2023-2024 ꓢꓷꓸ ꓠꓲꓹ ꓢꓳ ꓘꓳꓼ ꓘꓴ ꓜꓲꓼ ꓞꓳ ꓟꓸ ꓒ/ꓟꓸ ꓟ ꓢꓳ ꓜꓲꓼ ꓓꓴ ꓒꓴ ꓑꓮꓲꓽ ꓔꓯ ꓟꓬꓮꓴꓠꓖꓟꓬꓮ ꓗꓪ ꓬꓰ ꓓꓳ ꓡꓰꓳ

ꓲ-ꓬ-ꓪ-ꓔꓲ ꓟꓵꓽ ꓫꓴ꓾ ꓟꓬꓮꓴꓠꓖꓟꓬꓮ ꓡꓳ ꓒꓱ꓾ ꓙꓲꓻ ꓫꓬ ꓢꓴ ꓟ-ꓔꓲꓠ ꓢꓳ ꓦꓲꓻ ꓗꓪ 2023-2024 ꓢꓷꓸ ꓠꓲꓹ ꓢꓳ ꓘꓳꓼ ꓘꓴ ꓜꓴꓼ ꓞꓳ ꓟꓸ ꓒ/ꓟꓸ ꓟ ꓒꓬꓱꓼ ꓢꓳ ꓜꓲꓼ ꓓꓴ ꓒꓴ ꓑꓮꓲꓽ ꓔꓯ 2023 ꓘꓳꓼ 6 ꓦ 17 ꓠꓬꓲ꓾ ꓠꓽ ꓛꓳꓼ ꓠꓬꓲ ꓟꓶꓽ ꓘꓶꓼ (7) ꓙꓵꓹ ꓕꓯ ꓙꓵꓹ ꓮ ꓔꓲꓸ ꓤ ꓬꓰ ꓢꓲ꓾ 6 ꓦ 18 ꓠꓬꓲ ꓠꓽ ꓦꓬꓼ ꓠꓬꓲ ꓠꓯꓼ 6ꓽ30 ꓙꓵꓹ ꓕꓯ ꓟꓴ-ꓢꓲ-ꓠꓬꓮꓪ ꓔꓲꓺ ꓒ ꓧꓰꓠꓣꓬ ꓮꓲ-ꓘ-ꓡꓮꓲꓠ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓔꓲꓺ ꓒ 5 ꓣꓳ ꓐꓰ ꓕꓲ ꓪ ꓟꓲ-ꓢ ꓔꓲꓺ ꓪꓽ ꓘꓴ ꓗꓷꓳ=

ꓙꓲꓻ ꓫꓬ ꓢꓴ ꓟ-ꓔꓲꓠ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓟꓸ ꓒ/ꓟꓸ ꓟ ꓢꓷꓸ ꓠꓲꓹ ꓢꓳ ꓡ ꓢꓴ (71) ꓣꓳ ꓙꓳˍ ꓟ ꓥ ꓢꓲ꓾ ꓬꓲ ꓪꓴꓸ ꓕꓲ ꓘꓳꓼ ꓢꓳ ꓢꓴ (43) ꓣꓳ ꓐꓰ ꓠꓬꓲꓽ ꓘꓳꓼ ꓕꓲ ꓘꓳꓼ ꓢꓳ ꓢꓴ (28) ꓣꓳ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓙꓲꓻ ꓫꓬ ꓢꓴ ꓟ-ꓔꓲꓠ ꓘꓴ ꓜꓲꓼ ꓞꓳ ꓟꓸ ꓒ/ꓟꓸ ꓟ ꓢꓳ ꓦꓲꓻ ꓠꓬ 1956 ꓘꓳꓼ ꓕꓯ ꓔꓲꓺ ꓒ ꓟ-ꓔꓲꓠ ꓠ-ꓐꓮꓲꓗ ꓡꓰ ꓫꓬꓹ ꓔꓶꓺ ꓗꓷ ꓟ ꓥ ꓢꓲ ꓮ ꓟꓶ ꓠꓬ (67) ꓘꓳꓼ ꓙꓳ ꓡ ꓗꓷꓳ= ꓢꓳ ꓦꓲꓻ ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓐꓱ ꓶ ꓬꓲ ꓒꓵꓽ ꓮ ꓘꓶꓸ ꓒꓵꓽˍ ꓟ ꓢꓳ ꓦꓲꓻ ꓥ ꓟ ꓑꓶꓸ ꓓꓴ꓾ ꓕꓱ ꓟ ꓔꓯ ꓡꓯꓼ ꓫꓵ ꓝꓸ ꓢꓲ ꓗꓽ ꓕꓸ ꓓꓴ꓾ ꓠꓬꓲ ꓡꓳꓸ ꓗꓪꓽ ꓫꓵꓼ ꓓꓴ ꓬꓰ ꓡꓯ ꓐꓰ꓾ ꓟꓴ-ꓢꓲ-ꓠꓬꓮꓪ ꓔꓲꓺ ꓒ ꓧꓰꓠꓔꓬ ꓮꓲ-ꓘ-ꓡꓮꓲꓠ ꓡꓰ ꓐꓯ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

News From #RVAPwoKaren