ꓙꓲꓻ ꓫꓬ ꓢꓴ Vincent Ferrer ꓑꓮꓲꓽ (St.Vincent Ferrer)

ꓙꓲꓻ ꓫꓬ ꓢꓴ Vincent Ferrer ꓑꓮꓲꓽ

ꓙꓲꓻ ꓫꓬ ꓢꓴ Vincent Ferrer ꓔꓯ 1350 ꓘꓳꓼ ꓕꓯ Valencia ꓟꓬꓱꓺ ꓔ ꓟ ꓡꓳ ꓒꓱ ꓗꓪ ꓦꓵꓻ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Vincent Ferrer ꓠꓬ ꓪꓴ‐ꓢ ꓐꓯ ꓘꓶꓽ ꓢꓳ ꓣꓴ ꓢꓲ ꓠꓬꓲ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿ ꓙꓲꓻ ꓫꓬ ꓢꓴ Vincent Ferrer ꓠꓬ Dominican ꓔꓲꓺ ꓒ ꓜꓴꓻ ꓗꓪ ꓐꓰ ꓔꓲꓺ ꓒ ꓕꓲ ꓣꓳ ꓥ ꓡꓳ꓿

ꓬꓲ. ꓐ, ꓐ ꓐꓰ ꓟ, ꓟ ꓡꓰ ꓟ. ꓖꓶ ꓗꓷ ꓟ ꓪꓴ. ꓠꓬꓲ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓟ  ꓥ ꓡꓳ꓿ ꓢꓲꓻ ꓫꓬ ꓢꓴ Vincent Ferrer ꓠꓬ ꓙꓵꓻ ꓠꓲ, ꓮ ꓟꓬ, ꓙꓳ ꓢꓴ ꓟꓲ ꓥ ꓡꓳ꓿

AD 1374 ꓘꓳꓼ ꓕꓯ Dominican ꓔꓲꓺ ꓒ ꓓꓽ ꓕꓲ ꓪ ꓒꓬꓱꓼ ꓡ ꓪ꓿ ꓙꓲꓻ ꓫꓬ ꓢꓴ Vincent Ferrer ꓡꓰ ꓟ. ꓖꓶ ꓖꓶ ꓚꓱ, ꓔꓯ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓘꓳ, ꓣꓴ ꓟ ꓥ ꓡꓳ꓿    ꓢꓲꓽ ꓫꓬ ꓢꓴ Vincent Ferrer ꓠꓬ ꓬꓲ. ꓛꓳ ꓒꓯ, ꓔꓲꓺ ꓒ ꓐꓴ ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓟ. ꓟꓲ ꓚꓺ ꓟ. ꓖꓶ ꓕꓯ ꓙꓲ‐ꓢꓴ ꓢꓲꓺ ꓤ ꓐꓴ ꓓꓵꓽ ꓙ ꓗꓴ. ꓠ, ꓟ ꓐꓰ ꓢꓷ. ꓠ, ꓟ ꓥꓳꓽ ꓫꓵꓽ ꓣꓱ ꓢꓲ ꓠꓬꓲ ꓚꓺ ꓟ. ꓖꓶ ꓠ, ꓟ ꓐꓯ ꓟ. ꓖꓶ ꓗꓷꓳ꓿

ꓝꓮꓲ ꓙꓲꓻ ꓫꓬ ꓢꓴ Vincent ꓡꓰ ꓔꓲꓺ ꓒ ꓐꓴ ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓠꓵꓻ ꓠꓲ, ꓣꓱ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓐꓰ ꓙꓵꓻ ꓠꓲ, ꓚꓱ, ꓗꓪ ꓧꓳꓽ ꓪꓴ. ꓟꓴ ꓔꓬ ꓟ ꓙꓵ, ꓕꓯ ꓥ ꓟꓲ ꓠꓵꓻ ꓠꓲ, ꓟ. ꓖꓶ ꓠ, ꓟ ꓐꓯ ꓟ. ꓖꓶ ꓗꓷꓳ꓿

ꓙꓲꓻ ꓫꓬ ꓢꓴ Vincent Ferrer ꓠꓬ 1419 ꓘꓳꓼ ꓕꓯ ꓑꓲ‐ꓔꓲ ꓗꓴꓷꓼ ꓗꓪ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿