ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠ ꓠ, ꓢꓴ ꓢꓯꓼ (Listener's voice)

ꓚꓧꓲ‐ꓑꓪꓲ ꓡꓳ ꓒꓱ ꓐ.‐ꓐꓴ. ꓘ, ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ  ꓪꓽ ꓘꓴ ꓦꓲꓻ ꓫꓬ, ꓠ, ꓟ ꓙ ꓖꓶ ꓔꓬ ꓟ 

ꓚꓧꓲ‐ꓑꓪꓲ ꓗꓪ ꓪꓴ‐ꓢ ꓟꓬꓱꓽ ꓟꓯꓼ ꓔꓬ ꓟ ꓟ. ꓒ ꓚ‐ꓬꓯ‐ꓬꓳ ꓗꓪ ꓐꓰ ꓫ. ꓕꓱ ꓖꓶˍ ꓟ ꓔꓯ ꓠ ꓠ, ꓓꓴ ꓬꓰ ꓡꓯ꓿

10 ꓦ 28 ꓠꓬꓲ 2022 ꓘꓳꓼ ꓕꓯ ꓚꓧꓲ‐ꓑꓪꓲ ꓡꓳ ꓒꓱ ꓐ.‐ꓐꓴ. ꓘ, ꓗꓪ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ  ꓪꓽ ꓘꓴ ꓦꓲꓻ ꓫꓬ, ꓠ, ꓟ ꓙꓽ ꓖꓶ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓪꓽ ꓘꓴ ꓦꓲꓻ ꓫꓬ, ꓠ, ꓟ ꓬꓲ ꓔꓶ. ꓗꓪ ꓠꓬ ꓗꓳ. ꓗꓷ ꓟ (30) ꓘꓳꓼ ꓕꓯ ꓫꓵꓻ ꓡꓰ ꓢꓴ ꓐꓴ ꓔꓯ ꓔꓴ. ꓔ ꓟ ꓡꓯꓼ ꓜꓳ ꓥ ꓟ ꓪꓴ. ꓠꓬꓲ ꓡꓯꓼ ꓜꓳ ꓔꓯ ꓓꓽ ꓪꓴ. ꓚꓰ. ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓐ.‐ꓐꓴ. ꓘ, ꓠꓬ ꓛꓲ‐ꓑꓱ ꓔꓲꓺ ꓒ ꓡꓰ ꓧꓳꓽ ꓣꓱ ꓔꓬ ꓟ ꓬꓲ ꓔꓶ. ꓥ ꓡꓳ꓿ ꓡꓯꓼ ꓜꓳ ꓚꓰ. ꓪꓽ ꓘꓴ ꓙꓵ, ꓗꓪ ꓛꓲ‐ꓑꓱ ꓔꓲꓺ ꓒ PETER TANG GUNG ꓐꓰ ꓔꓲꓺ ꓒ (4) ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ‐ꓢ ꓔꓶ ꓖꓶ ꓪꓽ ꓘꓴ ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿ ꓑꓮꓲ ꓗꓪ ꓠꓱ. ꓐꓯꓼ ꓘ, ꓗꓪ ꓐꓰ (100) ꓣꓳ ꓟꓽ ꓞꓲ ꓐꓣ‐ꓔ (7) ꓣꓳ ꓔꓲꓺ ꓟ (4) ꓣꓳ ꓐꓰ ꓟ. ꓒ ꓟ. ꓟ ꓮ ꓟꓬ, ꓣꓳ ꓐꓴ ꓥ ꓟꓲ  ꓪꓽ ꓘꓴ ꓙꓵ, ꓗꓪ ꓡ ꓗꓷꓳ ꓐꓰ ꓢꓷ. ꓪ ꓡꓳ꓿

ꓞꓳ ꓘ, ꓗꓪ ꓞꓳ ꓦꓲꓻ ꓮ ꓙꓵꓽ ꓠꓬ (70) ꓦꓲꓻ ꓥ ꓢꓲ ꓠꓬꓲ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓠꓬ (15) ꓦꓲꓻ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓐ.‐ꓐꓴ. ꓘ, ꓠꓬ ꓑ‐ꓪ ꓡꓳ ꓒꓱ ꓗꓪ ꓐꓰ ꓡꓳ ꓔ (3) ꓕꓷ, ꓶꓽ_ ꓟ ꓞꓳ ꓘ, ꓥ ꓡꓳ ꓐꓰ ꓐ‐ꓐꓴ ꓘ, ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓚ‐ꓬꓯ0ꓬꓳ ꓡꓰ ꓐꓯ ꓖꓶˍ ꓡ ꓡꓳ