ꓔꓲꓺ ꓒ ꓪ ꓔꓲ Francis ꓠꓬ ꓙꓲꓻ_ ꓟ ꓮ ꓣꓳ ꓡꓳ. ꓒ ꓡꓰ ꓐꓰ ꓣꓳ ꓠꓲ, ꓟ ꓔꓯ ꓒꓴ ꓔ ꓢꓲ ꓠꓬꓲ ꓠꓱ. ꓐꓯꓼ ꓢꓴ ꓔꓯ ꓠꓲ, ꓠꓵ ꓠ, ꓟ ꓢꓯꓼ ꓕꓵꓼ ꓡꓯ ꓐꓰ ꓐꓯ ꓗꓷ ꓟ

ꓔꓲꓺ ꓒ ꓪ ꓔꓲ Francis ꓠꓬ ꓙꓲꓻ_ ꓟ ꓮ ꓣꓳ ꓡꓳ. ꓒ ꓡꓰ ꓐꓰ ꓣꓳ ꓠꓲ, ꓟ ꓔꓯ ꓒꓴ ꓔ ꓢꓲ ꓠꓬꓲ ꓠꓱ. ꓐꓯꓼ ꓢꓴ ꓔꓯ ꓠꓲ, ꓠꓵ ꓠ, ꓟ ꓢꓯꓼ ꓕꓵꓼ ꓡꓯ ꓐꓰ ꓐꓯ ꓗꓷ ꓟ

ꓔꓲꓺ ꓒ ꓪ ꓔꓲ Francis ꓠꓬ 4 ꓦ ꓟ 30 ꓠꓬꓲ 2023 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓙꓲꓻ ꓟ ꓮ ꓣꓳ ꓡꓳ. ꓒ ꓡꓰ ꓐꓰ ꓣꓳ ꓠꓲ, ꓟ ꓔꓯ ꓒꓴ ꓢꓲ ꓠꓬꓲ ꓠꓱ. ꓐꓯꓼ ꓢꓴ ꓔꓯ ꓠꓲ, ꓠꓵ ꓓꓴ ꓬꓰ ꓡꓯ ꓐꓰ Hungary ꓗꓴꓷꓼ ꓗꓪ ꓟꓲ‐ꓢ ꓔꓲ ꓪꓽ ꓘꓴ ꓙꓵ, ꓗꓪ ꓐꓯ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓣꓳ ꓟꓽ ꓫꓱ, ꓡꓯ ꓘꓳ, ꓟꓽ ꓪ ꓡꓯ ꓘꓳ, ꓟ ꓟꓵꓽ ꓗꓪ ꓐꓰ ꓡ ꓥ ꓟꓲ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓣꓳ ꓔꓯ ꓜꓲꓼ ꓠ, ꓟ ꓬꓲ. ꓙꓵ, ꓖꓶ ꓡ ꓟ ꓪꓴ. ꓠꓬꓲ ꓪꓴ‐ꓢ ꓣꓱ ꓛꓰ ꓮ ꓙꓵꓽ ꓢꓴ ꓘꓳ, ꓣꓴ ꓟꓶ ꓝꓲ ꓐꓰ ꓙꓲ‐ꓢꓴ ꓢꓲꓺ ꓤ (50000) ꓣꓳ ꓜꓲꓼ ꓟ ꓔꓶ. Kossuth Lajos ꓡꓳ ꓒꓱ ꓗꓪ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓣꓳ ꓕꓲ ꓣꓳ ꓛꓳ ꓕꓲ ꓣꓳ ꓪꓽ ꓡꓯ ꓘꓳ ꓢꓲ ꓠꓬꓲ ꓢꓲ ꓡꓲ, ꓟꓶ ꓠ, ꓟ ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓠꓵꓻ ꓠꓲ, ꓔꓯ ꓮ ꓣꓳ ꓙꓵꓽ ꓢꓴ ꓠꓲ, ꓟ ꓘꓴꓽ ꓗꓪ ꓗꓷ ꓔ ꓓꓴ ꓬꓰ ꓡꓯ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟ. ꓟꓲ ꓚꓺ ꓗꓷ ꓟ ꓗꓪ ꓙꓲꓻ ꓟ ꓮ ꓣꓳ ꓡꓳ. ꓒ ꓑꓮꓲ ꓦꓬꓼ ꓠꓬꓲ ꓗꓪ ꓟꓲ ꓠꓯ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓚꓲ ꓛꓬ ꓓꓻ ꓟ ꓝꓮꓲ ꓣꓳ ꓟꓲ ꓠꓯ ꓒꓴ ꓫꓵꓺ ꓮ ꓟꓬ, ꓙꓳˍ ꓟ ꓔꓯ ꓡꓳ. ꓠꓬꓲ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ. ꓝꓲ ꓓꓴ ꓐꓴ ꓔꓯ ꓟꓽ ꓘꓴ ꓔ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓠꓲ, ꓟ ꓔꓯ ꓡꓳ. ꓠꓬꓲ ꓢꓲ ꓠꓬꓲ ꓓꓽ ꓪꓴ. ꓬꓲ. ꓝꓲ ꓓꓴ ꓬꓰ ꓠ, ꓟ ꓘꓴˍ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓑꓲ. ꓔ ꓟ ꓗ. ꓘꓶꓽ ꓔꓯ ꓒꓴ ꓓꓴ ꓬꓰ ꓡꓯ ꓣꓱꓽ ꓞ ꓔꓬ ꓢꓴ ꓐꓴ ꓔꓯ ꓟꓽ ꓬꓰ ꓙ ꓟ ꓔꓯ ꓡꓳ. ꓟꓳ ꓠꓬꓲ ꓮ ꓘꓶ. ꓠꓲ, ꓟ ꓟꓽ ꓢ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓫꓵꓽ ꓪꓴ ꓑꓶ. ꓓꓴ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓐꓴ ꓐꓰ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓠꓵꓻ ꓠꓲ, ꓟ. ꓖꓶ ꓠ, ꓟ ꓐꓯ ꓔ ꓡꓳ꓿ ꓝꓮꓲ ꓟꓲ ꓠꓯ ꓗꓪ ꓞꓳ ꓡꓱ ꓞꓳ ꓡꓯ. ꓢꓴ ꓠꓲ, ꓫꓵˍ ꓟ ꓠꓬ ꓟꓯꓼ ꓢꓰꓼ ꓡꓯ ꓘꓳ, ꓟ ꓟꓽ ꓥ꓿ ꓠꓵꓻ ꓠꓲ, ꓐꓲ ꓞ ꓟ ꓢꓲ ꓡꓲ, ꓟ ꓗꓴꓷꓼ ꓥ ꓡꓳ ꓐꓰ Hungary ꓗꓴꓷꓼ ꓙꓵꓽ ꓢꓴ ꓐꓴ ꓔꓯ ꓪꓽ ꓡꓯ ꓘꓳ ꓢꓲ ꓠꓬꓲ ꓖꓪ ꓙꓱꓻ ꓡꓯ ꓘꓳ ꓠ, ꓟ ꓐꓯ ꓟ. ꓖꓶ ꓗꓷꓳ ꓐꓰ (Catholic news Agency )ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿