ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓬꓳ ꓢꓴ (Stephen the Younger)

ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓬꓳ ꓢꓴ (Stephen the Younger)

ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓬꓳ ꓢꓴ (Stephen the Younger) ꓑꓮꓲ ꓥ ꓡꓳ꓿ ꓬꓲ. ꓔꓯ 714 ꓘꓳꓼ ꓕꓯ Constantine ꓡꓳ ꓒꓱ ꓗꓪ ꓦꓵꓻ ꓗꓷꓳ꓿ ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓬꓳ ꓢꓴ ꓠꓬ Mount ꓟꓵꓽ ꓗꓪ ꓙꓳ ꓟ St. Auxentius ꓔꓲꓺ ꓒ ꓜꓴꓻ ꓗꓪ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿ ꓬꓲ. ꓠꓬꓲ ꓕꓲꓺ ꓒ ꓒꓬꓱꓼ ꓡ ꓗꓷ ꓗ ꓠꓯ. ꓜꓽ ꓓꓴ ꓔꓯ ꓡꓳ. ꓢꓴ ꓙꓵꓽ ꓪ ꓖꓶˍ ꓗꓷꓳ꓿

ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓬꓳ ꓢꓴ ꓠꓬ ꓬꓲ ꓞꓲꓼ ꓣꓳ ꓟ ꓙꓵ, ꓗꓪ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓟꓬꓱꓽ ꓔꓯ ꓬꓰ ꓢꓴ ꓥ ꓡꓳ꓿  ꓬꓲ. ꓐ, ꓐ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ. ꓬꓰ ꓗ ꓠꓯ. ꓬꓲ. ꓠꓯ ꓗꓪ ꓙꓳ ꓢꓴ ꓮ ꓙꓵꓽ ꓔꓯ ꓪꓴꓽ ꓗꓷ ꓢꓲ ꓠꓬꓲ ꓫ. ꓢꓴ ꓔꓯ ꓬꓰ ꓙ ꓗꓷꓳ꓿ ꓪ ꓔꓲ Constantine Copronymus ꓠꓬ ꓪꓴ‐ꓢ ꓐꓬꓱ ꓮ ꓟꓬ, ꓔꓯ ꓐꓬ ꓡꓰ ꓝꓲ ꓠ, ꓟ ꓬꓰ ꓝꓲ ꓡꓳ꓿

ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓠꓬ ꓪꓴ‐ꓢ ꓐꓬꓱ ꓠꓬ ꓦꓻ ꓡꓱ ꓢꓴ ꓐꓴ ꓐꓱ ꓶ ꓪꓴ‐ꓢ ꓔꓯ ꓓꓴ ꓙ ꓠ, ꓟ ꓐꓰ ꓦꓻ ꓕꓲ ꓒꓳ, ꓗꓪ ꓪꓴꓽ ꓟꓴ ꓡ ꓝꓲ ꓠ, ꓟ ꓥ ꓡꓳ ꓐꓰ ꓪ ꓔꓲ ꓔꓯ ꓐꓯ ꓖꓶ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪ ꓔꓲ ꓠꓬ ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓔꓯ ꓝꓴꓲ ꓓꓰ. ꓟ ꓥ ꓡꓳ꓿

ꓟꓽ ꓔꓱ, ꓟꓽ ꓜꓳ ꓟ ꓝꓴꓲ ꓬꓰ ꓡꓳ ꓐꓰ ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓔꓯ ꓪ ꓔꓲ ꓡꓰ ꓐꓯ ꓟ ꓥ ꓡꓳ꓿ ꓪ ꓔꓲ ꓠꓬ ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓔꓯ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓶ. ꓗꓪ ꓐꓰ ꓠꓱ. ꓐꓯꓼ ꓟꓵꓽ ꓗꓪ ꓙꓰ ꓝꓲ ꓡꓳ꓿ ꓖꓳ ꓡꓱ ꓥ ꓟꓲ ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓠꓬ ꓪ ꓔꓲ ꓡꓰ ꓐꓯ ꓔ ꓟ ꓟꓽ ꓔꓱ ꓟ ꓚꓱ, ꓔꓯ ꓟꓽ ꓘꓳ ꓣꓴ ꓡꓳ꓿ ꓪ ꓔꓲ ꓠꓬ ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓐꓰ ꓬꓲ. ꓛꓳ ꓐꓯ, ꓔꓲꓺ ꓒ (300) ꓣꓳ ꓔꓯ ꓢꓰꓼ ꓗꓷꓳ꓿

ꓙꓲꓻ ꓫꓬꓻ ꓢꓴ ꓢꓲ‐ꓕꓲ‐ꓩ ꓠꓬ ꓦꓻ ꓡꓰ ꓚꓱ, ꓙꓵꓻ ꓠꓲ, ꓑꓶ. ꓓꓴ ꓢꓰꓼ ꓟꓶ ꓡꓰ ꓟ ꓥ ꓡꓳ꓿