ꓗ‐ꓛꓲ ꓗꓴꓷꓼ ꓫꓴꓺ ꓲ‐ꓐ‐ꓑ ꓟꓵꓽ ꓗꓪ ꓟꓵꓽ ꓚꓴ. ꓢꓲ ꓠꓬꓲ ꓪꓴꓽ ꓜ ꓟ ꓟꓬꓱꓽ ꓔꓯ ꓠꓽ ꓡꓰ ꓟ

ꓗ‐ꓛꓲ ꓗꓴꓷꓼ ꓫꓴꓺ ꓲ‐ꓐ‐ꓑ ꓟꓵꓽ ꓗꓪ ꓟꓵꓽ ꓚꓴ. ꓢꓲ ꓠꓬꓲ ꓪꓴꓽ ꓜ ꓟ  ꓟꓬꓱꓽ ꓔꓯ ꓠꓽ ꓡꓰ ꓟ

4 ꓦ ꓟ 15 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓺ ꓲ‐ꓐ‐ꓑ ꓟꓵꓽ ꓗꓪ ꓟꓵꓽ ꓚꓴ. ꓢꓲ ꓠꓬꓲ ꓪꓴꓽ ꓜꓽ ꓟ ꓟꓬꓱꓽ ꓔꓯ ꓠꓽ ꓗꓷ ꓐꓰ ꓐꓯ ꓔ ꓡꓳ꓿ ꓕꓱ ꓲ‐ꓐ‐ꓑ ꓟꓵꓽ ꓠꓬ ꓗ‐ꓛꓲ ꓗꓴꓷꓼ ꓫꓴꓻ ꓟ‐ꓢꓲ ꓡꓳ ꓒꓱ ꓗꓪ ꓙꓳˍ ꓟ  ꓞꓳ ꓘ, ꓥ ꓡꓳ꓿ ꓟꓵꓽ ꓚꓴ. ꓢꓲ ꓠꓬꓲ ꓪꓴꓽ ꓜꓽ ꓟ  ꓶꓻ ꓡꓯꓼ ꓬꓰ ꓟ ꓔꓯ ꓟꓽ ꓠꓲ, ꓫꓵˍ ꓟ ꓑ ꓫꓬ ꓐꓴ ꓡꓰ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓟꓵꓽ ꓚꓴ. ꓔ ꓟ ꓔꓯ ꓠꓽ ꓡꓰ ꓠ, ꓟ ꓓꓰꓽ ꓗꓷ ꓟ ꓪꓴ. ꓠꓬꓲ ꓠꓽ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

4 ꓦ ꓟ 3 ꓠꓬꓲ ꓕꓯ ꓙꓵꓽ ꓪ ꓙꓳ ꓢꓴ ꓐꓴ ꓐꓰ ꓘꓴ ꓜꓲꓼ ꓞꓳ ꓐꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓰ ꓜꓳꓳꓟ ꓗꓪ ꓐꓰ ꓖꓪꓽ ꓙꓱ  ꓡꓯ ꓘꓳ ꓗꓷ ꓟ ꓥ ꓡꓳ꓿ ꓝꓮꓲ ꓑ ꓫꓬ ꓐꓴ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓖꓪꓽ ꓙꓱ ꓡꓯ ꓘꓳ ꓗꓷ ꓟ ꓪꓴ. ꓠꓬꓲ 4 ꓦ ꓟ 15 ꓠꓬꓲ ꓕꓯ ꓟꓵꓽ ꓚꓴ. ꓢꓲ ꓠꓬꓲ ꓧꓶꓽ ꓟꓵꓽ ꓗꓪ ꓪꓴꓽ ꓜꓽ ꓟ ꓟꓬꓱꓽ ꓔꓯ ꓠꓽ ꓗꓷ ꓐꓰ ꓐꓯ ꓑꓶ ꓗꓷ ꓟ ꓥ ꓡꓳ꓿

ꓑ ꓫꓬ ꓐꓴ ꓡꓰ ꓫ. ꓕꓱ ꓔ ꓟ ꓠꓬ ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓵꓽ ꓚꓴ. ꓢꓲ ꓠꓬꓲ ꓧꓶꓽ ꓗꓴꓷꓼ ꓗꓪ ꓪꓴꓽ ꓜ ꓗꓷ ꓟ ꓠꓬ ꓡ ꓟ ꓣꓳ ꓤ ꓣꓳ ꓠꓱ ꓞꓲꓼ ꓕꓯ ꓮ ꓘꓶ. ꓔꓬ ꓫ. ꓓꓴ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓕꓱ ꓟꓬꓱꓽ ꓔꓯ ꓠꓽ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓗ, ꓛꓲ ꓡꓳ ꓐꓰ ꓐꓯ ꓔ ꓡꓳ꓿