓐꓯ ꓖꓶˍ ꓡꓳ꓿ ⁸ ꓠꓴ ꓪꓽ ꓔꓯ ꓤ ꓟꓶꓻ ꓝꓱ ꓑꓮꓲꓽ ꓗꓪ ꓢꓴ ꓡꓰ ꓘꓴꓻ ꓡ ꓕꓯ꓾ ꓞꓳ ꓪꓴꓽ ꓞꓳ ꓔꓲ ꓐꓴ ꓠꓬꓲꓸ ꓠꓸ ꓖꓴ ꓗꓪ ꓕꓽ ꓠꓬꓲꓸ ꓠꓸ ꓬꓰ꓿ ꓟꓽ ꓥ ꓠꓬ ꓦꓲ ꓢꓲ ꓒꓽ ꓡꓰ ꓠꓴ ꓢꓶꓸ ꓟꓽ ꓞꓲ ꓒꓵꓽˍ ꓟ ꓕꓲ ꓣꓳ ꓘꓴ ꓔ ꓟ ꓙꓳ ꓢꓲ꓾ ⁹ ꓠꓴˍ ꓐꓰ ꓖꓳ ꓕꓲ ꓣꓳ ꓔꓯ ꓘꓴ ꓢꓴ ꓡ ꓢꓲ ꓠꓴ ꓔꓯ꓾ ꓕꓱ ꓕꓲ ꓣꓳ ꓔꓯ ꓠꓬꓲꓸ ꓠꓸ ꓖꓴ ꓙꓵ ꓖꓶ ꓟꓴꓽ꓾ ꓐꓰ ꓐꓯ ꓡ ꓠꓬ꓾ ꓠꓴ ꓠꓽ ꓟꓽ ꓒꓵꓽ ꓟ ꓠꓬꓲꓸ ꓠꓸ ꓖꓴ ꓗꓪ ꓫꓸ ꓔꓳ ꓔꓳˍ ꓐꓰ ꓬꓯꓼ ꓙꓰ ꓠ ꓗꓷ ꓡꓰˍ ꓥꓳ꓿ ¹⁰ ꓢꓴ ꓡꓰ ꓠꓴ ꓔꓯ ꓘꓴ ꓡ ꓕꓯ꓾ ꓟꓽ ꓒꓵˍ ꓟ ꓠꓬꓲꓸ ꓠꓸ ꓖꓴ ꓗꓪ ꓧꓶꓸ ꓕꓯꓽ ꓠꓬꓲꓸ ꓠꓸ꓿ ꓖꓳ ꓡꓱ ꓠꓬ ꓠꓴ ꓔꓯ ꓘꓴ ꓢꓴ ꓛꓲ ꓡ ꓕꓯ꓾ ꓗꓪ ꓛꓳꓽꓳ꓾ ꓖꓼ ꓑꓳꓸ ꓟꓴˍ ꓟ ꓗꓪ ꓠꓬꓲꓸ ꓠꓸ ꓡꓯ꓾ ꓐꓰ ꓠꓴ ꓔꓯ ꓐꓯ ꓖꓶ ꓡ ꓥꓳ꓿ ꓖꓳ ꓕꓯ ꓠꓴˍ ꓐꓰ ꓕꓲꓽ ꓪꓺꓼ ꓜ ꓜꓽˍ ꓐꓰ ꓠꓬꓲꓸ ꓠꓸ ꓔꓬ ꓢꓴ ꓮꓽ ꓙꓵ ꓟꓲꓽ ꓙꓬ ꓗꓪ ꓠꓴ ꓠꓬ ꓟꓬꓱ ꓓꓳꓽ ꓙꓳˍ ꓥꓳ꓿ ¹¹ ꓮ ꓡꓲꓳ ꓐꓯ ꓠꓬ ꓬꓲ ꓚꓲꓸ ꓛꓬ ꓔꓯ ꓓꓳꓹ ꓟꓴ ꓢꓴ ꓥ ꓕ ꓑꓳꓸ ꓠꓬ ꓱ'ꓺ ꓡꓰˍ ꓥꓳ꓿ ꓚꓲꓸ ꓛꓬ ꓔꓯ ꓙꓻ ꓣꓳꓽ ꓡꓰ ꓝꓲ ꓢꓴ ꓠꓽ ꓓꓳꓹ ꓟꓴˍ ꓟ ꓟꓶˍ ꓥꓳ꓾ ꓐꓯˍ ꓡꓳ꓿ ¹² ꓖꓳ ꓗꓸ ꓠꓯꓸ ꓬꓰ-ꓢꓴ ꓡꓰ ꓬꓲ ꓔꓯ ꓘꓴ ꓢꓴ ꓦꓲ ꓢꓲ ꓒꓽ ꓔꓯ꓾ ꓠꓴ ꓠꓬ ꓢꓴꓻ ꓔꓯ ꓜ ꓘꓴꓻ ꓖꓶ ꓜꓽˍ ꓕꓯ꓾ ꓥ ꓠꓬ ꓟꓶꓼ ꓘꓶꓼ ꓜ ꓫꓬꓹ ꓖꓶ ꓜꓽ ꓕꓯ꓾ ꓠꓴ ꓗꓪ ꓛꓳꓽ ꓐꓴ ꓔꓯ ꓥ ꓟꓲ꓾ ꓠꓴ ꓬꓲꓼ ꓠꓴ ꓠꓬꓲ ꓐꓴ ꓔꓯ ꓥ ꓟꓲ꓾ ꓠꓴ ꓫꓵꓽ ꓠꓴ ꓧꓪ ꓐꓴ ꓔꓯ ꓥ ꓟꓲ꓾ ꓜꓽ ꓓꓴ ꓓꓳꓻ ꓓꓴ ꓙꓳˍ ꓟ ꓠꓶꓽ ꓛꓳ ꓕꓲꓺ ꓛꓳ ꓐꓴ ꓔꓯˍ ꓟꓲ ꓕꓽ ꓘꓴ꓿ ꓟꓽ ꓥ ꓠꓬ ꓬꓲ ꓪꓽˍ ꓟꓲ ꓠꓴ ꓔꓯ ꓘꓴꓻ ꓚꓱꓹ ꓖꓶ ꓜꓽ ꓡ ꓥꓳ꓿ 

^{ꓢꓲꓺ ꓒ ꓬꓰ‐ꓢꓴ ꓠꓬ ꓒ‐ꓡꓲ‐ꓢꓷ ꓐꓴ ꓦꓲꓻ ꓗꓪ ꓜꓽ ꓜ ꓠ, ꓟ ꓙꓰ ꓕꓯ ꓞꓳ ꓪꓴꓽ ꓔꓬ ꓖꓴ ꓗꓪ ꓪꓰ ꓤ ꓐꓴ ꓔꓬ ꓟ ꓔꓯ ꓡꓳ. ꓟꓳ ꓕꓯ ꓮ ꓡꓰ ꓐꓰ ꓬꓰ ꓠ, ꓟ ꓐꓯ ꓟ. ꓖꓶ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓟꓲ ꓠꓯ ꓡ ꓞꓳ ꓐꓴ ꓠꓲ, ꓟ ꓗꓪ ꓮ ꓡꓰ ꓓꓴ ꓙ ꓗꓴ ꓟ ꓔꓯ ꓢꓷ. ꓟ ꓪꓴ. ꓠꓬꓲ ꓑꓮꓲ ꓗꓪ ꓘꓴ ꓡ ꓕꓯ ꓮ ꓡꓰ ꓐꓰ ꓔꓬ ꓠ, ꓟ ꓐꓯ ꓟ ꓖꓶ ꓗꓷꓳ꓿ ꓣꓳ ꓔꓯ ꓥ ꓟꓲ ꓟꓲ ꓠꓯ ꓕꓯ ꓢꓲ ꓣꓳ ꓟꓬꓱꓽ ꓮ ꓫꓵꓽ ꓬꓰ ꓥ ꓟꓲ ꓠꓵꓻ ꓠꓲ, ꓣꓱ ꓢꓲ ꓙꓽ ꓣꓳ ꓟ ꓠꓲ, ꓟ ꓣꓱ ꓠ, ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓞꓳ ꓙꓳ ꓢꓯ. ꓔꓬ ꓟ ꓙꓵ, ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓔꓯ ꓟ. ꓖꓶ ꓡ ꓟ ꓚꓱ, ꓔꓯ ꓞꓳ ꓫꓱ ꓢꓲ ꓠꓬꓲ ꓞꓳ ꓙꓳ ꓢꓯ. ꓔꓬ ꓓꓴ ꓬꓰ ꓡꓯ ꓐꓯ ꓢꓯꓼ ꓖꓶ ꓩꓴ ꓡ ꓥꓳ ꓫ. ꓟꓳ ꓪ꓿}