ꓔꓲꓺ ꓒ ꓪ ꓔꓲ ꓠꓬ ꓗ-ꓣꓲ ꓬꓲꓻ ꓙꓬ ꓘꓶꓽ ꓟꓵꓽ ꓗꓪ ꓡꓲ ꓗꓪꓼ ꓡꓰ ꓟ ꓚꓱꓹ ꓐꓰ ꓠꓲꓹ ꓟ ꓫꓸ ꓙ ꓔꓬ ꓡꓳ ꓐꓰ ꓐꓯ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓗ-ꓣꓲ ꓬꓲꓻ ꓙꓬ ꓘꓶꓽ ꓟꓵꓽ ꓗꓪ ꓡꓲ ꓗꓪꓼ ꓡꓰ ꓟ ꓚꓱꓹ ꓐꓰ ꓠꓲꓹ ꓟ ꓫꓸ ꓙ ꓔꓬ ꓡꓳ ꓐꓰ ꓐꓯ ꓟ꓾

6 ꓦ 14 ꓠꓬꓲ ꓠꓽ ꓢ ꓠꓬꓲ ꓕꓯ ꓗ-ꓣꓲ ꓬꓲꓻ ꓙꓬ ꓘꓶꓽ ꓟꓵꓽ ꓗꓪ ꓚꓵꓸ ꓔꓬ ꓢꓴ ꓐꓴ ꓔꓯ ꓧꓳꓽ ꓔꓯꓹ ꓡ_ ꓟ ꓡꓲ ꓗꓪꓼ ꓡꓰ ꓓꓴ ꓔꓳꓹ ꓜꓳ ꓔꓬ ꓟ ꓚꓱꓹ ꓔꓯ ꓠꓲꓹ ꓫ ꓟꓬ ꓫ ꓔꓬ ꓟ ꓚꓱꓹ ꓗ-ꓣꓲ ꓗꓴꓷꓼ ꓗꓪ ꓔꓬ ꓟ ꓔꓲꓺ ꓒ ꓓꓽ Jan Romeo Pawłowski ꓠꓯꓼ ꓗꓪ ꓕꓳ ꓶ ꓐꓳ ꓑꓶ ꓩꓴ ꓟ ꓥꓳ=

ꓕꓱ ꓗꓪ ꓠꓬ ꓞꓳ ꓤ 78 ꓣꓳ ꓫꓵꓻ ꓡꓰ ꓢꓲ꓾ 100 ꓣꓳ ꓟꓽ ꓞꓲ ꓔꓯ ꓬꓰ ꓙ ꓚꓬꓴ ꓙ ꓪ ꓡꓰꓳ ꓐꓰ ꓢꓷꓸ ꓪ ꓡꓳ= ꓡꓲ ꓕꓯ ꓢꓲ ꓗꓪ ꓠꓬ ꓞꓳ ꓤ 750 ꓣꓳ ꓟꓽ ꓞꓲ ꓐ ꓢꓲ꓾ ꓤ ꓠꓱ ꓤ ꓥ ꓟꓲ ꓮ ꓟꓬꓹ ꓐ_ ꓟ ꓥꓳ=

ꓫꓵꓻ ꓢꓴ꓾ ꓬꓲ ꓪ ꓕꓲ ꓦꓲꓻ ꓡ ꓞꓳ ꓐꓰ ꓠꓻ ꓓꓴ ꓡꓰ ꓢꓴ ꓐꓴ ꓮ ꓙꓵ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓙ ꓔꓬ ꓟ ꓥꓳ= ꓝꓮꓲ ꓖꓳ ꓗꓪ ꓬꓰ ꓙ ꓔꓳꓹ ꓙ ꓢꓴ ꓐꓴ ꓔꓯ ꓥ ꓟꓲ ꓢꓯꓼ ꓪ꓾ ꓠꓲꓹ ꓟ ꓫꓵꓺ ꓢꓲ꓾ ꓥꓳ ꓡꓳꓸ ꓓꓴ꓾ ꓪꓴ-ꓢ ꓡꓰ ꓶꓼ ꓤ ꓫꓱꓸ ꓤ ꓢꓯꓼ ꓪ ꓖꓶ ꓝꓲ ꓐꓰ ꓶꓼ ꓥꓳ ꓙꓱ ꓖꓶ_ ꓡꓳ=

ꓗ-ꓣꓲ ꓡꓲ ꓙꓵꓽ ꓢꓲ ꓒꓽ ꓡꓰ ꓙꓻ ꓡꓯꓼ ꓘꓳ ꓕꓯ ꓡꓲ ꓠꓬ ꓲ-ꓔ-ꓡꓲ ꓗꓪ ꓙꓰ ꓓꓴ ꓚꓱꓹ ꓔꓯ ꓐꓯ ꓔ ꓡꓳ= ꓠꓽ ꓢ ꓠꓬꓲ 1 ꓙꓵꓹ 40 ꓧꓶꓻ ꓛꓲ ꓕꓯ ꓡꓲ ꓙꓼ Engine ꓐꓬ ꓡꓰ ꓟ ꓥꓳ ꓐꓰ ꓡꓲ ꓗꓪ ꓐ ꓢꓴ ꓕꓲ ꓣꓳ ꓡꓰ ꓗ-ꓣꓲ ꓬꓲꓻ ꓙꓬ ꓘꓶꓽ ꓡꓳꓸ ꓢꓴ ꓔꓯ ꓙꓻ ꓡꓯꓼ ꓘꓳ ꓟ ꓥꓳ= ꓟꓽ ꓟꓶ ꓫꓵ ꓕꓯ ꓡꓲ ꓟꓳꓼ ꓡꓰ ꓢꓲ꓾ ꓡꓲ ꓟꓳꓼ ꓡꓰ ꓟ ꓠꓬ 10 ꓧꓶꓻ ꓐꓰ 15 ꓧꓶꓻ ꓛꓲ ꓡꓰ ꓟꓶꓻ ꓫꓵ ꓟ ꓥꓳ ꓐꓰ ꓢꓷꓸ ꓪ ꓡꓳ=