ꓪꓴ-ꓢ ꓙꓵꓽ ꓗ (10) ꓙꓰ

Monday, March 09, 2020

ꓪꓴ-ꓢ ꓙꓵꓽ ꓗ (10) ꓙꓰ

ꓮ ꓟ ꓠꓬ-ꓸ ꓓꓽ ꓪꓴꓸ ꓗꓪ ꓪꓴ-ꓢ ꓙꓵꓽ ꓗ (10) ꓙꓰ ꓟ ꓔꓯ ꓛꓬ ꓗꓷ ꓟ ꓝꓴꓲ ꓒꓶ ꓟꓸ ꓖꓶ ꓥꓳ=

  • ꓙꓵꓼ ꓗ- ꓬꓲꓸ ꓪꓴꓸ ꓕꓲꓽ ꓟ ꓠꓬ- ꓥꓪ ꓠꓬ ꓠꓴ ꓢꓲ-ꓒꓽ ꓪꓴ-ꓢ ꓥ- ꓡꓳ= ꓥꓪ ꓟꓽ ꓥ ꓠꓬ- ꓠꓱꓸ ꓐꓯ ꓠꓲꓽ ꓤꓼ ꓢꓲ-ꓤ ꓔꓯ ꓪꓴꓸ ꓓꓵ ꓕꓱꓽ ꓟꓽ ꓓ= ꓖꓳ ꓡꓱ ꓠꓬꓲ- ꓙꓵꓽ ꓗ ꓬꓲꓸ ꓪꓴꓸ ꓕꓲꓽ ꓟ ꓔꓯ ꓛꓬ ꓟ ꓝꓴꓲ ꓠꓬ ꓪꓴ-ꓢ ꓔꓯ ꓟꓽ ꓙꓵꓼ ꓟ-ꓸ ꓟꓽ ꓦ ꓡꓱ ꓟ-ꓸ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓪꓽ ꓟꓽ ꓘꓴ ꓟ-ꓸ ꓠꓲꓽ ꓡꓲꓽ ꓕꓲꓽ ꓫꓵꓽ ꓫꓵꓽ ꓬꓰ ꓗꓷ ꓟ-ꓸ ꓠꓲꓹ ꓪꓵꓼ ꓟ-ꓸ ꓢ ꓫꓱꓼ ꓫꓱ ꓟ- ꓢꓪꓼ ꓒꓼ ꓔꓯ ꓢꓪꓼ ꓝꓲ ꓟ-ꓸ ꓕꓱ ꓟꓬ ꓫꓵꓼ ꓬꓰ ꓠꓬ- ꓪꓴ-ꓢ ꓙꓵꓽ ꓗ (1) ꓟ ꓔꓯꓸ ꓛꓬ ꓗꓷ ꓟ ꓝꓴꓲ ꓥ ꓡꓳ=
  • ꓮ ꓟ ꓪꓴ-ꓢ ꓙꓵꓽ ꓗ ꓠꓬꓲꓽ ꓟ ꓔꓯꓹ ꓛꓬ ꓗꓷ ꓟ ꓝꓴꓲꓪꓴ-ꓢ ꓟꓬꓱ- ꓔꓯ ꓬꓲꓸ ꓖꓳꓽ ꓡꓰ ꓘꓴ ꓟ-ꓸ ꓙꓱꓽ ꓑꓲꓸ ꓟ-ꓸ ꓛꓳ ꓒꓯ ꓔꓯꓹ ꓙꓱꓽ ꓟ-ꓸ
  • ꓴ-ꓢ ꓙꓵꓽ ꓗ (3) ꓟ ꓔꓯ ꓛꓬ ꓟ ꓝꓴꓲ ꓢꓲ-ꓒ ꓦꓬꓽ ꓠꓬꓲ ꓪꓽ ꓘꓴ ꓜꓲꓼ ꓓꓴ ꓗꓪ ꓟꓽ ꓙꓰ ꓟ-ꓸ ꓑꓮꓲꓽ ꓗꓪ ꓟꓽ ꓙꓰ ꓟ-ꓸ ꓢꓲ-ꓒꓼ ꓦꓬꓼ ꓠꓬꓲ ꓗꓪ ꓟꓬꓱꓼ ꓬꓰ ꓟ-ꓸ ꓢꓴ ꓔꓯꓸ ꓟꓬꓱꓽ ꓬꓰ ꓝꓲ ꓟ-ꓸ ꓪꓽ ꓘꓴ ꓠꓲꓹ ꓟꓽ ꓡꓱ ꓟ-ꓸ ꓪꓽ ꓘꓴ ꓜꓲꓼ ꓓꓴ ꓙꓲꓹ ꓗꓪ ꓫꓸ ꓕꓱ ꓔꓬ ꓟ-ꓸ ꓪꓽ ꓘꓴ ꓠꓲꓹ ꓟꓽ ꓫꓵ ꓟ ꓐꓵꓹ ꓟ-ꓸ
  • ꓡꓽ ꓞꓳ ꓢꓰꓼ ꓗꓷ ꓟ-ꓸ ꓢꓰꓼ ꓠꓲꓹ ꓫꓵꓹ ꓟ ꓬꓲꓸ ꓓꓽ ꓟ ꓓꓶꓽ ꓟ-ꓸ ꓠꓲꓹ ꓟ ꓔꓴꓸ ꓟ-ꓸ ꓤꓲꓹ ꓟ-ꓸ ꓡꓲ-ꓪ ꓡ_ ꓟ-ꓸ ꓠꓲꓹ ꓢꓲꓼ ꓠꓲꓹ ꓞꓰꓹ ꓟ-ꓸ ꓚꓲꓸ ꓛꓬ ꓔꓱꓹ ꓚꓲꓹ ꓛꓬꓽ ꓫꓵꓼ ꓠꓲꓸ ꓫꓵ_ ꓟ-ꓸ ꓙꓵ ꓒꓶꓼ ꓬꓲꓼ ꓟ-ꓸ ꓛꓳ ꓒꓯꓹ ꓔꓯ ꓙꓵꓽ ꓒꓶꓼ ꓬꓲꓼ ꓡꓰ ꓝꓲ ꓟ-ꓸ ꓒꓲꓸ ꓬꓯ ꓛꓵꓼ ꓟ-ꓸ ꓒꓲꓹ ꓬꓯ ꓛꓵꓽ ꓢꓲꓸ ꓥ ꓠꓬ-ꓸ ꓙꓵꓽ ꓒꓶꓽ ꓛꓳ ꓟꓬꓽ ꓢꓲ- ꓕꓲꓽ ꓦꓲ ꓡꓽ ꓞꓳ ꓔꓯ ꓫꓸ ꓡꓰ ꓝꓲ ꓟ-ꓸ ꓛꓳ ꓒꓯ ꓔꓯ ꓖꓶꓼ ꓓꓳ ꓟ-ꓸ
  • ꓪꓴ-ꓢ ꓙꓵꓽ ꓗ- ꓛꓳ ꓟ ꓐꓰ ꓴꓸ ꓟ ꓔꓯ ꓛꓬ ꓟ ꓝꓴꓲ ꓟꓽ ꓢꓲꓽ ꓟꓽ ꓫꓬ ꓟ ꓟꓬꓱꓽ ꓬꓰ ꓠꓹ ꓟ ꓓꓵꓽ ꓙꓽ ꓟ-ꓸ ꓟꓽ ꓢꓲꓽ ꓟꓽ ꓫꓬ ꓟ ꓥꓳꓽ ꓫꓸ ꓕꓱ ꓟ-ꓸ ꓚꓲꓸ ꓛꓬꓽ ꓔꓱꓹ ꓚꓲꓸ ꓛꓬꓽ ꓟꓽ ꓢꓲꓽ ꓟꓽ ꓫꓬ ꓬꓰ ꓟ-ꓸ ꓢꓴ ꓦꓲ ꓢꓲ-ꓒꓽ ꓢꓴ ꓦꓲ ꓢꓲ-ꓟ ꓔꓯ ꓠꓲꓹ ꓠꓵ ꓢꓲ- ꓝꓴꓲ ꓬꓰ ꓟ-ꓸ
  • ꓪꓴ-ꓢ ꓙꓵꓽ ꓗ- ꓫꓵꓽ ꓟ ꓔꓯ ꓛꓬ ꓟ ꓝꓴꓲ-ꓸ ꓘꓴꓽ ꓗꓷ ꓟ ꓐꓰ -ꓸ ꓘꓴꓽ ꓠꓹ ꓟ ꓓꓵꓽ ꓙ ꓟ-ꓸ ꓘꓴ ꓗꓷ ꓟ ꓶꓽ ꓤꓼ ꓔꓯ ꓟꓽ ꓡꓲꓹ ꓖꓶ ꓟ-ꓸ ꓢꓴ ꓶ ꓤꓼ ꓥ ꓠꓬ-ꓸ ꓡꓯ-ꓪ ꓕꓲꓽ ꓫꓵꓽ ꓫꓵꓽ ꓐꓬ ꓡꓰ ꓝꓲ ꓟ-ꓸ ꓶ ꓡꓯꓼ ꓟꓽ ꓝꓱꓹ ꓟ-ꓸ ꓟꓳ ꓟ ꓶ ꓤꓽ ꓔꓯꓹ ꓟꓽ ꓡꓲꓹ ꓖꓶ ꓟ-ꓸ
  • ꓪꓴ-ꓢ ꓙꓵꓽ ꓗ - ꓦꓰꓼ ꓟ ꓔꓯꓸ ꓛꓬ ꓗꓷ ꓟ ꓝꓴꓲ- ꓛꓳ ꓒꓯꓹ ꓔꓯ ꓗꓶꓹ ꓟ- ꓟꓽ ꓔꓱꓹ ꓟ ꓢꓸ ꓢꓯꓸ ꓦꓰꓼ ꓙ ꓟ-ꓸ ꓛꓳꓽ ꓒꓯ ꓔꓯ ꓫꓸ ꓡꓰ ꓝꓲ ꓟ-ꓸ ꓘꓶꓽ ꓕꓴꓹ ꓗꓸ ꓒꓵꓽ ꓜꓼ ꓟ-ꓸ ꓬꓲꓹ ꓖꓳꓼ ꓡꓰ ꓢꓴ ꓔꓯ ꓝꓴꓲ ꓐꓯ ꓞꓰꓹ ꓟ=

Add new comment

2 + 8 =

Quick Links