ꓶ ꓙꓳ ꓫꓱꓹ ꓙꓳˍ ꓟ ꓡ ꓞꓳ (4ꓔꓧ ꓳꓝ ꓢꓴꓠꓓꓮꓬ ꓧꓳꓟꓲꓡꓬ)

Saturday, January 28, 2023

   ꓦ ꓗꓪ ꓫ ꓢꓴ ꓐꓰ ꓚꓬꓹ ꓪ ꓢꓴ ꓠꓽ ꓶ ꓙꓳ ꓫꓱꓹ ꓙꓳ ꓡꓳ ꓐꓰ ꓣꓳꓽ ꓔꓯ ꓐꓯ ꓖꓶꓽ ꓡ ꓡꓳ= ꓦ ꓕꓱ ꓟ ꓮ ꓡꓰ ꓐꓰ ꓫ ꓡ? ꓣꓳꓽ ꓠꓬ ꓪꓴ-ꓢ ꓡꓰ ꓚꓰꓼ ꓔ ꓟ ꓟꓶ ꓢꓴ ꓡꓰ ꓥ ꓡꓳ= ꓮ ꓫꓵꓽ ꓒꓵꓽ ꓟ ꓚꓬꓹ ꓟꓽ ꓟꓵ꓾ ꓖꓳ ꓡꓱ ꓐꓯ ꓥˍ ꓟꓲ ꓬꓲꓸ ꓫꓱꓸ ꓕ ꓟ ꓑꓶꓸ ꓓꓴ ꓥꓳ ꓐꓰ ꓓꓵꓽ ꓙ ꓢꓲ꓾ ꓙ ꓣꓳ ꓟ ꓗꓪ ꓐꓰ ꓪꓴ-ꓢ ꓔꓬꓹ ꓗꓪ ꓙꓰ ꓢꓴ ꓠꓬ ꓦ ꓗꓪ ꓐꓰ ꓫ ꓢꓴ ꓥꓳ= ꓝꓮꓲꓸ ꓬꓰ-ꓢꓴ ꓠꓬ ꓣꓳꓽ ꓔꓯ ꓠꓲꓹ ꓥꓴ ꓔꓬꓹ ꓢꓴ ꓠꓬ ꓶ ꓙꓳ ꓫꓱꓹ ꓙꓳ ꓡꓳ ꓐꓰ ꓐꓰ ꓔ ꓡꓳ= ꓣꓳꓽ ꓠꓲꓹ ꓫ ꓟꓬꓺ ꓫ ꓕꓯ꓾ ꓪꓴ-ꓢ ꓢꓯꓼ ꓪ ꓗꓪ ꓐꓰ ꓢꓯꓼ ꓕꓵꓼ ꓙ ꓙꓰˍ ꓕꓯ ꓪꓴ-ꓢ ꓣꓱꓽ ꓛꓰꓽ ꓟꓶˍ ꓥꓳ=

     ꓢꓴ ꓕꓯ ꓧꓳꓺ ꓡꓯ ꓘꓳ ꓡꓰ ꓝꓲ ꓢꓴ꓾ ꓠꓲꓹ ꓟ ꓢꓲꓽ ꓫꓬꓹ ꓢꓴ꓾ ꓔꓱꓹ ꓚꓵˍ ꓟ ꓔꓯ ꓟꓷꓼ ꓢꓴ꓾ ꓕꓱ ꓡꓱ ꓫꓵꓽ ꓡ ꓞꓳ ꓠꓬ ꓶ ꓙꓳ ꓫꓱꓹ ꓙꓳ ꓡꓳ ꓐꓰ ꓢꓲ ꓒ ꓐꓯ ꓔ ꓡꓳ= ꓶ ꓙꓳ ꓫꓱꓹ ꓙꓳ ꓟ ꓡ ꓞꓳ ꓒꓬꓱꓼ ꓡ ꓠꓹ ꓟ ꓢꓯꓼ ꓕꓵꓼ ꓙꓰ ꓡꓯ=

Add new comment

1 + 8 =

Quick Links