ꓔꓲꓺ ꓒ ꓪ ꓔꓲ Francis ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓟ ꓓꓳꓽ

Monday, May 29, 2023

ꓔꓲꓺ ꓒ ꓪ ꓔꓲ Francis ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓟ ꓓꓳꓽ

5 ꓦ ꓟ 25 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓟ ꓪꓴ. ꓠꓬꓲ ꓪꓽ ꓘꓴ ꓙꓵ, ꓗꓪ ꓐ ꓟꓽ ꓘꓴ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓳ. ꓗꓷ ꓟ ꓠꓽ ꓡꓲ ꓠꓬꓲ ꓗꓪ ꓐꓰ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓠꓻ ꓓꓴ ꓟꓽ ꓙꓳˍ ꓟ ꓙꓵ, ꓕꓯ ꓢꓷ. ꓠꓲ, ꓙꓳ ꓒꓽ (50) ꓣꓳ ꓐꓰ ꓜꓲꓼ ꓡꓯ ꓘꓳ ꓢꓲ ꓠꓬꓲ ꓪꓴꓽ ꓟꓴ ꓡ ꓚꓱ, ꓔꓯ ꓮ ꓡꓰ ꓐꓰ ꓬꓰ ꓠ, ꓟ ꓖꓪ ꓙꓱꓽ ꓡꓯ ꓘꓳ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓠꓻ ꓓꓴ ꓔꓳ, ꓜꓳ ꓔꓬ ꓥ ꓟꓲ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓬꓯꓼ ꓡ ꓟ ꓑꓮꓲ 5 ꓦ ꓟ 28 ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓟꓲ‐ꓢ ꓐ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓬꓲ. ꓞꓲꓼ (86) ꓘꓳꓼ ꓙꓳˍ ꓡꓰ ꓢꓴ ꓥ ꓢꓲ ꓠꓬꓲ ꓗꓳ. ꓗꓷ ꓟ ꓙꓵ, ꓕꓯ ꓠꓯꓺ ꓞꓲꓼ ꓦꓲꓻ ꓗꓪ (4) ꓠꓬꓲ ꓠꓻ ꓫꓬ, ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓮ ꓕꓯ ꓥ ꓟꓲ ꓪꓽ ꓘꓴ ꓙ ꓖꓶ ꓢꓲ ꓠꓬꓲ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓮ ꓕꓯ ꓥ ꓟꓲ ꓢꓷ. ꓠꓲ, ꓛꓳ ꓬꓲ. ꓖꓶ ꓢꓴ ꓥ ꓡꓳ꓿