ꓢꓯꓸ ꓐꓬꓱꓽ ꓓꓶꓽ ꓒꓽ Leonardo DiCaprio ꓚꓱꓹ

American ꓢꓯꓸ ꓐꓬꓱꓽ ꓓꓶꓽ ꓒꓽ ꓕꓲ ꓣꓳ ꓐꓰ Producer ꓕꓲ ꓣꓳ ꓥ ꓟ꓾ ꓝꓮꓲ ꓟꓽ ꓞꓲ ꓢꓯꓸ ꓐꓬꓱꓽ ꓔꓯ ꓟ ꓗꓪ Academe ꓡꓯꓼ ꓫꓴꓻ British Academe Film ꓡꓯꓼ ꓫꓴꓻ ꓐꓰ ꓫꓵꓺ ꓟꓲ ꓠꓯ ꓡꓵꓸ 3 ꓟ ꓡꓰ ꓟꓽ ꓞꓲ ꓠꓱꓸ ꓐꓯꓼ ꓡꓯꓼ ꓫꓴꓺ ꓮ ꓟꓬꓹ ꓪ ꓢꓴ ꓝꓮꓲ ꓟꓽ ꓞꓲ 2019 ꓘꓳꓼ ꓗꓪ ꓬꓲ ꓢꓯꓸ ꓐꓬꓱꓽ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓗꓪ Dollar 7.2 Billion ꓛꓲ ꓓꓵꓽ ꓡ ꓢꓲ꓾ ꓟꓵꓽ ꓗꓳꓸ ꓓꓵ ꓓꓵ ꓗꓪ ꓢꓯꓸ ꓐꓬꓱꓽ ꓔꓯ ꓟ ꓗꓪ ꓐꓰ ꓒꓴ ꓟꓬ ꓠꓬꓲ ꓓꓵꓽ ꓢꓴ ꓐꓰ 8 ꓘꓳꓼ ꓡꓱꓼ ꓔꓬ ꓢꓴ ꓕꓲ ꓣꓳ ꓥ ꓟ Leonardo DiCaprio ꓚꓱꓹ ꓔꓯ ꓠ ꓠꓹ ꓓꓴ ꓬꓰ ꓡꓯ=

ꓬꓲ ꓔꓯ ꓠꓬ 1974 ꓘꓳꓼ 11 ꓦ 11 ꓠꓬꓲ ꓕꓯ California꓾ Los Angeles ꓗꓪ ꓦꓵꓻ ꓔ ꓟ ꓥꓳ= ꓬꓲ ꓐꓹ ꓐ ꓠꓬ George DiCaprio ꓐꓰ ꓟꓹ ꓟ ꓠꓬ Irmelin Indenbirken ꓐꓴ ꓥ ꓢꓲ꓾ ꓤ ꓔꓲꓸ ꓕꓲꓽ ꓣꓳ ꓡꓰ ꓔꓬ ꓟ ꓥꓳ=

ꓬꓲꓸ ꓠꓬ ꓬꓲ ꓞꓲꓼ 5 ꓘꓳꓼ ꓗꓪ ꓐꓰ ꓤ ꓠꓱ ꓤ ꓐꓴ ꓢꓯꓸ ꓐꓬꓱꓽ ꓔꓯ ꓟ ꓢꓧꓳꓪ ꓗꓪ ꓐ ꓗꓷ ꓢꓲ꓾ ꓬꓲ ꓞꓲ ꓘꓳꓼ ꓗꓪ ꓐꓰ ꓢꓷꓸ ꓠꓲꓹ ꓖꓶ_ ꓟ ꓢꓯꓸ ꓐꓬꓱꓽ ꓗꓪ ꓔꓯ ꓗꓷ ꓟ ꓥꓳ= 1993 ꓘꓳꓼ ꓕꓯ This Boy’s Life ꓐꓯ_ ꓟ ꓢꓯꓸ ꓐꓬꓱꓽ ꓗꓪ ꓬꓲꓸ ꓪꓴꓸ ꓔꓯ ꓗꓷ ꓟ ꓥꓳ= ꓝꓮꓲ ꓟꓽ ꓞꓲ 1996 ꓘꓳꓼ ꓕꓯ  Romeo Juliet꓾ 1997 ꓘꓳꓼ ꓕꓯ Titanic ꓢꓯꓸ ꓐꓬꓱꓽ ꓗꓪ ꓐꓰ ꓥ ꓟꓲ ꓡꓯꓼ ꓫꓴꓻ ꓪ ꓟ ꓡꓰ ꓐꓰ ꓟꓬꓱꓺ ꓓꓳ ꓮ ꓘꓶꓸ ꓙꓳ ꓡ ꓢꓲ꓾ ꓒꓴ ꓟꓽ ꓓ ꓓꓵꓽ ꓟ ꓢꓯꓸ ꓐꓬꓱꓽ ꓗꓷ ꓡ ꓟ ꓥꓳ= 2002 ꓘꓳꓼ ꓕꓯ director Martin Scorsese ꓓꓱ ꓟ Catch Me If You Can ꓐꓰ Gangs of New York ꓢꓯꓸ ꓐꓬꓱꓽ ꓗꓪ ꓐ ꓗꓷ ꓟ ꓥꓳ= ꓝꓮꓲ The Aviator꓾ Blood Diamond꓾ Shutter Island (2010)꓾ The Departed꓾ Revolutionary Road꓾ ꓕꓱ ꓢꓯꓸ ꓐꓬꓱꓽ ꓗꓪ ꓐꓰ ꓒꓴ ꓟꓲ ꓠꓯ ꓡꓵꓸ ꓡꓯꓼ ꓫꓴꓻ ꓐꓱ ꓶ ꓟꓬꓱꓺ ꓓꓵꓽ ꓡꓰ ꓟ ꓥꓳ= 2010 ꓘꓳꓼ ꓗꓸ ꓠꓯꓸ Inception (2010)꓾ Django Unchained (2012)꓾ The Wolf of Wall Street (2013) ꓾ The Revenant (2015) ꓾ Once Upon a Time in Hollywood (2019 ꓗꓪ ꓐꓰ ꓮ ꓘꓶꓸ ꓓ ꓟ ꓢꓯꓸ ꓐꓬꓱꓽ ꓐꓰ ꓪ ꓟꓶ ꓡꓰ ꓢꓲ꓾ ꓟꓬꓱꓽ ꓓꓳꓽ ꓮ ꓘꓶꓸ ꓙꓳ ꓡꓰ ꓟ ꓢꓯꓸ ꓐꓬꓱꓽ ꓥ ꓡꓳ=

1998 ꓘꓳꓼ ꓕꓯ ꓬꓲ ꓠꓬ ꓟꓵꓽ ꓘꓳꓼ ꓒꓳꓹ ꓡ ꓟ ꓚꓱꓹ ꓢꓷꓸ ꓠꓲꓹ ꓖꓶ ꓠꓹ ꓟ ꓐꓱ ꓶ Leonardo DiCaprio Foundation ꓔꓯ ꓫꓬꓹ ꓔꓶ ꓗꓷꓳ= ꓕꓱ ꓟ ꓠꓬ ꓟꓲ ꓠꓯ ꓐꓱ ꓶ ꓙꓲ ꓖꓴ ꓙꓳ_ ꓟ ꓢꓯꓸ ꓐꓬꓱꓽ ꓔꓯ ꓐꓬꓱꓽ ꓔꓯ ꓬꓰ ꓙ ꓟ ꓜꓴ ꓥ ꓡꓳ= ꓬꓲ ꓠꓬ ꓟꓵꓽ ꓘꓳꓼ ꓐꓰ ꓦꓬꓼ ꓠꓬꓲ ꓜꓴꓻ ꓔꓯ ꓮ ꓘꓶꓸ ꓢꓯꓼ ꓖꓶ ꓢꓴ ꓟꓲ ꓥ ꓢꓲ꓾ World Wildlife ꓐꓰ International Fund for Animal Welfare ꓗꓪ ꓥ ꓟꓲ Board ꓜꓴꓻ ꓗꓪ ꓐ ꓢꓴ ꓟꓲ ꓥ ꓡꓳ= 2001 ꓘꓳꓼ ꓕꓯ Environment Now ꓗꓪ ꓐꓰ Martin Litton Environment Award ꓐꓰ ꓡꓯꓼ ꓫꓴꓻ ꓪ ꓟꓶ ꓡꓰ ꓢꓲ꓾ 2003 ꓘꓳꓼ ꓕꓯ ꓠꓬ Global Green USA ꓗꓪ ꓐꓰ Entertainment Industry Environment Award ꓐꓰ ꓪ ꓟꓶ ꓡꓰ ꓟ ꓥꓳ=

2016 ꓘꓳꓼ ꓕꓯ ꓠꓬ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓐꓰ ꓜꓲ ꓡꓯꓼ ꓘꓳ ꓢꓲ꓾ ꓟꓵꓽ ꓘꓳꓼ ꓚꓱꓹ ꓐꓰ ꓫꓸ ꓕꓱ ꓡꓯꓼ ꓘꓳ ꓖꓪ ꓙꓱ ꓡꓯ ꓘꓳ ꓗꓷ ꓟ ꓥꓳ=

ꓝꓮꓲ ꓟꓽ ꓞꓲ ꓟꓵꓽ ꓗꓳꓸ ꓓꓵ ꓓꓵ ꓔꓲꓟꓰ ꓟꓮꓖꓮꓜꓲꓠꓰ ꓗꓪ ꓟꓬꓱꓺ ꓓꓳꓽ ꓙꓳ ꓢꓴ 100 ꓣꓳ ꓗꓪ ꓐꓰ ꓕꓲ ꓣꓳ ꓐꓰ ꓐ ꓡꓰ ꓟ ꓥꓳ=