Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
UAE ꓗꓴꓷꓼ ꓗꓪ ꓐꓰ 4 ꓘꓳꓼ ꓙꓳ ꓟ ꓤ ꓑ ꓤ ꓠꓬ ꓕꓳꓽ ꓶ ꓕꓲ ꓑꓷꓠ ꓐꓳ ꓗꓷ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓮ ꓟꓬ, ꓟꓬꓱꓺ ꓓꓳꓽ ꓙꓳ ꓢꓴ ꓒꓬꓱꓼ ꓡ ꓟ ꓓꓳꓽ
UAE ꓗꓴꓷꓼ ꓗꓪ ꓐꓰ 4 ꓘꓳꓼ ꓙꓳ ꓟ ꓤ ꓑ ꓤ ꓠꓬ ꓕꓳꓽ ꓶ ꓕꓲ ꓑꓷꓠ ꓐꓳ ꓗꓷ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓮ ꓟꓬ, ꓟꓬꓱꓺ ꓓꓳꓽ ꓙꓳ ꓢꓴ ꓒꓬꓱꓼ ꓡ ꓟ ꓓꓳꓽ
4 ꓦ ꓟ 9 ꓠꓬꓲꓽ 2023 ꓘꓳꓼ ꓕꓯ ꓴꓮꓰ ꓗꓴꓷꓼ ꓗꓪ ꓐꓰ 4 ꓘꓳꓼ ꓙꓳ ꓟ ꓤ ꓠꓱ ꓤ ꓕꓲ ꓣꓳ ꓠꓬ ꓟꓵꓽ ꓗꓪ ꓔꓬ ꓟ ꓙꓱꓽ ꓤꓽ ꓐꓴ ꓐꓰ ꓟꓲ ꓠꓯ ꓡ ꓞꓳ ꓐꓴ ꓙꓻ ꓗꓳ ꓠꓲ, ꓚꓱ, ꓕꓳ ꓶ ꓐꓳ ꓗꓷ ꓟ ꓥ ꓡꓳ꓿ ꓕꓱ ꓤ ꓠꓱ ꓤ ꓠꓬ ꓬꓲ. ꓟꓬꓱꓺ ꓠꓬ AiDhabi ꓟꓬꓱꓺ ꓔ ꓢꓴ ꓥ ꓢꓲ ꓠꓬꓲ ꓬꓲ. ꓠꓬ 4 ꓘꓳꓼ ꓐꓰ 218 ꓠꓬꓲ ꓙꓳˍ ꓟ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿
ꓕꓱ ꓤ ꓠꓱ ꓤ ꓡꓰ ꓐꓯ ꓔ ꓟ ꓠꓬ ꓬꓲ. ꓕꓱ ꓕꓳ ꓶ ꓐꓳ ꓗꓷ ꓟ ꓠꓬ ꓬꓲ. ꓮ ꓝꓲ ꓡꓰ ꓐꓳ ꓗꓷ ꓟ ꓔꓯ ꓡꓳ. ꓟꓳ ꓟ ꓪꓴ ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓤ ꓠꓱ ꓤ ꓬꓲ. ꓮ ꓝꓲ ꓥ ꓟꓲ ꓥꓳꓽ ꓫꓵꓽ ꓠꓬꓲ ꓫꓵꓽ ꓗꓪ ꓐꓰ ꓕꓳ ꓶ ꓕꓲ ꓑꓷꓠ ꓐꓳ ꓗꓷ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓟꓬꓱꓺ ꓓꓳꓽ ꓙꓳ ꓢꓴ ꓒꓬꓱꓼ ꓡ ꓟ ꓥ ꓡꓳ꓿
AIDhabi ꓡꓰ ꓫ. ꓕꓱ ꓔ ꓟ ꓠꓬ ꓥꓪ ꓠꓬ ꓥꓪ ꓮ ꓝꓲ ꓔꓯ ꓮ ꓘꓶ. ꓠꓲ, ꓠꓵ ꓡꓳ ꓥꓪ ꓠꓴ ꓠꓬꓲ ꓫꓵ. ꓕꓲ ꓪ ꓕꓳ ꓶ ꓐꓳ ꓟ ꓔꓯ ꓢꓳ ꓗꓷ ꓟ ꓙꓵ, ꓕꓯ ꓮ ꓘꓶ. ꓗ, ꓛꓲ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓬꓲ. ꓡꓰ ꓐꓯ ꓔ ꓟ ꓠꓬ ꓗ, ꓔꓶ. ꓗꓪ ꓙꓰ ꓟ ꓙꓵ, ꓕꓯ ꓟꓵꓽ ꓗꓪ ꓔꓬ ꓟ ꓙꓱ ꓤ ꓐꓴ ꓥ ꓟ ꓪꓳꓺ ꓒꓽ ꓐꓰ ꓟꓶꓽ ꓖꓶꓽ ꓐꓴ ꓠꓬ ꓬꓲ. ꓪ ꓔꓯ ꓜ ꓡ ꓓꓴ ꓥꓳ ꓓꓵꓽ ꓙ ꓗꓷꓳ ꓖꓳ ꓡꓱ ꓥ ꓟꓲ ꓕꓱ ꓙꓱ ꓤ ꓐꓴ ꓠꓬ ꓬꓲ. ꓪ ꓐꓰ ꓕꓲ ꓪ ꓗ, ꓗ ꓡ ꓟ ꓔꓯ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓙꓱ ꓤ ꓐꓴ ꓐꓰ ꓡ ꓞꓳ ꓐꓴ ꓙꓻ ꓗꓳ ꓠꓲ, ꓚꓱ, ꓔꓯ ꓕꓳ ꓶ ꓗꓪ ꓐꓳ ꓗꓷ ꓥ ꓡꓳ ꓐꓰ ꓐꓯ ꓔ ꓡꓳ꓿
AIdhabi ꓠꓬ ꓟꓲ ꓠꓯ ꓗꓪ (Guinness World Records) ꓗꓪ ꓞꓲꓼ ꓣꓳ ꓓꓰ ꓡꓰ ꓢꓴ ꓕꓳ ꓶ ꓐꓳ ꓒꓽ ꓕꓲ ꓣꓳ ꓥ ꓡꓳ꓿
Add new comment