ꓮ ꓣꓳ ꓒꓲꓼ ꓬꓰ ꓟ ꓔꓯ ꓥꓳꓽ (Sunday reflection)

ꓮ ꓣꓳ ꓒꓲꓼ ꓬꓰ ꓟ ꓔꓯ ꓥꓳꓽ 

ꓝꓲꓸ ꓫ ꓢꓴˍ ꓐꓰ ꓝꓴꓲ ꓙꓳ ꓢꓴ ꓐꓴ ꓠꓬ꓾ ꓬꓰ-ꓢꓴ ꓟꓸ ꓟꓲꓽ ꓚˍ ꓟ ꓔꓯ ꓠ ꓠꓹ ꓠꓹ ꓟ ꓮꓽ ꓙꓵ ꓜꓲꓼ ꓡ ꓡꓳ꓿  ꓖꓳ ꓡꓱ ꓠꓬ ꓒ-ꓡꓲ-ꓢꓷ ꓐꓴ ꓐꓰ ꓙꓵꓽ ꓗ ꓟꓸ ꓒꓽ ꓐꓴ ꓠꓬ꓾ ꓬꓰ-ꓢꓴ ꓕꓱ ꓕꓲ ꓣꓳ ꓠꓽ ꓝꓴꓲ ꓙꓳ ꓢꓴ ꓔꓯ ꓘꓳꓻ ꓣꓴ ꓢꓲ꓾ ꓬꓲ ꓪꓽ ꓐꓰ ꓕꓲꓽ ꓪꓺꓼ ꓜ ꓜꓽˍ ꓡꓳ꓾ ꓐꓰ ꓱ'ꓽ ꓠꓱꓽˍ ꓡꓳ꓿ 3 ꓬꓰ-ꓢꓴ ꓠꓬ ꓬꓲ ꓪꓽ ꓔꓯ ꓔꓯꓺ ꓥꓳꓽ ꓕꓱ ꓡꓱ ꓕꓲ ꓟ ꓐꓯ ꓖꓶˍ ꓡꓳ꓿ 4 ꓠꓴ ꓪꓽ ꓗꓪ ꓟ ꓡꓽ ꓞꓳ ꓕꓲ ꓣꓳ꓾ ꓮ ꓣꓳ ꓕꓲ ꓦꓬꓻ ꓟ ꓙꓳ ꓢꓲ ꓕꓲ ꓟ ꓒꓲꓼ ꓬꓰ ꓐꓷˍ ꓠꓬ꓾ ꓗꓴꓺ ꓞꓲ ꓗꓴ ꓟ ꓔꓯ ꓡꓲ ꓛꓲ ꓗꓪ ꓗꓶ ꓔꓸ ꓬꓰ ꓢꓲ꓾ ꓒꓲꓼ ꓬꓰ ꓟ ꓖꓳ ꓕꓲ ꓟ ꓔꓯ ꓟꓽ ꓧꓪ ꓟꓶ ꓕ ꓑꓳꓸ ꓧꓪ ꓙꓰˍ ꓡꓳ ꓟꓽ ꓥ ꓡ? 5 ꓧꓪ ꓟꓶ ꓗꓷ ꓠꓬ ꓬꓲ ꓠꓽ ꓮ ꓣꓳ ꓔꓯ ꓡꓯꓼ ꓒꓶ ꓗꓪ ꓑꓱꓸ ꓔ ꓢꓲ ꓗꓹ ꓛꓲꓽˍ ꓥꓳ꓿ 6 ꓖꓳ ꓡꓱ ꓢꓲ ꓬꓲ ꓦꓲ ꓗꓪ ꓬꓲꓼ ꓛꓲ ꓡ ꓠꓬ ꓬꓲ ꓗꓪ ꓛꓳꓽˍ ꓐꓰ ꓠꓶꓽ ꓛꓳ ꓕꓲꓺ ꓛꓳ ꓐꓴ ꓔꓯ ꓘꓴꓻ ꓜꓲꓼ ꓡ ꓢꓲ ꓠꓬꓲ꓾ ꓥꓪ ꓮ ꓣꓳ ꓒꓲꓼ ꓬꓰ ꓟ ꓠꓬ ꓧꓪ ꓟꓶ ꓡꓰꓳ꓿ ꓖꓳ ꓡꓱ ꓠꓬꓲ ꓥꓪˍ ꓐꓰ ꓕꓲꓽ ꓡꓰꓹꓼ ꓗꓹ ꓛꓲ ꓡꓯ꓾ ꓐꓰ ꓐꓯˍ ꓥꓳ꓿ 7 ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓖꓳ ꓟ ꓡꓰ ꓐꓰ ꓝꓴꓲ ꓙꓳ ꓢꓴ ꓕꓲ ꓣꓳ ꓓꓵꓽ ꓙ ꓒꓳꓹ ꓬꓲꓼ ꓡ ꓠꓬ꓾ ꓒꓳꓹ ꓬꓲꓼ ꓡ ꓟꓽ ꓛꓵ ꓟ ꓔꓱꓹ ꓜꓳꓽ ꓢꓴ ꓗꓴꓺ ꓞꓲ ꓗꓴ ꓣꓳ ꓟ ꓑꓶꓸ ꓓꓴ ꓢꓶꓸ ꓟꓽ ꓞꓲ ꓟꓴꓽ ꓗꓪ ꓕꓯꓽ ꓢꓲ ꓗꓪ ꓗꓹ ꓛꓲˍ ꓟ ꓙꓳˍ ꓥꓳ꓾ ꓐꓯˍ ꓡꓳ꓿

ꓠꓬꓲ. ꓠꓬꓲ ꓗꓪ ꓣꓳ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓠꓬ ꓝꓴꓲ ꓙꓳ ꓢꓴ ꓔꓯ ꓠꓲ, ꓠꓵꓻ ꓠ, ꓟ ꓣꓳ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓣꓳ ꓐꓴ ꓔꓬ ꓔꓯ ꓝꓴꓲ ꓙꓳ ꓢꓴ ꓔꓯ ꓮ ꓡꓰ ꓐꓴ ꓬꓰ ꓙ ꓙꓳ ꓙ ꓠ,ꓟ ꓐꓰ ꓝꓴꓲ ꓙꓳ ꓢꓴ ꓒꓳ ꓡꓲ ꓡ ꓠ, ꓟ ꓬꓰ ꓙ ꓠ, ꓟ ꓟ. ꓖꓶ ꓔ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓔꓯ ꓠ, ꓡꓳ ꓢꓲ ꓠꓬꓲ ꓟꓶ ꓡꓰ ꓟ ꓮ ꓣꓳ ꓡꓰ ꓟ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓙꓰ ꓡꓯ ꓫ. ꓟꓳ ꓪ꓿