ꓔꓲꓺ ꓒ ꓪ ꓔꓲ ꓠꓬ ꓢꓲ ꓫꓬꓹ ꓟ ꓠꓽ ꓡꓲꓸ ꓠꓬꓲ ꓓꓽ ꓑꓮꓲ ꓬꓰ ꓖꓶ ꓠꓹ ꓟ ꓐꓱ ꓶ ꓞꓳ ꓡꓱ ꓤ ꓐꓱ ꓓꓴꓽ ꓗꓪ ꓙꓰ ꓠꓹ ꓟ꓾

Pope Francis at the juvenile prison of Casal del Marmo in 2013
Wednesday, April 05, 2023

  ꓔꓲꓺ ꓒ ꓪ ꓔꓲ ꓠꓬ ꓢꓲ ꓫꓬꓹ ꓟ ꓠꓽ ꓡꓲꓸ ꓠꓬꓲ ꓓꓽ ꓑꓮꓲ ꓬꓰ ꓖꓶ ꓠꓹ ꓟ ꓐꓱ ꓶ ꓞꓳ ꓡꓱ ꓤ ꓐꓱ ꓓꓴꓽ ꓗꓪ ꓙꓰ ꓠꓹ ꓟ꓾

ꓔꓲꓺ ꓒ ꓪ ꓔꓲ ꓠꓬ 4 ꓦ 6 ꓠꓬꓲ ꓢꓲ ꓫꓬꓹ ꓟ ꓠꓽ ꓡꓲꓸ ꓠꓬꓲ ꓓꓽ ꓑꓮꓲ ꓔꓯ Casal del Marmo ꓗꓪ ꓔꓬ ꓟ ꓞꓳ ꓡꓱ ꓤ ꓐꓱ ꓓꓴꓽ ꓗꓪ ꓟꓲ-ꓢ ꓪꓽ ꓘꓴ ꓖꓶ ꓠꓹ ꓟ ꓥ ꓡꓳ= ꓬꓲꓸ ꓚꓱꓹ ꓮ ꓙꓵ ꓔꓯ ꓡꓲꓦꓰ ꓗꓪ ꓐꓰ ꓐꓯ ꓑꓶ ꓓꓴ ꓥꓳ=

ꓔꓲꓺ ꓒ ꓪ ꓔꓲ ꓠꓯꓺ ꓞꓲꓼ ꓦꓲꓻ ꓗꓪ ꓐꓰ ꓠꓻ ꓫꓬꓹ ꓓꓳ ꓗꓸ ꓠꓯꓸ ꓢꓲ ꓫꓬꓹ ꓟ ꓕꓲ ꓠꓽ ꓐꓱ ꓶ ꓙ ꓖꓶ ꓢꓲ꓾ ꓢꓯꓸ ꓬꓲꓼ ꓡ ꓑꓮꓲ ꓐꓱ ꓶ ꓥ ꓟꓲ ꓙ ꓖꓶ ꓔꓬ ꓟ ꓥꓳ=

ꓢꓲ ꓫꓬꓹ ꓟ ꓠꓽ ꓡꓲꓸ ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓢꓲ ꓫꓬꓹ ꓟ ꓦꓬꓼ ꓠꓬꓲ ꓚꓲꓸ ꓟꓶ ꓓꓴ ꓑꓮꓲ ꓔꓯ ꓢꓲ ꓫꓬ ꓢꓴ ꓒꓲ-ꓕꓱ Basilica ꓗꓪ ꓟꓲ-ꓢ ꓔꓲ ꓖꓶ ꓪꓽ ꓘꓴ ꓢꓲ꓾ ꓬꓰ ꓡꓳꓹ ꓬꓰ ꓟ ꓬꓲꓸ ꓕꓲ ꓟꓴ ꓟꓲ-ꓢ ꓪꓽ ꓘꓴ_ ꓟ ꓐꓰ ꓕꓲ ꓪꓼ ꓮ ꓠꓱ ꓕꓯ ꓡꓰ ꓬꓰ_ ꓟ ꓡꓲꓽ ꓒꓰꓼ ꓥ ꓟ ꓛꓲ ꓒꓯꓹ ꓢꓲ ꓫꓬꓹ ꓖꓶ_ ꓟ ꓛꓲ ꓒꓯꓹ ꓞꓲ ꓖꓶ_ ꓟ ꓔꓯ ꓬꓰ ꓓꓴ ꓥꓳ=

  

Add new comment

16 + 3 =

Quick Links