Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓙꓲꓻ ꓫꓬꓻ ꓢꓴ Godfrey ꓑꓮꓲ꓿ (St.Godfrey of Amiens )
ꓙꓬꓻ ꓫꓬꓻ ꓢꓴ Godfrey ꓑꓮꓲ꓿
ꓙꓬꓻ ꓫꓬꓻ ꓢꓴ Godfrey ꓔꓯ AD 1065 ꓑꓲ‐ꓔꓲ ꓗꓴꓷꓼ Soissons ꓡꓳ ꓒꓱ ꓗꓪ ꓬꓲ. ꓔꓯ ꓦꓵꓻ ꓗꓷꓳ꓿ ꓬꓲ. ꓠꓬ ꓔꓲꓺ ꓒ ꓢꓳꓺ ꓦꓲꓻ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓢꓳꓻ ꓣꓴ ꓟꓶ ꓗ, ꓠꓯ ꓔꓲꓺ ꓒ ꓒꓬꓱꓼ ꓡ ꓢꓲ ꓠꓬꓲ Champa ꓡꓳ ꓒꓱ Nogent ꓗꓪ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓙꓵꓽ ꓪ ꓖꓶˍ ꓗꓷꓳ꓿ ꓕꓱ ꓔꓲꓺ ꓒ ꓢꓳꓻ ꓦꓲꓻ ꓗꓪ ꓪꓴ‐ꓢ ꓐꓯ ꓘꓶꓽ ꓐꓰ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓟ ꓙꓵ, ꓗꓪ ꓮ ꓟꓬ, ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓡꓰꓳ꓿ ꓖꓳ ꓡꓱ ꓥ ꓟꓲ ꓙꓬꓻ ꓫꓬꓻ ꓢꓴ Godfrey ꓪꓴ‐ꓢ ꓔꓯ ꓪꓽ ꓘꓴ ꓢꓲ ꓠꓬꓲ ꓫ. ꓓꓴ ꓔꓳ, ꓜꓳꓽ ꓟ ꓙꓵ, ꓔꓯ ꓧꓪ. ꓡꓰꓳ꓿ ꓝꓮꓲ ꓬꓲ. ꓔꓯ Rheims ꓡꓳ ꓒꓱ ꓗꓪ ꓙꓳ ꓟ Remi ꓢꓳꓻ ꓦꓲꓻ ꓗꓪ ꓝꓮꓲ ꓪꓴ‐ꓢ ꓐꓯ ꓘꓶꓽ ꓐꓰ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓠ, ꓟ ꓙꓵꓽ ꓪ ꓖꓶˍ ꓗꓷꓳ꓿
ꓙꓬꓻ ꓫꓬꓻ ꓢꓴ Godfrey ꓔꓯ AD 1104 ꓘꓳꓼ ꓕꓯ Rheims ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓒꓬꓱꓼ ꓡ ꓪ꓿ ꓬꓲ. ꓠꓬ ꓔꓲꓺ ꓒ ꓓꓽ ꓒꓬꓱꓼ ꓡ ꓗ, ꓠꓯ꓾ ꓪꓴ‐ꓢ ꓟꓬꓱꓽ ꓟꓯ, ꓟ ꓬꓲ. ꓔꓶ. ꓗꓪ ꓮ. ꓣꓳꓻ ꓜꓴꓻ ꓔꓯ ꓪꓴ‐ꓢ ꓐꓯ ꓘꓶꓽ ꓐꓰ ꓪꓴꓽ ꓟꓴ ꓡ ꓚꓱ, ꓮ ꓟꓬ, ꓟ. ꓖꓶ ꓗꓷꓳ꓿ ꓙꓬꓻ ꓫꓬꓻ ꓢꓴ Godfrey ꓠꓬ ꓮ ꓟꓬ, ꓔꓱ ꓛꓵ, ꓟ ꓐꓰ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓛꓲ ꓢꓯꓼ ꓕꓵꓼ ꓟ ꓪꓴ. ꓠꓬꓲ ꓬꓲ. ꓔꓯ ꓟꓽ ꓙꓵꓻ ꓐꓰ ꓐꓯ, ꓢꓴ ꓐꓴ ꓥ ꓟꓲ ꓙꓳ ꓗꓷꓳ꓿ ꓬꓲ. ꓠꓬꓲ 1114 ꓘꓳꓼ ꓕꓯ ꓠꓱ. ꓐꓯꓼ ꓟꓴ ꓗꓪ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓙꓰ ꓗꓷꓳ꓿ ꓝꓮꓲ 115 ꓘꓳꓼ ꓕꓯ Soisson ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓢꓲ ꓠꓬꓲ ꓟꓲ ꓠꓯ ꓗꓪ ꓧꓪꓽ ꓖꓳ ꓓꓱꓽ ꓡꓳ ꓬꓰꓳ꓿
Add new comment