ꓠꓯꓼ ꓠꓯꓼ ꓫꓵ ꓫꓵ ꓬꓲꓻ ꓙꓬ ꓓꓳꓺˍ ꓟ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓚꓱꓹ

ꓠꓯꓼ ꓠꓯꓼ ꓫꓵ ꓫꓵ ꓬꓲꓻ ꓙꓬ ꓓꓳꓺˍ ꓟ ꓗꓪ ꓐꓰ ꓮ ꓡꓲ ꓫꓵꓽ ꓙꓲꓻ ꓖꓴ ꓙꓳˍ ꓡ?

ꓠꓯꓼ ꓠꓯꓼ ꓗꓪ ꓬꓲꓻ ꓙꓬ ꓓꓳꓺ ꓖꓶˍ ꓟ ꓠꓬ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓖꓴ ꓮ ꓟꓬꓹ ꓟꓶ ꓓꓹ ꓟ ꓥ ꓡꓳ= ꓠꓯꓼ ꓠꓯꓼ ꓫꓵ ꓫꓵ ꓜ ꓟꓽ ꓜꓽ ꓕꓯ ꓬꓲꓻ ꓙꓬ ꓔꓯ ꓧꓶꓸ ꓕꓯ ꓓꓳꓺˍ ꓟ ꓪꓴꓸ ꓠꓬꓲ ꓧꓪꓽ ꓖꓳ ꓓꓱꓽ ꓬꓲ ꓘꓴꓽ ꓗꓪ ꓢꓲꓽ ꓫꓬ ꓡꓰ ꓝꓲˍ ꓟ ꓔꓯ ꓠꓬ ꓮ ꓙꓵꓽ ꓢꓷꓸ ꓔ ꓟ ꓥ ꓡꓳ=

ꓠꓯꓼ ꓠꓯꓼ ꓗꓪ ꓬꓲꓻ ꓙꓬ ꓓꓳꓺ ꓖꓶꓽˍ ꓟ ꓗꓪ ꓐꓰ ꓟꓬꓽ ꓠꓬꓲ ꓙꓲꓻ ꓖꓴ ꓙꓳˍ ꓟ ꓠꓬ ꓬꓲ ꓪꓴ ꓓꓽ ꓟ ꓔꓯ ꓢꓲꓽ ꓫꓬ ꓡꓰ ꓝꓲ ꓢꓲ ꓬꓲ ꓪꓴ ꓓꓽ ꓟ ꓢꓲꓽ ꓫꓬ ꓡꓰ ꓕꓯ ꓠꓬ ꓜꓽ ꓫꓵꓽ ꓜꓽ ꓙꓰꓽ ꓗꓪ ꓐꓰ ꓢꓯꓼ ꓐꓴ ꓔꓯ ꓧꓪꓽ ꓖꓳ ꓓꓱꓽ ꓠꓬ ꓟꓬꓽ ꓠꓬꓲ ꓛꓵꓼ ꓣꓴ ꓐ ꓡꓳ ꓟ ꓥ ꓡꓳ= ꓕꓱ ꓡꓱ ꓠꓯꓼ ꓠꓯꓼ ꓬꓲꓻ ꓙꓬ ꓓꓳꓺˍ ꓟ ꓪꓴꓸ ꓠꓬꓲ ꓠꓻ ꓮ ꓟꓬꓹ ꓒꓬꓱꓼ ꓡˍ ꓟ ꓫꓵꓽ ꓪꓴ ꓔꓯˍ ꓟꓲ ꓠꓲꓸ ꓡꓰ ꓝꓲˍ ꓟ ꓡꓰꓽ ꓟꓽ ꓞꓲꓺ ꓢꓯꓼ ꓐꓴ ꓔꓯ ꓥˍ ꓟꓲ ꓦꓰꓼ ꓟ ꓠꓬ ꓪ ꓜꓲ ꓚꓵꓹ ꓣꓴ ꓐ ꓡˍ ꓟ ꓢꓯꓼ ꓪꓽ ꓠꓬꓲ ꓡꓰ ꓝꓲˍ ꓡꓳ=

ꓣꓳꓽ ꓜꓽ ꓧꓳꓽ ꓔ ꓟ ꓮ ꓙꓵꓽ ꓔꓯ ꓜꓶˍ ꓟ ꓢꓯꓼ ꓪꓽ ꓠꓬꓲ ꓡ ꓕꓯ ꓠꓽ ꓠꓱꓸ ꓐꓯ ꓙꓲꓻ ꓖꓴ ꓥˍ ꓟꓲ ꓬꓲ ꓔꓱꓹ ꓬꓲ (ꓬꓲ ꓓ ꓬꓲ) ꓓꓳꓻ ꓡˍ ꓟ ꓡꓰꓽ ꓟꓽ ꓞꓲꓺ꓾ ꓬꓲꓻ ꓙꓬ ꓓꓳꓺˍ ꓟ ꓠꓬ ꓧꓪꓽ ꓗꓴꓹ ꓙꓲꓻ ꓔꓯ ꓐꓲ ꓡ ꓝꓲ ꓢꓲ꓾ ꓬꓲꓻ ꓙꓬ ꓠꓬ ꓫꓵꓽ ꓘꓴꓽ ꓗꓪ ꓟ ꓓꓳꓼ ꓐꓴ ꓔꓯ ꓥˍ ꓟꓲ ꓢꓲꓽ ꓫꓬ ꓡꓰ ꓝꓲ ꓐ ꓡˍ ꓡꓳ=

ꓬꓲꓻ ꓙꓬ ꓓꓳꓺˍ ꓟ ꓑꓶꓸ ꓓꓴ ꓧꓪꓽ ꓘꓴꓸ ꓚꓰꓡꓡ ꓐꓰ ꓫꓵꓽ ꓚꓰꓡꓡ ꓬꓲ ꓫꓵꓼ ꓐꓴ ꓒꓬꓱꓼ ꓡ ꓟ ꓔꓯ ꓪꓽ ꓡ ꓝꓲ ꓢꓲ ꓧꓪꓽ ꓖꓳ ꓓꓱꓽ ꓗꓪ ꓙꓳˍ ꓟ ꓬꓲ ꓞꓶꓻ ꓐꓴ ꓔꓯ ꓠꓲꓸ ꓡꓰ ꓝꓲ ꓠꓲꓹ ꓫꓵˍ ꓟ ꓗꓪˍ ꓟꓲ ꓔꓳꓹ ꓙ ꓐ ꓡˍ ꓟ ꓥ ꓡꓳ= ꓖꓳ ꓡꓱ ꓥˍ ꓟꓲ ꓠꓯꓼ ꓠꓯꓼ ꓫꓵ ꓫꓵ ꓬꓲꓻ ꓙꓬ ꓓꓳꓺ ꓗꓷ ꓗ ꓠꓯꓸ  ꓮ ꓔꓲꓸ ꓤ ꓟꓶ ꓫꓵ ꓡꓰˍ ꓗꓪ ꓛꓲ ꓜꓽ ꓓꓴ ꓟꓽ ꓜꓽ ꓜꓽ ꓔꓬ ꓠ ꓗꓹ ꓡꓳ=

ꓮ ꓟꓶ ꓟ ꓡꓰ ꓬꓲꓻ ꓙꓬ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓐꓱ ꓶ ꓔꓳꓹ ꓙ ꓖꓶˍ ꓟ ꓠꓬ ꓧꓪꓽ ꓖꓳ ꓓꓱꓽ ꓐꓱ ꓶ ꓢꓺ ꓡꓰˍ ꓟ ꓟꓽ ꓙꓳ ꓙꓳ꓾ ꓖꓳ ꓓꓱꓽ ꓘꓴꓽ ꓗꓪ ꓟ ꓠꓬꓱꓽ ꓬꓰ ꓔꓬ ꓟ ꓔꓯ ꓪꓽ ꓠꓬꓲ ꓡ ꓝꓲˍ ꓡꓳ= ꓕꓲ ꓠꓬꓲ ꓗꓪ ꓬꓲꓻ ꓙꓬ 4 ꓡꓲ-ꓔ ꓗꓪ ꓛꓲꓺ ꓓꓳꓺ ꓠ ꓗꓹ ꓡꓳ ꓐꓰ ꓠꓯ ꓞꓲꓼ ꓔꓯ ꓟꓳꓸ ꓢꓷꓸ ꓠꓲꓹ ꓢꓷꓸ ꓢꓴ ꓐꓴ ꓡꓰ ꓐꓯ ꓔ ꓟ ꓙꓳˍ ꓡꓳ= 4 ꓡꓲ-ꓔ ꓛꓲ ꓓꓳꓺ ꓟꓽ ꓐ ꓡ ꓠꓬ 1 ꓡꓲ-ꓔ ꓓꓳꓺ ꓠ ꓗꓹ ꓡꓳ ꓐꓰ ꓬꓲ ꓪ ꓐꓴ ꓐꓯ ꓔ ꓡꓳ= 

ꓕꓱ ꓗꓪ ꓝꓲꓸ ꓔ ꓓꓴ ꓕꓲ ꓫꓵꓽ ꓠꓬ ꓬꓲꓻ ꓙꓬ ꓓꓳˍ ꓕꓯ ꓞꓼ ꓞꓼ ꓧꓶꓽ ꓧꓶꓽ ꓓꓳꓺ ꓟꓽ ꓓ= ꓕꓲ ꓧꓪꓹ ꓡꓰꓽ ꓬꓲꓻ ꓙꓬ ꓮ ꓟꓬꓹ ꓓꓳꓺ ꓟꓽ ꓓ= ꓕꓲ ꓧꓪꓹ ꓓꓳˍ ꓠꓬ ꓬꓲꓻ ꓙꓬ ꓡꓴ ꓗꓶꓸ ꓕꓲ ꓗꓶꓸ ꓔꓯ ꓫꓵ ꓫꓵˍ ꓡꓰꓽ꓾ ꓮ ꓤ ꓮ ꓤ ꓓꓳꓺ ꓠ ꓔ ꓡꓳ=

Sources: google