ꓔ ꓟꓽ ꓩꓴ. ꓓꓲ ꓢꓴ ꓞꓲ ꓣꓳ ꓓ ꓡꓰˍ ꓟ (Sunday reflection)

ꓔ ꓟꓽ ꓩꓴ. ꓓꓲ ꓢꓴ ꓞꓲ ꓣꓳ ꓓ ꓡꓰˍ ꓟ (Sunday reflection)

ꓬꓲ ꓪꓽ ꓗꓪ ꓟ ꓕꓲ ꓣꓳ ꓠꓬ ꓬꓲ ꓓꓻ ꓡꓰˍ ꓟ ꓔꓯ ꓟꓳꓻˍ ꓕꓯ ꓚꓱꓹ ꓬꓲꓼ ꓡ ꓢꓲ꓾ ꓢꓯꓼ ꓓꓽ ꓟ ꓡꓰ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓢꓲ ꓠꓬꓲ꓾ 16 ꓬꓰ-ꓢꓴ ꓟꓲꓽ ꓙꓬ ꓗꓪ ꓟꓳꓼ ꓡꓰ ꓢꓲ ꓬꓲ ꓔꓯ ꓫꓸ ꓟꓳˍ ꓡꓳ꓿ ꓕꓱ ꓕꓲ ꓣꓳ ꓠꓬ ꓢ-ꓟ-ꓡꓲ ꓡꓽ ꓞꓳ ꓥ ꓡꓳ꓿ 17 ꓬꓰ-ꓢꓴ ꓡꓰ꓾ ꓓꓻ ꓡꓰ ꓢꓴ ꓠꓬ ꓞꓲ ꓣꓳ ꓟꓽ ꓥ ꓡ? ꓠꓱꓸ ꓐꓯꓼ ꓗꓴꓸ ꓣꓳ ꓟ ꓮ ꓡꓲ ꓗꓪ ꓙꓰ ꓗꓷ ꓡ? 18 ꓐꓶꓽ ꓞꓳ ꓕꓱ ꓕꓲ ꓣꓳ ꓟꓽ ꓥ ꓠꓬ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓠꓹ ꓟ ꓚꓱꓹ ꓬꓲꓼ ꓡ ꓢꓴ ꓟꓽ ꓙꓳ ꓡ?꓾ ꓐꓯˍ ꓡꓳ꓿ 19 ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓔꓴ ꓢꓲ ꓙꓰ Gꓽ꓿ ꓠꓴ ꓙꓵꓻ ꓠꓲꓹ ꓡꓰ ꓠꓴ ꓔꓯ ꓓꓻ ꓡꓰ ꓝꓲꓳ꓾ ꓐꓯ ꓖꓶˍ ꓡꓳ꓿ 20 ꓕꓲ ꓧꓪꓹ ꓙꓳˍ ꓠꓬ ꓒ-ꓡꓲ-ꓢꓷ ꓐꓴ ꓡꓰ꓾ ꓪꓴ-ꓢ ꓗꓴꓷꓼ ꓮ ꓕꓯꓽ ꓕꓲ ꓝꓲꓸ ꓗꓪ ꓛꓲ ꓡ ꓥꓳ ꓪ?꓾ ꓐꓰ ꓠ ꓠꓬꓲ ꓡ ꓠꓬꓲ꓾ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓪꓴ-ꓢ ꓗꓴꓷꓼ ꓛꓲ ꓡ ꓟ ꓠꓬ ꓟꓬ ꓢꓶꓽ ꓡꓰ ꓟꓳꓻ ꓓꓻ ꓡꓳ ꓫꓵ ꓟꓽ ꓥ꓿

ꓠꓬꓲ. ꓠꓬꓲ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓔ ꓟꓽ ꓩꓴ. ꓓꓲ ꓢꓴ ꓞꓲ ꓣꓳ ꓔꓯ ꓠꓻ ꓫꓬ, ꓖꓶ ꓟ ꓥ ꓡꓳ꓿ ꓣꓳ ꓔꓯ ꓠꓬꓲ. ꓠꓬꓲ ꓟ ꓖꓶ ꓡ ꓟ ꓚꓱ, ꓠꓬ ꓣꓳ ꓘꓳˍ ꓣꓴ ꓟꓶ ꓟ ꓣꓱ ꓛꓰ ꓡꓯ ꓫꓴ ꓔꓯ ꓪꓴ‐ꓢ ꓔꓯ ꓫ. ꓟꓳ ꓐꓯ ꓠ, ꓟ ꓥ ꓡꓳ꓿ ꓝꓮꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓳ ꓢꓯ. ꓔꓬ ꓪ ꓟ ꓪꓴ. ꓔꓯ ꓪꓴ‐ꓢ ꓔꓯ ꓫ. ꓟꓳ ꓐꓯ ꓠ, ꓟ ꓥ ꓟꓲ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿