ꓑꓴꓮꓔꓳ ꓟꓵꓽ ꓠꓳ‐ꓟꓳ (ꓡꓳ. ꓟꓶ) ꓟꓵꓽ ꓗꓪ ꓜ ꓓꓴ ꓜ ꓒꓴ ꓪꓴꓽ ꓖꓶ ꓢꓴ ꓟꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

ꓑꓴꓮꓔꓳ ꓟꓵꓽ ꓠꓳ‐ꓟꓳ (ꓡꓳ. ꓟꓶ) ꓟꓵꓽ ꓗꓪ ꓜ ꓓꓴ ꓜ ꓒꓴ ꓪꓴꓽ ꓖꓶ ꓢꓴ ꓟꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

7 ꓦ ꓟ 14 ꓠꓬꓲ  2023 ꓘꓳꓼ ꓕꓯ ꓑꓴꓮꓔꓳ ꓟꓵꓽ ꓠꓳ‐ꓟꓳ (ꓡꓳ.‐ꓟꓶ) ꓟꓵꓽ ꓗꓪ ꓜ ꓓꓴ ꓜ ꓒꓴ ꓪꓴꓽ ꓖꓶ ꓢꓴ ꓟꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓜ ꓒꓴ ꓪꓴꓽ ꓖꓶ ꓢꓴ ꓟꓽ ꓔꓬ ꓗꓷ ꓡꓰꓳ꓿

ꓑꓴꓔꓮꓳ ꓖ‐ꓟꓶ‐ꓓꓲ ꓗꓪ ꓐꓰ ꓡ ꓟ ꓟꓳ‐ꓓꓳ ꓒꓵꓽ ꓥ ꓟꓲ ꓮ ꓘꓶ. ꓔꓯꓺ ꓖꓶ ꓟ ꓪꓴ. ꓠꓬꓲ ꓜ ꓒꓴ ꓪꓴꓽ ꓖꓶ ꓢꓴ ꓥ ꓟꓲ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓳ‐ꓠꓳ ꓟꓵꓽ ꓗꓪ ꓗꓳ. ꓗꓷ ꓟ ꓦ‐ꓐ ꓗꓪ ꓐꓰ ꓟꓲ ꓦ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓟꓵꓽ ꓡꓶꓽ ꓔ ꓟ ꓪꓴ. ꓠꓬꓲ ꓙꓻ ꓖꓴ ꓙꓰ ꓠ, ꓟ ꓫ. ꓔꓬ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓑꓴꓔꓮꓳ ꓗꓪ ꓐꓰ ꓓꓯꓻ ꓡ ꓟ ꓟꓳ‐ꓓꓳ ꓥ ꓟꓲ ꓬꓲ. ꓒꓵꓽ ꓮ ꓘꓶ. ꓠꓯˍ ꓝꓮꓲ ꓜ ꓒꓴ ꓮ ꓟꓬ, ꓟꓽ ꓚꓲꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓒꓴ ꓪꓴꓽ ꓜ ꓓꓴ ꓫ. ꓔꓬ   ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓮ‐ꓭ‐ꓩꓴ ꓕꓲ ꓢꓶꓽ ꓠꓬ (500) ꓒꓯ ꓐꓰ ꓮ ꓫꓵꓽ ꓒꓵꓽ ꓥ ꓟꓲ ꓮ ꓘꓶ. ꓓꓯꓻ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓓꓴ ꓓꓳꓻ ꓓꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓫ. ꓔꓬ ꓡꓳ ꓐꓰ (Kachina News) ꓗꓪ ꓐꓰ ꓢꓷ. ꓪ ꓡꓳ꓿