ꓬꓰ‐ꓢꓴ ꓦꓵꓻ ꓡ ꓟ ꓚꓱ, (Sunday reflection)

ꓬꓰ‐ꓢꓴ ꓦꓵꓻ ꓡ ꓟ ꓚꓱ, 

ꓬꓲ ꓪꓽ ꓖꓳ ꓗꓪ ꓠꓲꓹ ꓞ ꓙꓰ ꓗꓷ ꓠꓬ꓾ ꓟ-ꓡꓲˍ ꓐꓰ ꓬꓳ-ꓢꓷˍ ꓐꓰ ꓡꓴꓻ ꓕꓴ ꓗꓪ ꓫꓵꓸ ꓔ ꓟ ꓞꓳ ꓫꓵꓼ ꓤꓽ ꓔꓯ ꓧꓪ ꓟꓶˍ ꓡꓳ꓿ 17 ꓬꓲ ꓪꓽ ꓬꓲ ꓔꓯ ꓟꓳꓻ ꓗꓷ ꓠꓬ꓾ ꓤ ꓠꓱ ꓤ ꓔꓯ ꓖꓴ ꓢꓲ ꓬꓲ ꓪꓽ ꓔꓯ ꓐꓯ ꓖꓶ ꓡ ꓟ ꓐꓯ ꓘꓶꓽ ꓖꓳ ꓟ ꓐꓯ ꓐꓯ ꓒꓬꓱ ꓙꓰˍ ꓡꓳ꓿ 18 ꓖꓳ ꓕꓯ ꓮ ꓣꓳ ꓡꓳꓸ ꓢꓴ ꓐꓴ ꓡꓰ ꓐꓯˍ ꓟ ꓔꓯ ꓑ ꓙꓽ ꓢꓴ ꓮꓽ ꓙꓵ ꓓꓵꓽ ꓙ ꓟꓶ ꓡꓰˍ ꓡꓳ꓿ 19 ꓖꓳ ꓡꓱ ꓥ ꓟꓲ ꓟ-ꓡꓲ ꓠꓬ ꓐꓯ ꓘꓶꓽ ꓕꓱ ꓟꓬ ꓟ ꓔꓯ ꓬꓲ ꓠꓲꓹ ꓟ ꓗꓪ ꓗꓶ ꓔꓸ ꓢꓲ ꓓꓵꓽ ꓙ ꓠꓬꓲ ꓔꓬ ꓡꓳ꓿ 20 ꓮ ꓣꓳ ꓡꓳꓸ ꓢꓴ ꓐꓴ ꓠꓬ ꓟꓴꓽ ꓗꓪ ꓝꓲ ꓓꓴ ꓡꓰ ꓬꓲ ꓪꓽ ꓔꓯ ꓐꓯ ꓖꓶ ꓡ ꓟ ꓡꓰ ꓐꓰ꓾ ꓑˍ ꓟꓲ ꓑꓺ ꓙꓽ ꓢꓲ ꓟꓳˍ ꓟꓲ ꓟꓳꓻ ꓗꓷ ꓠꓬꓲ꓾ ꓬꓲ ꓪꓽ ꓠꓬ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓠꓬꓲ ꓫꓱꓸ ꓖꓶ ꓠꓬꓲ ꓐꓰ ꓬꓲꓼ ꓙꓰˍ ꓡꓳ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳ ꓔꓯ ꓮ ꓡꓰ ꓐꓰ ꓐꓯ ꓟ. ꓖꓶ ꓡ ꓠꓬ ꓘꓳꓼ ꓫꓵꓼ ꓦꓬ ꓠꓬꓲ ꓠꓬ ꓣꓳ ꓟꓲ ꓠꓯ ꓡ ꓞꓳ ꓦꓵꓻ ꓡ ꓟ ꓡꓰ ꓐꓰ ꓬꓲ. ꓫꓵꓼ ꓦꓵꓻ ꓡ ꓟ ꓡꓰ ꓐꓰ ꓫꓱ ꓡꓯ ꓘꓳ ꓟ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓘꓳ ꓣꓱ ꓢꓲ ꓠꓬꓲ ꓣꓳ ꓠꓲ, ꓟ ꓘꓴꓽ ꓗꓪ ꓬꓲ. ꓔꓯ ꓔꓬ ꓔꓶ. ꓖꓶ ꓠ, ꓟ ꓥ ꓡꓳ꓿ ꓘꓳꓼ ꓫꓵꓼ ꓦꓬꓼ ꓠꓬꓲ ꓗꓪ ꓣꓳ ꓠꓲ, ꓟ ꓔꓯ ꓒꓴ ꓔꓯ ꓢꓲ ꓠꓬꓲ ꓢꓲꓺ ꓒ ꓡꓰ ꓖꓶ ꓡ ꓟ ꓣꓱ ꓚꓰ ꓡꓯ ꓫꓴꓻ ꓔꓯ ꓘꓳ ꓣꓴ ꓠ, ꓟ ꓥ ꓡꓳ꓿ ꓗꓳ. ꓗꓷ ꓟ ꓙꓵ, ꓕꓯ ꓣꓳ ꓬꓰ ꓥꓳꓽ ꓡꓰ ꓟ ꓚꓱ, ꓔꓯ ꓓꓴ ꓙ ꓠꓬꓲ ꓢꓲ ꓠꓬꓲ ꓣꓳ ꓠꓲ, ꓟ ꓔꓯ ꓒꓴ ꓠ, ꓟ ꓐꓰ ꓣꓳ ꓠꓲ, ꓟ ꓔꓯ ꓬꓲ. ꓫꓵꓼ ꓝꓮꓲ ꓕꓲꓽ ꓧꓪ ꓓꓴ ꓙ ꓠ, ꓟ ꓢꓯꓼ ꓕꓵꓼ ꓢꓲ ꓠꓬꓲ ꓣꓳ ꓙꓵꓻ ꓠꓲ, ꓔꓯ ꓮ ꓕꓯ ꓥ ꓟꓲ ꓪꓳꓻ ꓔ ꓓꓴ ꓬꓰ ꓡꓯ꓿ ꓫ. ꓟꓳ꓿