ꓓꓴꓟ-ꓐꓳꓠ ꓞꓳ ꓘꓹ ꓗꓪ ꓤ ꓠꓱ ꓐꓴ ꓠꓻ ꓧꓶꓺ ꓠꓻ ꓔꓬ ꓟ ꓑꓶ ꓓꓴ ꓠꓯꓺ ꓞꓲꓼ ꓣꓱꓽ ꓬꓯꓼ ꓔꓬ ꓟ꓾

ꓓꓴꓟ-ꓐꓳꓠ ꓞꓳ ꓘꓹ ꓗꓪ ꓤ ꓠꓱ ꓐꓴ ꓠꓻ ꓧꓶꓺ ꓠꓻ ꓔꓬ ꓟ ꓑꓶ ꓓꓴ ꓠꓯꓺ ꓞꓲꓼ ꓣꓱꓽ ꓬꓯꓼ ꓔꓬ ꓟ꓾

ꓗ-ꓛꓲ ꓗꓴꓷꓼ ꓫꓴꓺ꓾ ꓒ-ꓗꓸ ꓡꓳ ꓒꓱ꓾ ꓓꓴꓟ-ꓐꓳꓠ ꓞꓳ ꓘꓹ ꓗꓪ 7 ꓘꓳꓼ ꓗꓪ ꓐꓰ 13 ꓘꓳꓼ ꓤ ꓠꓱ ꓤ ꓐꓴ ꓠꓻ ꓧꓶꓺ ꓠꓻ ꓔꓬ ꓢꓲ꓾ ꓠꓯꓺ ꓞꓲꓼ ꓣꓱꓽ ꓞꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ 5 ꓦ ꓐꓰ 6 ꓦ ꓘꓴꓽ ꓗꓪ ꓤ ꓠꓱ꓾ ꓞꓳ ꓟꓳ 50 ꓣꓳ ꓟꓽ ꓞꓲ ꓠꓻ ꓧꓶꓺ ꓠꓻ ꓫꓵ ꓠꓻ ꓔꓬ ꓢꓲ꓾ ꓮ ꓟꓶ ꓠꓬ 10 ꓣꓳ ꓟꓽ ꓞꓲ ꓠꓻ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ= ꓠꓯꓺ ꓞꓲꓼ ꓟꓽ ꓙꓳ꓾ ꓠꓯꓺ ꓞꓲꓼ ꓦꓲꓻ ꓥ ꓟꓲ ꓟꓽ ꓔꓬ ꓟ ꓑꓶ ꓓꓴ ꓦꓲꓻ ꓒ ꓠꓶꓽ ꓗꓪ ꓐꓰ ꓠꓯꓺ ꓞꓲꓼ ꓓꓰ ꓢꓲ ꓣꓱ ꓔꓬ ꓡꓳ ꓐꓰ ꓐꓯ ꓔ ꓡꓳ=

ꓠꓯꓺ ꓞꓲꓼ ꓦꓲꓻ ꓐꓰ ꓠꓱꓸ ꓐꓯꓼ ꓬꓰ ꓙ ꓢꓴ ꓜꓴꓻ ꓟꓽ ꓔꓬ ꓟ ꓑꓶ ꓓꓴ ꓓꓴꓟ-ꓐꓳꓠ ꓞꓳ ꓘꓹ ꓗꓪ ꓔꓬ ꓟ ꓘꓹ ꓢꓴ ꓐꓴ ꓠꓬ 16 ꓟꓲꓡꓰ ꓛꓲ ꓶ_ ꓟ ꓡ-ꓪꓸ ꓐꓰ 18 ꓟꓲꓡꓰ ꓛꓲ ꓶ_ ꓟ ꓠꓮꓟꓮꓔꓲ ꓕꓲ ꓛꓱ ꓗꓪ ꓠꓻ ꓫꓬꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓡꓳꓹ ꓬꓰ ꓟ ꓙꓵꓹ ꓓꓲ ꓢ ꓕꓱ ꓕꓲ ꓘꓳꓼ ꓗꓪ ꓠꓬ ꓦꓬꓽ-ꓕꓳꓹ ꓟꓬ ꓠꓬꓲ ꓔꓬ ꓟ ꓑꓶ ꓓꓴ ꓠꓻ ꓓꓴ ꓟꓬ ꓠꓬꓲ ꓠꓻꓔꓬ ꓟ ꓥꓳ=

ꓞꓳ ꓘꓹ ꓘꓴꓽ ꓗꓪ ꓠꓻ ꓔꓬ ꓟ ꓤ ꓠꓱ꓾ ꓞꓳ ꓟꓳ ꓮ ꓙꓵ ꓐꓱ ꓶ ꓣꓱ ꓬꓯꓼ ꓟ ꓠꓯꓺ ꓞꓲꓼ ꓪ ꓠꓹ ꓟ ꓐꓰ ꓦꓬꓽ-ꓕꓳꓹ ꓢꓰꓼ ꓠꓹ ꓟ ꓠꓯꓺ ꓞꓲꓼ ꓣꓱꓽ ꓬꓯꓼ ꓟ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓞꓳ ꓘꓹ ꓢꓴ ꓐꓴ ꓡꓰ ꓐꓯ ꓔ ꓟ ꓔꓯ Myitkyina News Journal ꓗꓪ ꓐꓰ ꓢꓷꓸ ꓪ ꓡꓳ=