ꓲ‐ꓓꓲ‐ꓬ ꓟꓵꓽ ꓗꓪ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓟꓲ ꓚꓱ, (Church history)

ꓲ‐ꓓꓲ‐ꓬ ꓟꓵꓽ ꓗꓪ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓟꓲ ꓚꓱ,

ꓲ‐ꓓꓲ‐ꓬ ꓟꓵꓽ ꓗꓪ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ  ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ (12) ꓣꓳ ꓗꓪ ꓐꓰ ꓝꓲ ꓓꓴ ꓕꓳ‐ꓟ ꓠꓬ ꓲ‐ꓓꓲ‐ꓬ ꓟꓵꓽ ꓗꓪ ꓛꓲ ꓪꓴ‐ꓢ ꓟꓬꓱꓽ ꓬꓰ ꓗꓷꓳ ꓟ ꓥ ꓡꓳ꓿ ꓖꓳꓽ ꓟ ꓑꓶ. ꓓꓴ ꓬꓲ. ꓔꓯ ꓲ‐ꓓꓲ‐ꓬ ꓟꓵꓽ ꓝꓲ ꓓꓴ ꓐꓰ ꓘꓴˍ ꓟ ꓥ ꓡꓳ꓿ ꓮ.ꓓ 200 ꓘꓳꓼ ꓕꓯ ꓲ‐ꓓꓲ‐ꓬ ꓟꓵꓽ ꓗꓪ ꓛꓲ ꓡ ꓕꓯ ꓬꓲ. ꓔꓯ ꓠꓲ, ꓒꓴ ꓒꓴ ꓐꓰ ꓘꓳ, ꓣꓴ ꓟ ꓚꓱ, ꓔꓯ ꓕꓳꓽ ꓶ ꓗꓪ ꓡꓳ. ꓟꓳ ꓪ ꓡꓳ꓿ ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓪ ꓔꓲ ꓢ‐ꓗ ꓟꓬꓱꓽ ꓔ ꓢꓴ ꓠꓬ ꓝꓲ ꓓꓴ ꓕꓳ‐ꓟ ꓔꓯ ꓘꓳ, ꓣꓴ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓞꓲ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓝꓲ ꓓꓴ ꓕꓳ‐ꓟ ꓠꓬ ꓲ‐ꓓꓲ‐ꓬ ꓟꓵꓽ ꓗꓪ ꓮ. ꓓ 40 ꓘꓳꓼ ꓛꓲ ꓕꓯ ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ ꓥ ꓡꓳ꓿

ꓝꓲ ꓢꓴ ꓕꓳ‐ꓟ ꓠꓬ ꓲ‐ꓓꓲ‐ꓬ ꓟꓵꓽ ꓗꓪ ꓬꓲꓻ ꓙꓬ ꓚꓱ, ꓗꓪ ꓐꓰ ꓡꓲ ꓢꓽ ꓐꓳꓽ ꓤꓶ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ ꓥ ꓡꓳ꓿ꓲ‐ꓓꓲ‐ꓬ ꓟꓵꓽ ꓗꓪ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓟ ꓙꓵ, ꓗꓪ ꓝꓲ ꓓꓴ ꓕꓳ‐ꓟ ꓔꓯ ꓢꓰꓼ ꓗꓷ ꓟ ꓥ ꓡꓳ꓿ ꓠꓬꓲ. ꓠꓬꓲ ꓗꓪ ꓛꓲ ꓝꓲ ꓓꓴ ꓕꓳ‐ꓟ ꓡꓯꓼ ꓜꓳ ꓔꓯ ꓲ‐ꓓꓲ‐ꓬ ꓗꓴꓷꓼ ꓗꓪ ꓙꓳ ꓟ ꓥ ꓡꓳ꓿