ꓚꓵꓺ ꓔ ꓐ ꓡ ꓫꓵꓽ ꓕꓲꓽ ꓫꓵꓽ ꓡꓰꓸ ꓟꓽ ꓙꓳ

Monday, September 19, 2022

ꓢꓲ ꓒ ꓬꓰ-ꓢꓴ ꓠꓬꓲꓸ ꓠꓬꓲ ꓣꓳꓽ ꓔꓯ ꓐꓯ ꓖꓶꓽ ꓡ ꓟ ꓠꓬ꓾ ꓬꓲꓸ ꓗꓸ ꓠꓯꓸ ꓛꓳ ꓢꓴ ꓮ ꓙꓵꓽ ꓠꓬ ꓔꓱ ꓔꓱ ꓙꓳ ꓙꓳ ꓡꓰ ꓛꓳ ꓫꓱꓽ ꓠꓹ ꓟ ꓣꓳꓽ ꓔꓯ ꓐꓯ ꓖꓶꓽ ꓡ  ꓡꓳ= ꓖꓳ ꓡꓱ ꓬꓰˍ ꓕꓯ ꓢꓴ ꓡꓰ ꓣꓳꓽ ꓬꓰˍ ꓟ ꓔꓯ ꓟꓳˍ ꓕꓯ ꓐꓹ ꓐ ꓔꓯˍ ꓟꓲ ꓟꓳ ꓥꓳ ꓐꓰ ꓐꓯ ꓠꓲꓹ ꓫꓵˍ ꓟ ꓥ ꓡꓳ= ꓣꓳ ꓠꓬ ꓢꓲ ꓒ ꓬꓰ-ꓢꓴ ꓐꓯ ꓘꓶꓽ ꓔꓯ ꓛꓳˍ ꓕꓯ꓾ ꓬꓲꓸ ꓐꓯ ꓘꓶꓽ ꓠꓻ ꓠꓻ ꓕꓯ ꓣꓳꓽ ꓠꓬ ꓟꓬꓺ ꓡꓴꓺˍ ꓡꓰ ꓐꓰ ꓡꓬꓸ ꓡ ꓥꓳ= ꓖꓳ ꓟ  ꓔꓯ ꓮ ꓟꓽ ꓥˍ ꓟꓲ ꓚꓵꓺ ꓟꓽ ꓐ ꓡ= ꓮ ꓟꓽ ꓥˍ ꓟꓲ ꓑꓲꓸ ꓟꓽ ꓐ ꓡ= ꓖꓳ ꓡꓱ ꓠꓬꓲ ꓣꓳ ꓟꓲ ꓠꓯꓺ ꓞꓳ ꓤ ꓐꓴ ꓣꓳꓽ ꓬꓰˍ ꓟ ꓣꓳꓽ ꓓꓵꓽ ꓙ ꓟ ꓮ ꓙꓵꓽ ꓢꓲ ꓒ ꓠꓲꓹ ꓡꓶ ꓥ ꓡ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓡꓯ= ꓢꓲ ꓒ ꓡꓰ ꓡꓯ ꓫꓴ ꓐꓯ ꓟ ꓠꓬ꓾ ꓙꓳ ꓢꓴ ꓔꓯ ꓠꓬ ꓬꓲꓸ ꓔꓯ ꓝ ꓢꓲ ꓖꓶꓽ ꓥꓳ ꓟꓽ ꓙꓳ ꓢꓴ ꓔꓯ ꓠꓬ ꓬꓲꓸ ꓔꓯ ꓙꓳˍ ꓟ ꓡꓰꓸ ꓠ ꓮ ꓙꓵꓽ ꓣꓴ ꓔꓯꓹ ꓙꓰˍ ꓥꓳ ꓐꓰ ꓐꓯ ꓡꓳ=  ꓐꓯ ꓠꓲꓹ ꓫꓵˍ ꓟ ꓠꓬ ꓣꓳ ꓢꓲ ꓒ ꓐꓯ ꓘꓶꓽ  ꓢꓯꓼ ꓕꓵꓼ ꓛꓳ ꓙꓰˍ ꓕꓯ ꓣꓳꓽ ꓔꓯ ꓪ ꓙꓲ ꓶ ꓤ ꓫꓱꓹ ꓤ ꓖꓶꓽ ꓡ ꓟ ꓡꓰ ꓐꓰ ꓣꓳꓽ ꓠꓬ ꓢꓲ ꓒ ꓡꓰ ꓗꓷ ꓶ ꓡꓰˍ ꓕꓯ ꓣꓱꓽ ꓛꓰꓽ ꓪ ꓙꓲ ꓒꓲꓼ ꓬꓰˍ ꓥꓳ ꓐꓰ ꓐꓯ ꓟ ꓥˍ ꓡꓳ=

Add new comment

1 + 0 =

Quick Links