ꓓꓰꓽˍ ꓠꓬ ꓟꓶˍ ꓟ (ꓡꓴ-ꓘ 11ꓽ5-13)

ꓘꓳꓹ ꓣꓴ ꓟꓶ ꓔ ꓟ ꓶꓼ ꓤ ꓫꓱꓹ ꓤ ꓐꓱ ꓶ ꓪꓴ-ꓢ ꓔꓯ ꓫ ꓟꓳ” ꓐꓯ ꓘꓶꓽ ꓕꓱ ꓟ ꓠꓬ ꓣꓳ ꓐꓴ ꓶ ꓤ ꓫꓱꓹ ꓤ ꓘꓳꓹ ꓣꓴ ꓟꓶˍ ꓕꓯ ꓐꓯ ꓟ ꓐꓯ ꓘꓶꓽ ꓥ ꓡꓳ= ꓶ ꓤ ꓫꓱ ꓤ ꓣꓱꓽ ꓛꓰꓽ ꓐꓴ ꓔꓯ ꓣꓳ ꓪꓽ ꓘꓴˍ ꓟ ꓗꓪ ꓐꓰ ꓟꓶˍ ꓟ ꓡꓰꓽ ꓟꓽ ꓞꓲꓺ ꓕꓲ ꓖ ꓕꓲ ꓧꓪꓹ ꓟꓽ ꓥꓳ ꓡꓳꓸ ꓔ ꓟ ꓙꓵꓹ ꓗꓪˍ ꓟꓲ ꓘꓳꓹ ꓣꓴ ꓟꓶˍ ꓟ ꓥ ꓡꓳ= ꓚꓵꓺ ꓚꓵꓺ ꓠꓬ ꓪꓴ-ꓢ ꓗꓪ ꓐꓰ ꓣꓳ ꓐꓴ ꓔꓯ ꓠꓯˍ ꓟ ꓶ ꓤ ꓫꓱꓹ ꓤ ꓣꓱꓽ ꓛꓰꓽ ꓓꓽ ꓟ ꓧꓳꓽ ꓡꓴꓽ ꓖꓶꓽ ꓔꓬ ꓡꓳ= ꓖꓳ ꓡꓱ ꓥˍ ꓟꓲ ꓣꓳ ꓐꓴ ꓪꓽ ꓘꓴˍ ꓟ ꓔꓯ ꓪꓴ-ꓢ ꓮ ꓕꓯ ꓥ ꓟꓲ ꓠ ꓠꓹ ꓡꓳ꓾ ꓐꓰ ꓐꓯ ꓟ ꓠꓽ ꓟꓽ ꓥ=

ꓕꓲ ꓖ ꓕꓲ ꓧꓪꓹ ꓣꓳ ꓟꓶ ꓠꓲꓹ ꓫꓵˍ ꓟ ꓮ ꓙꓵꓽ ꓔꓯ ꓪꓴ-ꓢ ꓡꓰ ꓖꓶꓽ ꓡˍ ꓡꓳ꓾ ꓐꓰˍ ꓟꓲ ꓕꓽ ꓓꓵꓽ ꓙ ꓔ= ꓣꓳ ꓪ ꓘꓴ ꓘꓶꓽ ꓟꓽ ꓐꓲ ꓡ ꓕꓯ ꓣꓳ ꓮ ꓡꓰ ꓬꓰˍ ꓡ? ꓠꓬꓲꓸ ꓠꓬꓲ ꓶ ꓓꓳ ꓫꓱ ꓓꓳ ꓕꓳꓽ ꓶ ꓗꓪ ꓠꓺ ꓠꓬꓲ ꓘꓶꓽ ꓕꓱ ꓟ ꓔꓯ ꓒꓳꓹ ꓟꓸ ꓖꓶ ꓔ ꓟ ꓙꓳˍ ꓡꓳ=

ꓟꓽ ꓠꓽ ꓠꓽ ꓘꓴ ꓓꓰꓽˍ ꓟ ꓔꓯ ꓮ ꓕꓯˍ ꓟꓲ ꓕꓽ ꓠꓽ ꓗꓷ= ꓗꓹ ꓘꓶꓽ ꓲꓼ ꓢꓴ ꓐꓴ ꓐꓱ ꓶ ꓒꓴ ꓖꓶ ꓡˍ ꓥꓳ= ꓪꓴ-ꓢ ꓠꓬ ꓬꓲ ꓔꓯ ꓘꓴ ꓓꓰꓽ ꓢꓴ ꓐꓴ ꓔꓯ ꓮ ꓕꓯˍ ꓟꓲ ꓣꓱꓽ ꓛꓰꓽ ꓖꓶ ꓔꓬ ꓟ ꓥ ꓡꓳ= ꓪꓴ-ꓢ ꓔꓯ ꓧꓪ ꓢꓴ ꓐꓴ ꓥˍ ꓟꓲ ꓟꓳꓻ ꓪˍ ꓡꓳ= ꓪꓴ-ꓢ ꓠꓬ ꓣꓳ ꓐꓴ ꓓꓰꓽ ꓔ ꓟ ꓕꓯꓽ ꓢꓲ ꓪ ꓜꓲ ꓙꓲꓻˍ ꓟ ꓔꓯ ꓖꓶꓽˍ ꓟ ꓥ ꓡꓳ= ꓪꓴ-ꓢ ꓠꓬ ꓣꓳ ꓟꓶ ꓠꓲꓹ ꓟ ꓪꓽ ꓘꓴ ꓘꓶꓽ ꓮ ꓙꓵꓽ ꓔꓯ ꓠꓽ ꓟꓽ ꓖꓶ ꓡ= ꓣꓳ ꓣꓱꓽ ꓞꓹ ꓔꓬ ꓟ ꓶ ꓤ ꓫꓱ ꓤ ꓣꓱꓽ ꓛꓰꓽ ꓔꓯ ꓡꓰꓽ ꓚꓵ ꓚꓵ ꓖꓶꓽ ꓡˍ ꓟ ꓥ ꓡꓳ=