ꓗ‐ꓛꓲ ꓗꓴꓷꓼ ꓫꓴ ꓔ‐ꓠꓮꓲ, ꓡꓳ ꓒꓱ ꓗꓪ ꓢꓳ‐ꓡ ꓮ. ꓔꓳ ꓙꓼ ꓗꓪ ꓐꓰ ꓦꓲꓻ ꓕꓲ ꓦꓲꓻ ꓮ.‐ꓔꓳ ꓐꓬ ꓡꓰ ꓟ

ꓗ‐ꓛꓲ ꓗꓴꓷꓼ ꓫꓴ ꓔ‐ꓠꓮꓲ, ꓡꓳ ꓒꓱ ꓗꓪ ꓢꓳ‐ꓡ ꓮ. ꓔꓳ ꓙꓼ ꓗꓪ ꓐꓰ ꓦꓲꓻ ꓕꓲ ꓦꓲꓻ ꓮ.‐ꓔꓳ ꓐꓬ ꓡꓰ ꓟ

6 ꓦ ꓟ 24 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓔ‐ꓠꓮꓲ, ꓡꓳ ꓒꓱ ꓢꓴ‐ꓥꓮꓲ ꓞꓳ ꓘ, ꓗꓪ ꓢꓳ‐ꓡ ꓮ ꓔꓳ. ꓙꓼ ꓗꓪ ꓐꓰ ꓦꓲꓻ ꓕꓲ ꓦꓲꓻ ꓮ. ꓔꓳ. ꓐꓬ ꓡꓰꓳ ꓐꓰ ꓐꓯ ꓔ ꓡꓳ꓿ꓕꓱ ꓮ. ꓔꓳ ꓐꓬ ꓡꓰ ꓟ ꓠꓬ ꓔ‐ꓠꓮꓲ, ꓡꓳ ꓒꓱ ꓢꓴ‐ꓥꓮꓲ ꓞꓳ ꓘ, ꓗꓪ ꓦꓲꓻ ꓕꓯ: ꓢꓲ ꓗꓪ ꓢꓳ‐ꓡ ꓮ. ꓔꓳ ꓙꓼ ꓮ ꓘꓶ. ꓞ ꓡ ꓟ ꓪꓴ. ꓠꓬꓲ ꓮ. ꓔꓳ ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓦꓲꓻ ꓠꓬꓲꓽ ꓦꓲꓻ ꓮ. ꓔꓳ ꓐꓬ ꓡꓰ ꓟ ꓥ ꓡꓳ꓿

ꓡꓳ. ꓟꓳ ꓢꓴ ꓕꓲ ꓣꓳ ꓫ. ꓕꓱ ꓔ ꓟ ꓠꓬ ꓦꓲꓻ ꓕꓯꓽ ꓢꓲ ꓗꓪ ꓢꓳ‐ꓡ ꓮ. ꓔꓳ ꓙꓼ ꓮ ꓘꓶ. ꓞ ꓡ ꓟ ꓪꓴ. ꓠꓬꓲ ꓮ. ꓔꓳ ꓐꓬ ꓡꓰ ꓟ ꓙꓵ, ꓕꓯ ꓒ ꓕꓲ ꓗꓪ ꓙꓳˍ ꓟ ꓦꓲꓻ ꓔꓯ ꓮ. ꓔꓳ ꓓꓳꓼ ꓡꓰ ꓟ ꓪꓴ. ꓠꓬꓲ ꓮ. ꓔꓳ ꓐꓬ ꓡꓰ ꓟ ꓥ ꓡꓳ꓿ ꓕꓱ ꓮ. ꓔꓳ ꓐꓬ ꓟ ꓪꓴ. ꓠꓬꓲ ꓦꓲꓻ ꓒꓵꓽ ꓠꓬ (28) ꓫꓬ, ꓒꓵꓽ ꓮ. ꓔꓳ ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓮꓽ ꓙꓵꓽ ꓢꓴ ꓥ ꓟꓲ ꓮ. ꓔꓳ ꓤ ꓟꓳ ꓠ, ꓟ ꓬꓰ ꓡꓯ ꓐꓰ (EPN) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿