ꓚꓲ. ꓛꓬ ꓓꓵꓽ ꓙ ꓚꓱ, ꓔꓯ ꓧꓪ. ꓛꓲꓽ ꓔ ꓠ, ꓟ (6th Sunday Homily)

   ꓖꓳ ꓡꓱ ꓐꓯ ꓥˍ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓣꓳꓽ ꓔꓯ ꓕꓱ ꓡꓱ ꓐꓯ ꓖꓶꓽˍ ꓡꓳ꓿ ꓣꓳꓽ ꓠꓲ, ꓟ ꓠꓯ.ˍ ꓗꓪ ꓐꓰ ꓛꓬ ꓗꓷˍ ꓟ ꓠꓬ ꓝꓴꓲ. ꓬꓰ ꓗꓷ ꓟ ꓥꓳ ꓐꓰ ꓣꓳꓽ ꓔꓯ ꓐꓯ ꓖꓶꓽ ꓡˍ ꓡꓳ꓿ ꓮ ꓡꓰ ꓘꓶ ꓛꓲ ꓪꓴꓽˍ ꓫꓵꓽ ꓝꓴꓲ. ꓥˍ ꓟꓲ ꓠꓲ, ꓟ ꓠꓯ. ꓗꓪ ꓐꓰ ꓧꓶ. ꓕꓯ ꓪꓴ. ꓔꓴ. ꓡꓳ꓿ ꓠꓲ, ꓟ ꓠꓯ.ꓼ ꓗꓪ ꓐꓰ ꓡꓰ ꓓꓳꓺ ꓡ ꓟ ꓥꓳ꓿ ꓬꓲ. ꓫꓵ. ꓕꓲꓽ ꓢꓲꓽ ꓡꓰ ꓐꓰ ꓫꓵꓼ ꓫꓵꓼ ꓡꓰ ꓪꓴꓽ ꓡ ꓟ ꓥ ꓡꓳ꓿ ꓟꓻ  ꓡ ꓟ  ꓥ ꓡꓳ꓿ ꓖꓳ ꓡꓱ ꓠꓬꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓣꓳꓽ ꓓꓵꓽ ꓙˍ  ꓟ ꓗꓪ ꓣꓳꓽ ꓓꓵꓽ ꓙ ꓚꓱ, ꓠꓬ ꓮ ꓡꓰ ꓥ ꓟ ꓔꓯ ꓢꓷ. ꓗꓴ. ꓠ ꓗˍ ꓡꓳ꓿ ꓟꓽ ꓥ ꓟ ꓟꓽ ꓔꓱ, ꓟ ꓓꓵꓽ ꓙ ꓔꓬ, ꓠꓬ ꓬꓲ. ꓫꓵ. ꓢꓲꓽ ꓗꓪ ꓟ ꓟꓽ ꓪꓴꓽ ꓡ ꓕꓯ ꓡꓰ꓾ ꓣꓳꓽ ꓢꓰꓼ ꓗꓷ ꓠ, ꓗˍ ꓡꓳ꓿ ꓟꓽ ꓥ ꓥꓳ ꓐꓯ ꓠꓬ ꓖꓳ ꓟ ꓠꓬ ꓪꓴꓽ ꓡˍ ꓕꓯ꓾ ꓣꓳꓽ ꓬꓰ ꓪ ꓡꓰ ꓥꓳ꓿ ꓪꓴ‐ꓢ ꓠꓬ ꓕꓱ ꓟ ꓔꓯ ꓢꓷ. ꓡꓳ꓿ ꓖꓳ ꓡꓱ ꓟ ꓑꓶ. ꓓꓴ ꓣꓳꓽ ꓟꓬꓺ ꓢꓲ ꓔꓯ ꓧꓪ. ꓛꓲꓽ ꓛꓲꓽ ꓡꓰ ꓔꓬ꓾ ꓣꓳꓽ ꓓꓵꓽ ꓙ ꓚꓱ, ꓔꓯ ꓠꓲ, ꓪꓴꓽ ꓪꓴꓼ ꓡꓰ ꓔꓬ, ꓐꓰ ꓢꓲ ꓒ ꓣꓳꓽ ꓔꓯ ꓟꓳ. ꓖꓶꓽ ꓡ ꓟ ꓥꓳ꓿