ꓢꓯ. ꓬꓲꓼ ꓡ ꓑꓮꓲꓽ (Easter Sunday Homily)

   ꓬꓲ. ꓬꓲ ꓢꓲ ꓙꓳˍ ꓟ ꓗꓷ ꓡꓰ ꓥꓳ꓿ ꓖꓳ ꓡꓱ ꓠꓬꓲ ꓣꓳꓽ ꓬꓰˍ ꓟ ꓮ ꓙꓵꓽ꓾ ꓛꓳ ꓙꓳ ꓟ ꓮ ꓙꓵꓽ ꓠꓬ ꓪꓴ‐ꓢ ꓗꓪ ꓐꓰ ꓡꓰ ꓗꓷ ꓡꓰ ꓥꓳ꓿ ꓮ ꓡꓲꓳ ꓐꓯ ꓠꓬ ꓢꓲ ꓒ ꓠꓽ ꓚꓵꓺ ꓚꓵꓺ ꓢꓯ. ꓬꓲꓼ ꓡ‐ꓳ꓿ ꓝꓮꓲ.꓾ ꓠꓬꓲꓽ ꓫꓵꓽ ꓟ ꓠꓬ ꓣꓳ ꓠꓬ ꓗ ꓛꓲ ꓠꓯˍ ꓡꓳ꓿ ꓰꓮꓢꓔꓰꓣ ꓙꓳꓬ ꓐꓯ ꓟ ꓢꓯ. ꓬꓲꓼ ꓡ ꓟ ꓗꓪ ꓐꓰ ꓣꓳꓽ ꓟꓶ ꓪ. ꓟ ꓗ, ꓛꓲ ꓓꓴ ꓠꓬ ꓮ ꓫꓵꓽˍ ꓟꓲ ꓔꓯꓺ ꓟꓽ ꓐ ꓡ꓿ ꓮ ꓘꓶ. ꓗ, ꓛꓲ ꓡꓰ ꓝꓲˍ ꓟ ꓥꓳ꓿  ꓟꓲ ꓠꓯ ꓕꓱ ꓟ ꓗꓪ ꓕꓱ ꓟ ꓡꓰ ꓐꓰ ꓗ, ꓛꓲ ꓐ, ꓡ ꓘꓴ ꓫꓵꓽ ꓟꓽ ꓙꓳ꓿ ꓖꓳ ꓡꓱ ꓠꓬꓲ ꓗ, ꓛꓲ ꓡꓯ꓿ ꓝꓮꓲ 3 ꓫꓵꓽ ꓕꓲꓽ ꓫꓵꓽ ꓟ ꓠꓬ ꓣꓳꓽ ꓠꓬ ꓢꓲ ꓒ ꓬꓰ‐ꓢꓴ ꓚꓵꓺ ꓚꓵꓺ ꓢꓯ. ꓬꓲꓼ ꓡ ꓟ ꓔꓯ ꓢꓷ. ꓡ ꓠꓬ ꓕꓱ ꓟ ꓔꓯ ꓠꓱ. ꓐꓯ ꓢꓴ ꓔꓯ ꓐꓯ ꓟꓳ. ꓖꓶꓽ ꓠ, ꓟ ꓶ ꓙꓳˍ ꓡꓳ꓿ ꓢꓲ ꓒ ꓬꓰ‐ꓢꓴ ꓬꓲ. ꓝꓲ ꓓꓴ ꓐꓴ ꓠꓬ ꓢꓲ ꓒ ꓬꓰ‐ꓢꓴ ꓢꓯ. ꓬꓲ. ꓡ ꓗꓷ ꓟ ꓔꓯ ꓬꓲ. ꓪ ꓢꓯꓼ ꓟꓬꓺ ꓔꓶꓺ ꓢꓲ ꓐꓯ ꓒꓬꓱꓺ ꓙꓰˍ ꓡꓳ꓿ ꓬꓲ. ꓪ ꓠꓬ ꓬꓲ. ꓪꓴ. ꓕꓯ ꓟꓽ ꓙꓵ꓾ ꓖꓳ ꓡꓱ ꓐꓯˍ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓬꓲ. ꓪ ꓔꓯ ꓟꓳ. ꓖꓶꓽ ꓗꓷ ꓕꓯ ꓬꓲ. ꓪ ꓠꓬ ꓙꓵ ꓡꓰ ꓟ ꓥꓳ꓿ ꓖꓳ ꓡꓱ ꓠꓬꓲ ꓢꓲ ꓒ ꓬꓰ‐ꓢꓴ ꓠꓬ ꓠꓬꓲ. ꓠꓬꓲ ꓣꓳꓽ ꓗꓳꓺ ꓡꓳ ꓗꓪ ꓔꓬ, ꓡꓳ꓿ ꓬꓲ. ꓔꓯ ꓠꓴ ꓙꓵꓻ ꓡ? ꓙꓵꓻ ꓕꓯ ꓠꓬ ꓢꓯꓼ ꓕꓵꓼ ꓙꓰ ꓡꓯ ꓐꓰ ꓐꓯ ꓖꓶꓽ ꓠꓲ, ꓫꓵ ꓡꓳ꓿